Romabi 3:8 - BAIBLO ALOO NGMAMI KLƆUKLƆU Ɔ

⁸ Mɛni he je nɛ e sɛ́ kaa wa deɔ ke, “Wa maa pee yayami konɛ kpakpa nɛ je mi kɛ ba,” kaa bɔ nɛ ni komɛ poo ngɔ fɔɔ wa nɔ ke wa deɔ ɔ? Jamɛtsɛmɛ ɔmɛ ɔ, fɔ nɛ a bu mɛ ɔ sa mɛ.

Somi He Ɔ

⁸ Mɛni he je nɛ e sɛ kaa waa pee yayami konɛ nɔ́ kpakpa nɛ ba? Enɛ ɔ ji nɔ́ nɛ ni komɛ poo ngɔ fɔɔ wa nɔ ke wa deɔ. Jamɛ a tsɛmɛ ɔmɛ a fɔ bumi ɔ da pɛ.

Romabi 3:8 ပူးပေါင်းရင်းမြစ်များ

Yeremia 40:16

Se Gedalia he nɔ ke, “Koo pee ja! Nɔ́ nɛ o ngɛ dee ngɛ Ishmael he ɔ be mi!”

Mateo 5:11

“A gbaa nyɛ, ke nihi jɛ nyɛ, nɛ a wa nyɛ yi mi, nɛ a tu munyu yaya slɔɔtohi kɛ si nyɛ ngɛ ye he.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 6:1

Lɛɛ kɛ wa ma de kɛɛ? Anɛ waa ya nɔ waa hi yayami pee, konɛ Mawu nɛ hi wɔ mɔbɔ nae daa lo?

Romabi 6:15

Lɛɛ kɛ ji lɛ kɛɛ? Ke mlaa ko fí wɔ, se Mawu dloomi ɔ lɛ hɛɛ wɔ ɔ, lɛɛ waa ya nɔ waa pee yayami lo? Dɛbi!

Romabi 7:7

Lɛɛ kɛ wa ma de ngɛ mlaa a he kɛɛ? Mlaa a, nɔ́ yayami ji lɛ lo? Dɛbi! Anɔkuale mi ɔ, ke pi mlaa a he ɔ, i ko li nɔ́ nɛ ji yayami. Ejakaa jinɛ i li nɔ́ nɛ ji hɛkɔ, ke pi mlaa a nɛ de ke, “O hɛ ko kɔ̃ o nyɛmi nɔ.”

2 Korintobi 11:15

Lɔ ɔ he ɔ, ke Satan tsɔli tsake a he pee kaa Mawu nɛ peeɔ kpakpa a tsɔli ɔ, nɔ́ nɛ ɔ be nyakpɛ kulaa. A nyagbe ɔ maa ba ha mɛ bɔ nɛ sa mɛ kaa yiwutsotsɛmɛ.

2 Korintobi 6:8

Ni komɛ woɔ wa hɛ mi nyami, se ni komɛ gbeɔ wa he guɛ; ni komɛ jɛɔ wɔ, se ni komɛ hu jeɔ wa yi. A tsɛɔ wɔ nɔ sisili, se anɔkuale wa tuɔ.

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.