Romabi 3:27 - BAIBLO ALOO NGMAMI KLƆUKLƆU Ɔ

²⁷ Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Somi He Ɔ

²⁷ Jeha nɛ ɔ jije fiami ɔ ngɛ? A je lɛ kɛ je. Mɛni mlaa nɔ a gu? Ni tsumi hi a nɔ lo? Dɛbi, hemi kɛ yemi mlaa nɔ mohu a gu.

Romabi 3:27 ပူးပေါင်းရင်းမြစ်များ

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Romabi 10:5

Nɔ nɛ Mose ngma ngɛ nɔmlɔ nɛ a buu lɛ nɔ nɛ da ngɛ mlaa a nɔ nɛ e yeɔ ɔ he ji nɛ ɔ nɛ: “Nɔ tsuaa nɔ nɛ yeɔ mlaa a nɔ fitsofitso ɔ, e yi ma na wami.”

Romabi 11:6

Nɛ ke dloomi nya a, lɛɛ pi ní tsumi ko nɛ a tsu he hu. Kaa ní tsumi ko nɛ a tsu he ɔ, jinɛ dloomi ɔ pi dloomi hu.

Romabi 2:17

Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Romabi 2:23

Nyɛ fĩaa ke nyɛ le mlaa a, se tse nyɛ tɔɔ mlaa a kɛ pueɔ Mawu hɛ mi si?

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Romabi 4:2

Ke ní nɛ e tsu nɔ a da kɛ wo lɛ nguɔ ɔ, lɛɛ jinɛ e ngɛ nɔ́ ko nɛ e maa fĩa ngɔ fɔ nɔ. Se ngɛ Mawu blɔ fa mi ɔ, Abraham be nɔ́ ko kulaa nɛ e ma nyɛ maa fĩa ngɔ fɔ nɔ.

Romabi 7:21

Lɔ ɔ he ɔ, nɔ́ ko nɛ i naa nɛ ngɛ ní tsue kaa mlaa ji nɛ ɔ nɛ: ke i to kaa ma pee kpakpa a, kɛkɛ i ya pee yayami mohu.

Romabi 7:23

Se i na kaa mlaa muno ko ngɛ ní tsue ngɛ ye nɔmlɔ tso ɔ mi. Mlaa nɛ ɔ kɛ nɔ́ nɛ ngɛ ye juɛmi mi ɔ yi kulaa. Nɔ́ nɛ ye juɛmi deɔ mi ke e da nɛ ma pee ɔ, i ya peeɔ nɔ́ kpa kulaa mohu. Yayami su nɛ ngɛ ye mi nɛ ɔ peeɔ mi nyɔguɛ.

Romabi 7:25

Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ! Ke ma po lɛ kpiti ɔ, bɔ nɛ i ngɛ ji nɛ ɔ nɛ: i kɛ ye juɛmi pɛ lɛ sɔmɔɔ ngɛ Mawu mlaa a nya, se ye he lo ɔ lɛɛ mlaa a nɛ haa nɔ peeɔ yayami ɔ lɛ yeɔ e nɔ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Romabi 9:11

Se bɔ nɛ pee nɛ yi mi nɛ Mawu to kɛ hla nɔ kake ɔ nɛ ba mi ɔ, be nɛ a na we nɛ a fɔ mɛ tete, pohu a na we nɛ a pee nɔ́ kpakpa ko, loo nɔ́ yaya ko ɔ,

Romabi 9:31

Se Israel nɛ di mlaa nɛ ma ha a bu mɛ nihi nɛ da se ɔ, mɛ mohu a nine sui nɔ.

Romabi 9:32

Kɛ ba kɛɛ? A nine sui nɔ, ejakaa a hla we lɛ kɛ hemi kɛ yemi. A susu kaa kɛ gu ní tsumihi a nɔ nɛ a ma na lɛ. Enɛ ɔ ha nɛ a pee kaa nihi nɛ a ngɔ tɛ ngɔ fɔ blɔ mi ha mɛ nɛ a tɛ.

1 Korintobi 4:7

Mɛnɔ lɛ pee mo slɔɔto pe ni kpahi? Mɛni ngɛ o dɛ nɛ pi Mawu nɛ ha mo? Ke Mawu lɛ ha mo ɔ, lɛɛ mɛni he je mɔ nɛ o fĩaa kaa nɔ́ nɛ pi nɛ a kɛ ke mo ɔ?

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Galatabi 3:22

Se ngmami ɔ deɔ ke, “Je ɔ tsuo hyi tɔ kɛ yayami sɔuu.” Lɔ ɔ he ɔ, nike ní nɛ a wo he si ɔ, nihi nɛ heɔ Yesu Kristo yeɔ ɔ, mɛ pɛ lɛ a nine maa su nɔ.