Romabi 4:10 - BAIBLO ALOO NGMAMI KLƆUKLƆU Ɔ

¹⁰ Mɛni be mi nɔ́ nɛ ɔ ba mi? Loko a po Abraham, aloo benɛ a po lɛ ɔ se? Nɔ́ nɛ ɔ ba mi loko a po lɛ.

Somi He Ɔ

¹⁰ Mɛni be mi a pee enɛ ɔ? Be nɛ a po lɛ ɔ, aloo be nɛ a pui lɛ ɔ? Tsa pi be mi nɛ a po lɛ ɔ, se mohu be mi nɛ e ji mɔmlɔtɔtsɛ ɔ.

Romabi 4:10 ပူးပေါင်းရင်းမြစ်များ

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Mose I, 17:10

Bɔ nɛ o kɛ o nina maa ye ye somi ɔ nɔ ji nɛ ɔ nɛ: nyumu tsuaa nyumu nɛ ngɛ nyɛ kpɛti ɔ, a po lɛ.

Mose I, 17:1

Benɛ Abram ye jeha nyingmi nɛɛ kɛ nɛɛ ɔ, Yawɛ je e he kpo ngɔ tsɔɔ lɛ, nɛ e de lɛ ke, “Imi ji Mawu Ope ɔ nɛ. Moo bu mi, nɛ o pee nɔ́ nɛ da daa.

Mose I, 15:16

Yi nɔ eywiɛ se ɔ, o nina maa kpale kɛ ba hiɛmɛ nɛ ɔ ekohu; ejakaa i be Amor bi ɔmɛ fiee kɛ je zugba a nɔ kɛ yaa si jamɛ a be ɔ mi. Jamɛ a be ɔ mi ɔ, a yi mi wami ɔ nya maa wa, nɛ ma gbla a tue.”

Romabi 4:9

Gbaami nɛ David tu he munyu ɔ, anɛ nihi nɛ a po mɛ ɔ kɛkɛ a nɔ lo? Dɛbi! Ni nɛmɛ a pui mɛ ɔ hu e kɔɔ a he. Ejakaa wa ngɛ dee ke, “Abraham he Mawu ye, lɔ ɔ he ɔ, Mawu bu lɛ nɔ nɛ da.”

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.