Romabi 3:25 - BAIBLO ALOO NGMAMI KLƆUKLƆU Ɔ

^25-26 Mawu ngɔ Kristo ngɔ ha, konɛ kɛ gu Yesu Kristo gbenɔ ɔ nɔ ɔ, Mawu nɛ ngɔ nihi nɛ he ye ɔ a he yayami kɛ pa mɛ. Mawu pee enɛ ɔ kɛ tsɔɔ kaa dalɔ ji lɛ. Sa a, e to e tsui si ha nimli tsuo, nɛ e ku e hɛ fɔ a he yayami ɔmɛ a nɔ; konɛ jehanɛ ɔ a na kaa nɔ́ nɛ da pɛ e peeɔ; nɛ nɔ tsuaa nɔ nɛ heɔ Yesu yeɔ ɔ, Mawu woɔ lɛ nguɔ.

Somi He Ɔ

²⁵ Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

Romabi 3:25 ပူးပေါင်းရင်းမြစ်များ

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Romabi 5:9

Lɔ ɔ he ɔ, jehanɛ ɔ nɛ a gu Kristo muɔ nɛ pue si ɔ nɔ wo wɔ nguɔ ɔ, a maa gu e nɔ hluu tsɔ kɛ kpɔ wɔ kɛ je Mawu mi mi la a mi.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Hebribi 10:4

Ejakaa na muɔ, kɛ to muɔ be nyɛe ma je yayami gblegbleegble.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Hebribi 11:7

Hemi kɛ yemi lɛ ha nɛ Noa bu Mawu tue, benɛ e de lɛ ke nɔ́ ko ma nɛ bɛ hyɛ ɔ. E kpɛ lɛ nɛ a kɛ he e kɛ e yo kɛ e bimɛ a yi wami. Kɛ gu enɛ ɔ nɔ ɔ, je ɔ yeɔ fɔ kaa a pee yayami; se Noa lɛɛ Mawu wo lɛ nguɔ kaa nɔ nɛ peeɔ nɔ́ nɛ da ngɛ hemi kɛ yemi nya.

La 22:31

Bimɛ nɛ a na we nɛ a fɔ mɛ lolo po, a maa sɛɛ ha mɛ ke, “Yawɛ he e ma a yi wami.”

Mose III, 16:15

Jehanɛ, é gbe akpakpo ɔ nɛ a kɛ ma yayami pami bɔ sami ha ma a. É ngɔ muɔ ɔ kɛ ba he klɔuklɔu pe kulaa a, nɛ e ya fĩa kɛ pue somi daka a nya nɔ́ ɔ nɔ, kɛ somi daka a he kɛ kpe kaa bɔ nɛ a kɛ na ku ɔ muɔ ɔ pee ɔ pɛpɛɛpɛ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.

Hebribi 11:14

Enɛ ɔ tsɔɔ kaa nihi nɛ tuɔ munyu kikɛ nɛ ɔ, ngɛ mɛ nitsɛmɛ a ma hlae.

La 119:142

Dalɔ ji mo, nɛ ja o ngɛ kɛ yaa neneene; o mlaa a, anɔkuale sɔuu.

1 Yohane 1:10

Ke wa ke wa pee we yayami ɔ, lɛɛ wa ngɛ tsɔɔe kaa Mawu mohu ji lakpatsɛ; nɛ Mawu we anɔkuale ɔ be wa mi.

Hebribi 11:17

Hemi kɛ yemi lɛ ha nɛ Abraham ngɔ e bi Isak kɛ ha Mawu, benɛ Mawu ka lɛ hyɛ ɔ. E ngɛ mi kaa bi nɛ ɔ he si nɛ a wo Abraham lɛɛ, se kɛ̃ e pee klaalo kaa e maa ngɔ e bi kake too ɔ kɛ sã bɔ ha Mawu.

Hebribi 9:5

Kerubhi nɛ tsɔɔ Mawu hɛ mi nyami ɔ daa si ngɛ somi daka nya nɔ́ ɔ nɔ, nɛ a gbɛ a pɛlihi a mi ngɛ he nɛ a kɛ tɔmi paa ngɛ ɔ. Se wa be nyɛe ma gba níhi a mi fitsofitso amlɔ nɛ ɔ.

1 Timoteo 1:15

Kristo Yesu ba je ɔ mi, konɛ e ba he yayami peeli a yi wami. Anɔkuale munyu nitsɛnitsɛ nɛ sa kaa nɔ tsuaa nɔ nɛ he ye ji nɛ ɔ nɛ. Imi nitsɛ ɔ, yayami peelɔ kpanaku ji mi pe nihi tsuo.

