Romabi 4:12 - BAIBLO ALOO NGMAMI KLƆUKLƆU Ɔ

¹² Lɛ nɔuu kɛ̃ e peeɔ nihi nɛ a po mɛ ɔ a tsɛ; pi ngɛ pomi nɛ a po mɛ ɔ kɛkɛ he, se mohu kaa hemi kɛ yemi nɛ wa tsɛ Abraham hɛɛ mi benɛ a na we nɛ a po lɛ tete ɔ, a hɛɛ jamɛ a hemi kɛ yemi ɔ nɔuu mi.

Somi He Ɔ

¹² nɛ jeha nɛ e pee ninɛmɛ nɛ a po mɛ ɔ a tsɛ hulɔ kɛ ha nihi nɛ a pui mɛ se mohu a ngɔ wa tsɛ Abraham nane ngɛ hemi kɛ yemi nɛ e ngɛ be mi nɛ e ji mɔmlɔtɔtsɛ lokoo ɔ.

Romabi 4:12 ပူးပေါင်းရင်းမြစ်များ

Hiob 33:11

E bɔ ye nane pã, nɛ e hɛ ngɛ ye he be tsuaa be.”

La 47:9

Je ma amɛ a ganɔ ɔmɛ bua a he nya kɛ ba, konɛ a ba pee Abraham Mawu ɔ ma. E he wa pe je nɛ ɔ mi tabo ɔmɛ tsuo. Matsɛ kpetekpleenyɛ ji lɛ.

Abɛ Womi 2:20

Lɔ ɔ he ɔ, moo kase nimli kpakpahi a ní peepee, konɛ o pee nɔ́ nɛ da.

Lahi 1:8

Mo nɛ o he ngɛ fɛu pe yihi tsuo, o li lejɛ ɔ? Yaa nɛ o ya nyɛɛ to ɔmɛ a se. Yaa ha o to ɔmɛ ní ngɛ to hyɛli ɔmɛ a bo tsu ɔmɛ a kasa nya.

Ezekiel 33:24

“Nɔmlɔ adesa, nihi nɛ ngɛ ma doku ɔmɛ a mi ngɛ Israel zugba a nɔ ɔ deɔ mi ke, ‘Abraham ɔ nɛ a ngɔ zugba a tsuo ngɔ ha lɛ ɔ, nɔ kake too ji lɛ, se wɔɔ lɛɛ wa he hiɛ; lɔ ɔ he ɔ, zugba a, wɔ a kɛ ha kaa wa weto ní.’

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Romabi 4:13

Pi mlaa a nɔ nɛ Abraham ye ɔ he nɛ Mawu wo lɛ si kaa e kɛ e nina maa ye je ɔ nɔ ɔ, se mohu akɛnɛ e he Mawu ye, nɛ Mawu bu lɛ nɔ nɛ da a he.

2 Korintobi 12:18

Pe i kpa Tito pɛɛ nɛ i tsɔ wa nyɛmi kake ɔ ngɔ piɛ e he loko e ba slaa nyɛ. Anɛ Tito ba sisi nyɛ lo? Dɛbi! Anɛ nyɛ li kaa i kɛ lɛ tsuo wa hɛɛ juɛmi kake, nɛ wa peeɔ wa ní fiee lo?

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.