Romabi 4:17 - BAIBLO ALOO NGMAMI KLƆUKLƆU Ɔ

¹⁷ Ejakaa ngmami ɔ deɔ ke, “Ma pee mo je mahi babauu a tsɛ.” Mawu ɔ nɛ Abraham he ye ɔ, anɔkualetsɛ ji lɛ, nɛ si nɛ e wo ɔ maa ba mi. Lɛ ji Mawu nɛ tleɔ ni gbogboehi si kɛ baa wami mi ekohu; nɔ́ nɛ bɛ je mi hyɛ po, e haa e baa.

Somi He Ɔ

¹⁷ kaa bɔ nɛ a ngma a ke: “I ngɔ mo ngɔ pee majeli fuu a tsɛ,” ngɛ Mawu nɔ nɛ e he yeɔ ɔ hɛ mi, nɔ nɛ tsɛɛ ni gbogboehi a hɛ, nɛ e tsɛɔ nihi nɛ be ɔ kaa nihi nɛ ngɛ momo ɔ.

Romabi 4:17 ပူးပေါင်းရင်းမြစ်များ

1 Korintobi 1:28

E hla níhi nɛ je ɔ bui, níhi nɛ a hiee, kɛ níhi nɛ pi nɔ́ ko kulaa a, konɛ e kɛ gbe níhi nɛ je ɔ buu saminya a a he guɛ.

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

1 Petro 2:10

Sa a, pi Mawu e ma ji nyɛ; se amlɔ nɛ ɔ, e ma ji nyɛ. Sa a, Mawu nɛ́ nyɛ mɔbɔ; se amlɔ nɛ ɔ, e na nyɛ mɔbɔ.

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Hebribi 11:12

Enɛ ɔ he ɔ, Abraham nɔ kake too nɛ ngɛ kaa nɔ ko nɛ yi ta a, e nina ba hiɛ babauu kaa dodoehi ngɛ hiɔwe, loo wo nya zia nɛ hi kanemi.

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Yesaya 48:13

Imi nitsɛ lɛ i to zugba a sisi, nɛ i bli hiɔwe mluguduu ɔ mi. Benɛ i tsɛ hiɔwe kɛ zugba a, mɛ tsuo a he sɔ kɛ ba.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

2 Petro 3:8

Se ye nyɛmimɛ nɛ i suɔ! Nɔ́ kake nɛ nyɛ hɛ ko je nɔ ji kaa ngɛ Nyɔmtsɛ ɔ hɛ mi ɔ, ligbi kake ngɛ kaa jeha akpe, nɛ jeha akpe hu ngɛ kaa ligbi kake.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

1 Timoteo 6:13

I ngɛ mo fae ngɛ Mawu, kɛ Kristo Yesu hɛ mi kaa o ye mlaa nɛ ɔmɛ a nɔ veveeve kɛ yaa si ligbi ɔ nɛ wa Nyɔmtsɛ Yesu Kristo maa ba. Mawu lɛ haa nɔ tsuaa nɔ wami, nɛ Kristo Yesu ye Mawu he odase wawɛɛ ngɛ Pontio Pilato hɛ mi. Ke be ɔ su ɔ, Mawu ma ha Kristo Yesu maa ba.

Yesaya 44:7

Mɛnɔ kɛ mi sɔ? Ha nɛ a ha heto. Ha nɛ a je nya nɛ a de ngɛ ye hɛ mi. Níhi nɛ ba blema a, mɛnɔ lɛ de to? Ha nɛ a gba níhi nɛ maa ba hwɔɔ se.

Mose I, 17:16

Ma gbaa lɛ, nɛ ma ha e ma fɔ binyumu ha mo. Ma gbaa lɛ nɛ e maa pee je mahi a nyɛ, nɛ e bimɛ ɔmɛ ekomɛ ma ba pee matsɛmɛ.”

Romabi 9:26

“Nɛ e maa ba mi kaa he nɛ a ma de mɛ ngɛ ke, ‘Pi ye ma ji nyɛ’ ɔ, lejɛ ɔ nɔuu a ma tsɛ mɛ ngɛ ke, ‘Mawu hɛ kalɔ ɔ bimɛ.’ ”

Yesaya 49:12

Ee, ye ma a maa je tsitsaa kɛ maa ba, a maa je omleyi je kɛ bonyoku je, nɛ a maa je Aswan tɔɔ ngɛ leneyi je kɛ maa ba.”

Yesaya 43:6

Ma de omleyi je ke, ‘Ngmɛɛ a he nɛ a ho,’ nɛ ma de leneyi je hu ke, ‘Koo tsi a nya. Nyɛ ha nɛ ye ma a nɛ kpale kɛ ba, kɛ je zugba amɛ a nɔ ngɛ tsitsaa lokoo ngɛ je ɔ mi tsuo.

Mose I, 28:3

Mawu Ope ɔ nɛ gbaa mo, nɛ e ha mo bimɛ babauu, konɛ o ba pee je mahi babauu a tsɛ.

1 Korintobi 15:45

Ngmami ɔ ke, “A bɔ kekleekle Adam ɔ nɔmlɔ hɛngmengmletsɛ,” nɛ nyagbe Adam ɔ ba pee mumi nɛ haa nɔ wami.

Romabi 4:2

Ke ní nɛ e tsu nɔ a da kɛ wo lɛ nguɔ ɔ, lɛɛ jinɛ e ngɛ nɔ́ ko nɛ e maa fĩa ngɔ fɔ nɔ. Se ngɛ Mawu blɔ fa mi ɔ, Abraham be nɔ́ ko kulaa nɛ e ma nyɛ maa fĩa ngɔ fɔ nɔ.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Mose I, 17:20

Nɔ́ nɛ o bi kɛ ha Ishmael ɔ hu i nu; ma gbaa lɛ, nɛ ma ha e ma fɔ bimɛ, nɛ e ma na nina babauu nitsɛ. E maa pee matsɛbinyumuhi nyɔngma kɛ enyɔ a tsɛ, nɛ ma ha e nina ma ba pee je ma agbo.

Yesaya 51:2

Nyɛ susu nyɛ nɛ̃, Abraham, kɛ Sara hu nɛ fɔ nyɛ ɔ a he. Benɛ i tsɛ Abraham ɔ, e be bi ko kulaa, se i gbaa lɛ, nɛ i ha lɛ bimɛ; nɛ i ha e nina hiɛ babauu.

Romabi 4:18

Bɔ nɛ Abraham he Mawu ye, nɛ e ngɔ e hɛ ngɔ fɔ e nɔ, pohu jamɛ a be ɔ mi ɔ, hɛ kɛ nɔ fɔmi tsuo ta a, lɔ ɔ nɛ ha e ba pee je mahi babauu a tsɛ kaa bɔ nɛ ngmami ɔ deɔ ke, “Jã o nina hu maa hiɛ” ɔ nɛ.

Romabi 9:11

Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

Hebribi 11:3

Hemi kɛ yemi lɛ ha wa nu sisi kaa Mawu munyu a kɛ bɔ je ɔ. Enɛ ɔ tsɔɔ kaa níhi nɛ wa nɛ́ ɔ, lɔ ɔmɛ Mawu ngɔ kɛ pee níhi nɛ wa naa a.