Romabi 5:11

Pi enɛ ɔ kɛkɛ, se wa fĩaa fɔɔ Mawu nɔ kaa kɛ gu wa Nyɔmtsɛ Yesu Kristo nɔ ɔ, e ha nɛ jehanɛ ɔ, a kpata waa kɛ lɛ Mawu ɔ wa kpɛti.

Romabi 2:4

O bui nɔ́! Mɛni he je ɔ, Mawu mi mi jɔ, e naa nɔ he tsui, nɛ e toɔ e tsui si. Blɔɔ o li kaa Mawu mi mi jɔ ha mo konɛ o tsake o tsui lo?

Ni Tsumi 4:28

A ba bua a he nya, konɛ a pee níhi tsuo ngɛ o he wami nya kaa bɔ nɛ o to ngɔ fɔ si kaa a pee ɔ.

Ni Tsumi 3:18

Se nɔ́ nɛ Mawu de to momo kɛ gu e gbali ɔmɛ tsuo a nɔ kaa Kristo maa na amanehlu ɔ, ha e ba mi ja niinɛ.

Ni Tsumi 15:18

Nyɔmtsɛ ɔ, nɔ nɛ ha nɛ a le enɛ ɔmɛ tsuo kɛ je blema lokoo ɔ lɛ de.’ ”

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

La 97:6

Hiɔwe ngɛ fiɛe kɛ ngɛ dee ke, “Yawɛ ɔ, dalɔ ji lɛ!” Je ma amɛ tsuo na e hɛ mi nyami ɔ.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

La 40:10

Kikɛmɛ a yi wami hemi munyu nɛ ɔ, i ngɔɛ kɛ to we imi nɔ kake too ye yi mi. Daa nɛ ɔ, i jajeɔ ke o yeɔ anɔkuale; i deɔ ke o heɔ nɔ yi wami. O suɔmi, kɛ o we anɔkuale yemi ɔ, i ngɔɛ kɛ laa we o ma kpekpemi ɔ.

Mose III, 16:10

Nɔ́ nɛ Azazel nɔ́ ɔ je ɔ, a kɛ ba Yawɛ hɛ mi hɛ ngmengmle, nɛ a kɛ ba kpata Yawɛ ha ma a. Lɔ ɔ se ɔ, a je lɛ we kɛ ho nga a nɔ ya kɛ ya ha Azazel.

La 98:2

Yawɛ je e he kpo kaa Mawu nɛ heɔ nɔ yi wami. E ha nɛ je ma amɛ le faii kaa dami sane yelɔ ji lɛ.

Ni Tsumi 14:16

Blema be ɔ mi ɔ, Mawu ngmɛ je ma amɛ blɔ nɛ a nyɛɛ bɔ nɛ mɛ nitsɛmɛ a suɔ.

Romabi 5:18

Lɔ ɔ he ɔ, kaa bɔ nɛ yayami kake he ɔ, a bu nihi tsuo fɔ ɔ, jã nɔuu kpakpa kake he ɔ, Mawu maa wo nihi tsuo nguɔ, nɛ a ma he a yi wami.

1 Korintobi 5:7

Nyɛ je yayami nɛ ngɛ kaa masa a kɛ je nyɛ kpɛti, konɛ nyɛɛ pee kaa ma kplolo nɛ masa be mi kaa bɔ nɛ i le nɛ nyɛ ngɛ anɔkuale mi ɔ. Ejakaa a ngɔ Kristo ngɔ sã bɔ ha wɔ kaa to bi nɛ a gbeɔ Hetsɔmi nyami be.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Efesobi 1:7

Ejakaa Kristo ngɔ e he ngɔ sã bɔ, nɛ e kɛ e muɔ kpɔ wɔ, nɛ e dloomi babauu ɔ nya a, a e ngɔ wa he yayami ɔmɛ ngɔ pa wɔ.

Efesobi 2:13

Sa a, nyɛɛ kɛ Mawu nyɛ kpɛti kɛ wawɛɛ nitsɛ. Se jehanɛ ɔ nɛ kɛ gu Kristo muɔ ɔ nɔ ɔ, nyɛ ba ngɛ Kristo Yesu mi ɔ, a kpale nyɛ kɛ ba Mawu kasa nya haa. Gbenɔ nɛ Kristo gbo, nɛ e ngɔ e he ngɔ sã bɔ ɔ, lɔ ɔ lɛ tsu enɛ ɔ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