Romabi 4:11 - BAIBLO ALOO NGMAMI KLƆUKLƆU Ɔ

¹¹ Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Somi He Ɔ

¹¹ Nɛ be mi nɛ a po lɛ ɔ, e nine su nɔ pomi he okadi ɔ nɔ kaa dami nya sɔumi nɔ nɛ a kɛ sɔu he nɛ e he ye be mi nɛ e ji mɔmlɔtɔtsɛ lokoo ɔ nya, konɛ e pee tsɛ kɛ ha nihi kulaa nɛ heɔ yeɔ benɛ a ji mɔmlɔtɔtsɛmɛ ɔ nɛ a bu dami ɔ ngɔ ha mɛ hulɔ,

Romabi 4:11 ပူးပေါင်းရင်းမြစ်များ

Mose I, 17:24

Abraham ye jeha nyingmi nɛɛ kɛ nɛɛ benɛ a po lɛ nitsɛ,

La 47:9

Je ma amɛ a ganɔ ɔmɛ bua a he nya kɛ ba, konɛ a ba pee Abraham Mawu ɔ ma. E he wa pe je nɛ ɔ mi tabo ɔmɛ tsuo. Matsɛ kpetekpleenyɛ ji lɛ.

Mose II, 12:13

Muɔ ɔ maa to nyɛ we ɔmɛ a he so, nɛ ke i na muɔ ɔ pɛ ma tsɔ nyɛ he kɛ be, nɛ Egipt bi ɔmɛ a tue gblami ɔ, nyɛɛ lɛɛ eko be nyɛ nɔ bae.

Mose II, 31:13

nɛ e fa lɛ nɛ e de Israel bi ɔmɛ ke, “Nyɛɛ ye ye Hejɔɔmi ligbi ɔ; ejakaa Hejɔɔmi ligbi ɔ ji neneene somi nɛ ngɛ i kɛ nyɛ wa kpɛti ɔ he okadi, konɛ nyɛ na nɛ nyɛɛ le kaa imi Yawɛ, lɛ i hla nyɛ kɛ pee ye ma.

Mose II, 31:17

E ji okadi ngɛ i kɛ Israel bi ɔmɛ wa kpɛti kɛ yaa neneene; ejakaa imi Yawɛ, i ngɔ ligbi ekpa kɛ pee hiɔwe kɛ zugba, nɛ ligbi nɛ ji kpaago ɔ, i kpa ní tsumi, nɛ i jɔɔ ye he.”

Ezekiel 20:12

Lɔ ɔ se hu, i ngɔ ye Hejɔɔmi ligbi ɔmɛ ngɔ ha mɛ nɛ a ye mɛ klɔuklɔu, konɛ e pee somi nɛ ngɛ i kɛ mɛ wa kpɛti ɔ he okadi; nɛ a le kaa imi ji Yawɛ nɛ peeɔ mɛ klɔuklɔu ɔ nɛ.

Ezekiel 20:20

Nyɛɛ pee ye Hejɔɔmi ligbi ɔmɛ klɔuklɔu, nɛ a ba pee okadi nɛ ngɛ i kɛ nyɛ wa kpɛti, konɛ nyɛɛ le kaa imi ji nyɛ Mawu ɔ nɛ.

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 8:11

I ngɛ nyɛ dee ke nihi babauu maa je beleku, kɛ bonyoku kɛ ba, nɛ a kɛ Abraham, kɛ Isak, kɛ Yakob ma ba ye ní ngɛ hiɔwe matsɛ yemi ɔ mi.

Luka 19:9

Yesu de lɛ ke, “Yi wami hemi ba we nɛ ɔ mi mwɔnɛ ɔ; ejakaa nyumu nɛ ɔ hu Abraham nina ji lɛ.

Yohane 3:33

Nɔ tsuaa nɔ nɛ heɔ e munyu ɔ yeɔ ɔ, yeɔ odase kaa Mawu tuɔ anɔkuale.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Yohane 6:35

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Yohane 8:33

A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”

Romabi 10:11

Ngmami ɔ deɔ ke, “Nɔ tsuaa nɔ nɛ heɔ yeɔ ɔ, zo be lɛ gbee.”

Romabi 10:4

Ejakaa Kristo po mlaa a mi, nɛ nɔ tsuaa nɔ nɛ heɔ yeɔ ɔ, Mawu wo lɛ nguɔ.

