Romabi 4:25 - BAIBLO ALOO NGMAMI KLƆUKLƆU Ɔ

²⁵ Mawu ngɔ Kristo kɛ ha nɛ a gbe lɛ ngɛ wa he yayami ɔmɛ a he; nɛ a tle lɛ si kɛ ba wami mi ekohu, konɛ e kɛ wo wɔ nguɔ.

Somi He Ɔ

²⁵ A ngɔ lɛ ngɔ ha ngɛ wa tɔmi ɔmɛ a he, nɛ a tle lɛ si ekohu ngɛ wa nguɔ womi ɔ he.

Romabi 4:25 ပူးပေါင်းရင်းမြစ်များ

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Korintobi 15:17

Ke Mawu tle we Kristo si ɔ, lɛɛ nyɛ hemi kɛ yemi ɔ pee yaka, nɛ nyɛ ngɛ yayami he wami ɔ sisi kɛ mwɔɔ.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Romabi 5:18

Lɔ ɔ he ɔ, kaa bɔ nɛ yayami kake he ɔ, a bu nihi tsuo fɔ ɔ, jã nɔuu kpakpa kake he ɔ, Mawu maa wo nihi tsuo nguɔ, nɛ a ma he a yi wami.

Romabi 3:25

Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Yesaya 53:4

“Haomi kɛ pimi nɛ ko ba wa nɔ ɔ, lɛ mohu e ya da nya ha wɔ. Se wɔɔ lɛɛ, wa susu kaa Mawu lɛ ngɔ ní nɛ ɔmɛ tsuo kɛ ngɛ e tue gblae.

2 Korintobi 5:15

Kristo gbo ha nihi tsuo, konɛ nihi nɛ a hɛ ngɛ ɔ, a ko pee mɛ nitsɛmɛ a suɔmi nya ní hu; se mohu a pee Kristo suɔmi nya ní. Ejakaa Kristo gbo, nɛ Mawu tle lɛ si kɛ ba wami mi ekohu ngɛ mɛɛ a he.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Hebribi 8:3

A woɔ osɔfo nɔkɔtɔma pe kulaa, konɛ e ngɔ nike ní kɛ ha Mawu, nɛ e sã bɔ ha lɛ. Lɔ ɔ he ɔ, wa osɔfo nɔkɔtɔma pe kulaa a hu e hia nɛ e ná nɔ́ ko nɛ e kɛ ha Mawu.