Romabi 3:28 - BAIBLO ALOO NGMAMI KLƆUKLƆU Ɔ

²⁸ Lɔ ɔ he ɔ, wa yɔse kaa hemi kɛ yemi nɔ a guu kɛ woɔ nɔ nguɔ, se pi ní tsumi nɛ a tsu ngɛ mlaa a nya.

Somi He Ɔ

²⁸ Lɔ ɔ he ɔ wa ngɔɔ lɛ kaa hemi kɛ yemi nɔ a guu kɛ woɔ nɔmlɔ nguɔ, se pi mlaa ni tsumihi a nɔ.

Romabi 3:28 ပူးပေါင်းရင်းမြစ်များ

Tito 3:7

E pee enɛ ɔ, konɛ wɔ nɛ a wo wɔ nguɔ kɛ gu Yesu Kristo dloomi ɔ nɔ ɔ, neneene wami ɔ nɛ wa ngɔ wa hɛ ngɔ fɔ nɔ ɔ, wa nine nɛ su nɔ.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Galatabi 3:24

Lɔ ɔ he ɔ, mlaa a hɛɛ wɔ kɛ ya su be nɛ Kristo ba nɛ wa he lɛ ye, konɛ a dla waa kɛ Mawu wa kpɛti.

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Yakobo 2:24

Lɛɛ tse nyɛ na kaa ní tsumi nɔ Mawu guu kɛ buɔ nɔ dalɔ, se pi hemi kɛ yemi pɛ nɔ.

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Romabi 8:3

Yayami nɛ adesa peeɔ ɔ, Mawu sume kulaa, se nɔmlɔ adesa gbɔjɔmi ɔ he je ɔ, mlaa a nyɛ we nɛ e pee he nɔ ko. Enɛ ɔ he ɔ, Mawu tsɔ lɛ nitsɛ e Bi ɔ kɛ ba ngɛ he lo su nɛ haa nɔ peeɔ yayami ɔ mi, konɛ e ba je wɔ kɛ je yayami dɛ mi.

Romabi 4:5

Se nɔ nɛ ngɔɔ e hɛ ngɔ fɔɔ Mawu pɛ nɔ, se pi ní nɛ e tsuɔ nɔ ɔ, Mawu ɔ nɛ lɛ pɛ nɛ nyɛɔ woɔ yayami peelɔ nguɔ ɔ daa nɔmlɔ nɛ ɔ hemi kɛ yemi ɔ nɔ kɛ buɔ lɛ nɔ da.

1 Korintobi 6:11

Be ko ɔ, kikɛ nɛ ɔ nyɛ ti ni komɛ ba a je mi. Se jehanɛ ɔ, a du nyɛ he, nɛ a kpale tsukɔ nyɛ he, nɛ a wo nyɛ nguɔ ngɛ Nyɔmtsɛ Yesu Kristo biɛ ɔ, kɛ wa Mawu ɔ mumi ɔ mi.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Yakobo 2:18

Se nɔ ko ma de ke, “Moo lɛɛ o hɛɛ hemi kɛ yemi, nɛ imi lɛɛ i tsuɔ ní” Yoo, tsɔɔ mi o hemi kɛ yemi nɛ o tsu we he ní ɔ, nɛ imi hu i kɛ níhi nɛ i tsuɔ ɔ maa tsɔɔ mo kaa i heɔ yeɔ.

Yakobo 2:20

Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.