Romabi 10:6

Se kaa nɔmlɔ adesa ma he Mawu ye nɛ lɔ ɔ he ɔ, Mawu buu lɛ nɔ nɛ da a, nɔ́ nɛ ngmami ɔ deɔ ngɛ he ji, “Ko de ngɛ o tsui mi ke, Mɛnɔ maa kuɔ kɛ ya hiɔwe?” (lɔ ɔ ji kaa e ma ya ngɔ Kristo kɛ kple si;)

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Romabi 4:10

Mɛni be mi nɔ́ nɛ ɔ ba mi? Loko a po Abraham, aloo benɛ a po lɛ ɔ se? Nɔ́ nɛ ɔ ba mi loko a po lɛ.

Romabi 9:30

Lɛɛ kɛ wa ma de kɛɛ? Ma je li ɔmɛ nɛ jinɛ a, kaa a bu mɛ nihi nɛ da a, a bu mɛ ni nɛ da ejakaa a he Mawu ye.

Romabi 9:33

Ngmami ɔ deɔ ke, “Hyɛ, i ngɔ tɛ kɛ ngɛ si mae ngɛ Zion; e ma ha nihi ma tɛ si; e ji tɛ sa nɛ maa tsɛ̃ mɛ ngɔ fia si. Nɔ tsuaa nɔ nɛ heɔ tɛ nɛ ɔ yeɔ ɔ, zo be lɛ gbee kɔkɔɔkɔ.”

Romabi 9:6

I tsɔɔ we kaa Mawu siwo ɔ peeɔ yaka. Ejakaa pi Israel ma a tsuo ji Israel bi anɔkuale mi.

2 Korintobi 1:22

nɛ e wo wa he so. Lɛ nɛ e ngɔ Mumi Klɔuklɔu ɔ ngɔ wo wa tsui mi kɛ ma níhi tsuo nɛ e wo si ke e ma ha wɔ ɔ a nɔ mi.

Galatabi 3:22

Se ngmami ɔ deɔ ke, “Je ɔ tsuo hyi tɔ kɛ yayami sɔuu.” Lɔ ɔ he ɔ, nike ní nɛ a wo he si ɔ, nihi nɛ heɔ Yesu Kristo yeɔ ɔ, mɛ pɛ lɛ a nine maa su nɔ.

Galatabi 3:29

Ke Kristo we bi ji nyɛ ɔ, lɛɛ Abraham nina ji nyɛ, nɛ si nɛ Mawu wo ɔ nya a, nyɛ peeɔ gbosi ní yeli.

Galatabi 3:7

Lɔ ɔ he ɔ, nyɛ ná nyɛɛ le kaa nihi nɛ heɔ Mawu yeɔ ɔ, mɛ ji Abraham nina.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Galatabi 6:16

Nihi tsuo nɛ maa ba a je mi kaa kikɛ nɛ ɔ, Mawu nɛ na mɛ mɔbɔ, nɛ e ha mɛ he jɔmi. Ee, Mawu nɛ pee enɛ ɔ ha mɛ kɛ lɛ nitsɛ e ma, Israel ɔ tsuo.

Efesobi 1:13

Nyɛ hu, benɛ nyɛ nu anɔkuale sɛ gbi ɔ nɛ ji sane kpakpa a nɛ ma ha nɛ a he nyɛ yi wami ɔ, nyɛ he Kristo ye, nɛ Mawu ha nɛ Mumi Klɔuklɔu ɔ nɛ e wo he si ɔ ba nyɛ nɔ. Mawu pee enɛ ɔ, nɛ e kɛ kadi nyɛ kaa e nihi ji nyɛ niinɛ.

Efesobi 4:30

Nyɛ ko wo Mawu Mumi Klɔuklɔu ɔ mi mi la. Ejakaa mumi ɔ ngɛ kaa so ko nɛ Mawu ngɔ kɛ kadi nyɛ kɛ tsɔɔ kaa be ma nɛ Mawu ma ha nɛ nyɛ maa ye nyɛ he.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

Kpojemi 9:4

A de mɛ ke a ko ta nga, loo ba mumu, loo tso ko tso ko he; nimli adesahi nɛ Mawu nɔ́ nya sɔumi nɔ́ ɔ he okadi be a hɛ nya a, á ye mɛ pɛ awi.