Romabi 4:15 - BAIBLO ALOO NGMAMI KLƆUKLƆU Ɔ

¹⁵ Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Somi He Ɔ

¹⁵ Se Mlaa a tsɛɔ Mawu mi mi fumi kɛ baa, mɛni he je ɔ, he nɛ mlaa be ɔ, mlaa nɔ tɔmi hu be.

Romabi 4:15 ပူးပေါင်းရင်းမြစ်များ

Matsɛmɛ II, 22:13

“Nyɛɛ ya nɛ nyɛ ya bi Yawɛ ga womi ha imi, kɛ Yuda ma a tsuo ngɛ kikɛmɛ a womi nɛ ɔ mi munyu ɔmɛ a he. Yawɛ mi mi fu wɔ wawɛɛ nitsɛ, ejakaa wa nɛmɛ ɔmɛ bui womi nɛ ɔ mi munyu ɔmɛ tue; nɛ níhi tsuo nɛ a ngma nɛ kɔɔ wa he ɔ hu a pee we.”

Yeremia 4:8

Enɛ ɔ he je ɔ, nyɛ bu kpekpe ya bo; nyɛɛ wo yana nɛ nyɛ nya awe, ejakaa Yawɛ mi mi fumi nɛ nya wa a ji Yuda nɔ lolo.

Kɔmɔ Yemi 2:22

O kpee ye he nyɛli ɔmɛ kɛ ba nɛ a ba bɔle mi kaa nɔ́ nɛ a ngɛ nyami ligbi yee. Ligbi ɔ nɛ o mi mi wo la a, nɔ ko nɔ ko nyɛ we nɛ e ye e he. Ye bimɛ nɛ i lɛ, nɛ i suɔ mɛ ɔ, he nyɛli ɔmɛ gbe mɛ tsuo.

Ezekiel 7:19

A ma sake a sika tsu, kɛ sika hiɔ ngɔ pue gbɛjegbɛ ɔmɛ a nɔ kaa níhi nɛ a he tsɔ we. Ligbi ɔ nɛ Yawɛ we abofu maa ba ma a nɔ ɔ, a sika hiɔ, kɛ sika tsu ɔ be nyɛe ma he a yi wami; a be nyɛe maa ye kaa niye ní nɛ a tɔ, konɛ a na bua jɔmi. Ejakaa sika tsu, kɛ sika hiɔ ji níhi nɛ ha nɛ a pee yayami ɔ nɛ.

Zefania 1:18

Ligbi ɔ nɛ Yawɛ ma je e mi mi fumi ɔ kpo ɔ, nɔ́ ko nɔ́ ko be nyɛe ma he ma a yi wami: sika hiɔ jio, sika tsu jio. E kɛ e mi mi fumi ɔ ma kpata je ɔ tsuo hɛ mi kaa bɔ nɛ la sãã nɔ́ ɔ. E maa gbe níhi tsuo ngɛ je ɔ mi si kake too.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!

Yohane 15:22

Kaa i bɛ nɛ i kɛ mɛ ba tu munyu ɔ, jinɛ a ko yi fɔ kaa a pee yayami. Se jehanɛ lɛɛ a be nya jemi ko kulaa ngɛ yayami nɛ a pee ɔ he.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 5:13

Yayami ngɛ je ɔ mi loko mlaa a ba; se be nɛ mlaa be ɔ, nɔ ko nɔ ko pee we yayami he akɔtaa.

1 Korintobi 15:56

Gbenɔ kɛɛ ɔ ji yayami, nɛ yayami he wami ɔ ji mlaa a.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Galatabi 3:19

Lɛɛ jehanɛ ɔ, mɛni ji mlaa a he se nami mɔ? A ha wɔ mlaa a, konɛ wa kɛ le wa tɔmi ɔmɛ hluu kɛ yaa su be nɛ Abraham bi ɔ nɛ a wo lɛ si ngɛ he ɔ maa ba. Jehanɛ hu, hiɔwe bɔfohi lɛ ngɔ mlaa a kɛ ba ha je ɔ kɛ gu adesa nɔ.

Efesobi 5:6

Nyɛ ko ha nɛ nɔ ko nɛ pee nyɛ kuasia; ejakaa nihi nɛ gboɔ tue, nɛ a peeɔ yayamihi kaa kikɛ nɛ ɔ, Mawu kɛ mi mi la gblaa a tue wawɛɛ.

Kolosebi 3:6

Nihi nɛ gboɔ tue, nɛ a peeɔ kikɛmɛ a ní nɛ ɔmɛ ɔ, Mawu kɛ mi mi fumi ma kple a nɔ.

1 Yohane 3:4

Nɔ tsuaa nɔ nɛ peeɔ yayami ɔ, e yeɔ fɔ kaa e ngɛ Mawu mlaa nɔ tɔe, ejakaa yayami ji mlaa nɔ tɔmi.

Kpojemi 19:15

Klaate nɛ nya ba je e nya mi, nɛ lɔ ɔ e kɛ maa fia je ma amɛ ní, nɛ e maa ye a nɔ kunimi. E maa ye tsɛ ngɛ a nɔ kɛ he wami kpetekpleenyɛ. E kɛ Mawu Ope ɔ we abofu, kɛ mi mi la ma kple a nɔ kaa bɔ nɛ a ngaa wai mi ngɛ wai ngami nɔ́ mi ɔ.