Romabi 3:21 - BAIBLO ALOO NGMAMI KLƆUKLƆU Ɔ

²¹ Jehanɛ lɛɛ blɔ nɔ nɛ Mawu guu kɛ buu nɔ nɔ nɛ da a, e je tsɔɔ wɔ. Pi mlaa sane ji nɛ ɔ. Mose mlaa a, kɛ gbali ɔmɛ ye he odase.

Somi He Ɔ

²¹ Se jeha nɛ ɔ, a si Mlaa a se nɛ a je Mawu dami ɔ kpo paa, nɛ lɔ ɔ he odase Mlaa a kɛ gbali ɔmɛ yeɔ;

Romabi 3:21 ပူးပေါင်းရင်းမြစ်များ

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Yeremia 33:16

E yi nɔ ɔ, a ma he Yuda yi wami, nɛ tue mi jɔmi maa ba Israel. Nɛ biɛ nɛ a kɛ ma tsɛ lɛ ji, ‘Yawɛ ji wa dami.’

Filipibi 3:9

I kɛ lɛ pee kake kulaa. Jehanɛ lɛɛ pi mlaa nɔ nɛ i yeɔ nɔ nɛ a maa da kɛ wo mi nguɔ hu; mohu ɔ, Kristo nɛ i he ye ɔ. Amlɔ nɛ ɔ, Mawu maa wo mi nguɔ ejakaa i he Kristo ye.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Galatabi 3:8

Ngmami ɔ de to ke Mawu ma dla e kɛ ma je li nɛ heɔ yeɔ ɔ a kpɛti. E de Abraham sane kpakpa nɛ ɔ ke, “Mawu maa gu o nɔ kɛ maa gbaa ma je li ɔmɛ tsuo.”

Romabi 5:19

Ejakaa kaa bɔ nɛ nihi babauu ba pee yayami peeli ngɛ nɔ kake tue gbomi he ɔ, jã kɛ̃ Yesu Kristo nɔ kake e tue nɛ e bu ɔ he ɔ, Mawu maa bu nihi tsuo dali.

Romabi 1:17

Ejakaa sane kpakpa a lɛ tsɔɔ kaa kɛ je sisije kɛ yaa si nyagbe ɔ, hemi kɛ yemi nɔ Mawu daa nɛ e kɛ buu nimli adesahi nihi nɛ da. Kaa bɔ nɛ ngmami ɔ deɔ ɔ, “Nɔ nɛ a gu hemi kɛ yemi nɔ bu lɛ nɔ nɛ da a yi ma na wami.”

Romabi 1:2

Mawu wo sane kpakpa a he si ngɔ to momoomo kɛ gu e gbali ɔmɛ a nɔ kaa bɔ nɛ a ngma ngɛ ngmami klɔuklɔu ɔmɛ a mi ɔ.

Ni Tsumi 15:11

Dɛbi! Wɔɔ lɛɛ wa heɔ yeɔ kaa Nyɔmtsɛ Yesu Kristo dloomi ɔ mohu nɔ a maa gu kɛ he waa kɛ mɛ tsuo wa yi wami.”

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

1 Petro 1:10

Gbali ɔmɛ nɛ gba, nɛ a de ke dloomi ko ngɛ ha nyɛ hwɔɔ se ɔ, hla kikɛmɛ a yi wami hemi sane ɔ mi fitsofitso.

Galatabi 5:5

Wɔɔ lɛɛ wa hemi kɛ yemi ji Mawu ma dla waa kɛ lɛ wa kpɛti. Mawu mumi ɔ nɛ tsuɔ ní ngɛ wa mi ɔ lɛ ha wa ngɛ nɔ́ nɛ ɔ blɔ hyɛe ɔ nɛ.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Ni Tsumi 26:22

Se Mawu piɛ ye he kɛ ba su mwɔnɛ ligbi nɛ ɔ, nɛ i daa si ngɛ nyɛ hɛ mi kɛ ngɛ odase yee kɛ ngɛ nimli tsuo tsɔɔe, nimli wawi kɛ nimli nguahi tsuo. Nɔ́ nɛ Mose kɛ gbali ɔmɛ de to kaa e maa ba mi ɔ, lɔ ɔ nɔuu nɛ i ngɛ dee.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Mose I, 15:6

Abram he Yawɛ ye; enɛ ɔ he je ɔ, Yawɛ bu lɛ nɔ nɛ peeɔ nɔ́ nɛ da.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

Romabi 9:30

Lɛɛ kɛ wa ma de kɛɛ? Ma je li ɔmɛ nɛ jinɛ a, kaa a bu mɛ nihi nɛ da a, a bu mɛ ni nɛ da ejakaa a he Mawu ye.

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

Ni Tsumi 28:23

Lɔ ɔ he ɔ, a to Paulo be kpa; nɛ jamɛ a ligbi ɔ, nihi babauu ba e ngɔ ngɛ he nɛ e ba to ɔ. E gbá níhi a mi tsɔɔ mɛ kɛ je mɔtu kɛ ya si gbɔkuɛ. E tsɔɔ mɛ sɛ gbi nɛ kɔɔ Mawu matsɛ yemi ɔ he ɔ, nɛ e kɛ níhi nɛ a ngma ngɛ Mose mlaa, kɛ gbali ɔmɛ a womi ɔmɛ a mi ɔ fi e munyu ɔ se, konɛ a na anɔkuale ɔ nɛ kɔɔ Yesu he ɔ.

Romabi 3:28

Lɔ ɔ he ɔ, wa yɔse kaa hemi kɛ yemi nɔ a guu kɛ woɔ nɔ nguɔ, se pi ní tsumi nɛ a tsu ngɛ mlaa a nya.

2 Korintobi 3:9

Ke hɛ mi nyami kaa kikɛ nɛ ɔ je kpo somi momo be ɔ mi ɔ, somi he be nɛ ɔ mi lɛɛ hɛ mi nyami ɔ ma kpɛ kɛ be nɔ pe kekle ɔ po.