Romabi 4:14 - BAIBLO ALOO NGMAMI KLƆUKLƆU Ɔ

¹⁴ Ejakaa ke nihi nɛ mlaa a nɔ pɛ a yeɔ ɔ, mɛ hu gbosi ní yeli ji mɛ ɔ, lɛɛ hemi kɛ yemi ɔ peeɔ yaka, nɛ siwo ɔ hu se nami be he.

Somi He Ɔ

¹⁴ Ejakaa ke mlaa sisibi ɔmɛ ji ni yeli ɔ, lɛɛ hemi kɛ yemi ɔ pee yaka, nɛ si womi ɔ hu be nɔ hu.

Romabi 4:14 ပူးပေါင်းရင်းမြစ်များ

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Hebribi 7:28

Mose mlaa a nya a, nihi nɛ a wo mɛ osɔfo nɔkɔtɔma pe kulaa a, sé ngɛ a he. Se si nɛ Mawu wo nɛ e ka kita ngɔ fɔ nɔ ngɛ Mose mlaa a se ɔ, lɔ ɔ a kɛ wo Mawu Bi ɔ nɛ hi kɛ pi si kɛ yaa neneene ɔ osɔfo nɔkɔtɔma pe kulaa.

Hebribi 7:19

Ejakaa Mose mlaa a nyɛ we nɛ e pee nɔ́ ko nɛ hi kɛ pi si. Se nɔ́ nɛ wa ngɔ wa hɛ kɛ fɔ nɔ jehanɛ ɔ hi saminya; nɛ wa nyɛɔ wa hɛɛ kɛ suu Mawu he.

Galatabi 2:21

I kplɛɛ kaa Mawu dloomi ji lɛ ha mi. Ke mlaa a nɔ a guu kɛ dlaa nɔ kɛ Mawu a kpɛti ɔ, lɛɛ Kristo gbo yaka gu.

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

Romabi 3:31

Lɛɛ waa pɛtɛ hemi ke yemi he, nɛ waa ngmɛɛ mlaa a he lo? Pi ja kulaa! Mohu ɔ, wa gu hemi kɛ yemi nɔ kɛ ngɛ nɔ mi mae kaa mlaa a hi.

Yesaya 55:11

Munyuhi nɛ i tuɔ ɔ, ja a maa pee. Munyu tsuaa munyu nɛ jeɔ ye nya a, nɔ́ nɛ i ke e pee ɔ, ja e pee loko e maa kpale kɛ ba. Nɔ́ tsuaa nɔ́ nɛ i to ke e ba mi ɔ maa ba mi kokooko.

Galatabi 5:4

Nyɛ nihi nɛ nyɛ hlaa kaa nyɛ maa ye mlaa a nɔ, konɛ a dla nyɛɛ kɛ Mawu nyɛ kpɛti ɔ, pe nyɛ tsɔ nyɛ he kɛ je Kristo he ɔ nɛ. Enɛ ɔ tsɔɔ kaa nyɛ kua Mawu dloomi ɔ.

Yeremia 19:7

Ma ha nɛ yi mi nɛ Yuda ma a, kɛ Yerusalem ma mi bi ɔmɛ to ɔ maa pee yaka ngɛ hiɛmɛ nɛ ɔ. Ma ha a he nyɛli maa ye a nɔ ngɛ ta mi, nɛ a maa gbe mɛ; nɛ ma ngɔ a gbogboe ɔmɛ kɛ ha lohwe pɛlitsɛmɛ, kɛ pu mi lohwehi nɛ a ye.

La 119:126

Yawɛ, nihi ngɛ o mlaa a tɔ̃e; be su nɛ o maa pee he nɔ́ ko.

Mose IV, 30:15

Se ke e nu ní nɛ ɔmɛ a he, nɛ be ko se loko e kplɛɛ we nɔ ɔ, lɛɛ yo ɔ musu maa tloo nyumu ɔ.”

Mose IV, 30:12

Se ke ligbi nɛ e huno ɔ nu he ɔ, e kplɛɛ we nɔ ɔ, lɛɛ nɔ́ tsuaa nɔ́ nɛ e kɛ e nya de, nɛ kɔɔ e si womi ɔmɛ a he, kɛ nɔ́ nɛ e kɛ fi lɛ nitsɛ e he ɔ maa pee yaka. Akɛnɛ e huno ɔ ji nɔ nɛ kplɛɛ we nɔ he je ɔ, Yawɛ kɛ e he maa ke lɛ.

1 Korintobi 1:13

Anɛ a gba Kristo mi lo? Anɛ Paulo nɛ a sɛu ha nyɛ lo? Anɛ Paulo biɛ mi a sɔle nyɛ kɛ wo lo?