Romabi 3:29 - BAIBLO ALOO NGMAMI KLƆUKLƆU Ɔ

²⁹ Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

Somi He Ɔ

²⁹ Anɛ Mawu ɔ, e ji Yudafohi kɛkɛ a Mawu lo? Anɛ pi majeli ɔmɛ hu a Mawu lo? Ee, majeli ɔmɛ hu a nɔ ʼi.

Romabi 3:29 ပူးပေါင်းရင်းမြစ်များ

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

Zakaria 2:11

Jamɛ a be ɔ, je mahi babauu maa ngɔ a he kɛ ba mɛtɛ Yawɛ he. E kɛ mɛ maa hi si, nɛ nyɛ maa le kaa lɛ nɛ e tsɔ mi nyɛ ngɔ.

Efesobi 3:6

Laami sane ɔ ji kaa sane kpakpa a he ɔ, gbaami nɛ Mawu gbaa Yuda bi ɔmɛ ɔ, ma je li ɔmɛ hu ba na eko. Mɛ tsuo a ba pee kaa nɔmlɔ tso kake ɔ he níhi; nɛ si nɛ Mawu wo kɛ gu Kristo Yesu nɔ ɔ, a ná mɛ hu a blɔ nya nɔ.

Galatabi 3:14

Kristo pee enɛ ɔ, bɔ nɛ pee nɛ gbaami nɛ Mawu wo Abraham si ngɛ he ɔ, kɛ gu Kristo nɔ ɔ, ma je li ɔmɛ a nine nɛ su nɔ. Kɛkɛ ɔ, kɛ gu hemi kɛ yemi nɔ ɔ, Mumi ɔ nɛ Mawu wo he si ɔ, wa nine maa su nɔ.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Ni Tsumi 26:17

Ma je mo kɛ je yayami nɛ Israel ma a maa pee mo ɔ mi, nɛ ma je li ɔmɛ nɛ ma tsɔ mo a ngɔ ɔ hu a be mo awi ko nyɛe maa ye.

Ni Tsumi 22:21

Kɛkɛ nɛ Nyɔmtsɛ ɔ de mi ke, ‘Yaa, ejakaa ma tsɔ mo ma je li ɔmɛ a ngɔ ngɛ tsitsaa lokoo!’ ”

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Mateo 22:32

‘Imi ji Abraham Mawu, kɛ Isak Mawu, kɛ Yakob Mawu.’ Mawu ɔ, hɛ kali a Mawu ji lɛ, pi ni gbogboehi a Mawu.”

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Yeremia 31:33

Se somi he ɔ nɛ i kɛ Israel ma a maa so jehanɛ ɔ, bɔ nɛ lɛɛ e maa hi ji nɛ ɔ nɛ; ma ngɔ ye mlaa kɛ wo a mi, nɛ ma ngma ngɛ a tsui nɔ. Ma pee a Mawu, nɛ a maa pee ye ma.

Yesaya 54:5

O bɔlɔ ɔ ma ba pee o huno. E biɛ ji Yawɛ Tabohiatsɛ. Israel Mawu Klɔuklɔu ɔ ma he o yi wami; lɛ ji je ɔ tsuo Mawu.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

La 67:2

konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

La 22:7

Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

Mose I, 17:18

Abraham de Mawu ke, “I na nɛ o ha Ishmael ba pee nɔ nɛ yeɔ ye ní!”

Ni Tsumi 10:34

Kɛkɛ nɛ Petro wo e nya nɔ nɛ e de ke, “I kpa si anɔkuale mi kaa Mawu hyɛ we nɔ hɛ mi.