Romabi 3:20 - BAIBLO ALOO NGMAMI KLƆUKLƆU Ɔ

²⁰ Ejakaa ke nɔ ko ye mlaa a nɔ ɔ, lɔ ɔ tsɔɔ we kaa Mawu buu lɛ nɔ nɛ da; nɔ́ nɛ mlaa a tsuɔ ji kaa e haa nɔ leɔ kaa e pee yayami.

Somi He Ɔ

²⁰ Lɔ ɔ he ɔ, a be mlaa ni tsumi nɔ gue kɛ wo he lo ko he lo ko nguɔ ngɛ e hɛ mi; ejakaa mlaa a nɔ a guu kɛ leɔ yayami.

Romabi 3:20 ပူးပေါင်းရင်းမြစ်များ

Hiob 15:15

Hyɛ, Mawu bɔfo klɔuklɔu ɔmɛ po e kɛ e hɛ fɔ we a nɔ; mɛ nitsɛmɛ tete po a he tsɔ we ngɛ e hɛ mi.

La 130:3

Ke mo Mawu o ke o maa kane yayamihi ɔ, Yawɛ, mɛnɔ maa ye e he.

La 143:2

O kɛ imi, o tsɔlɔ ɔ kó ye sane; ejakaa nɔmlɔ adesa ko adesa ko be nguɔ yee ngɛ o hɛ mi.

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Romabi 3:28

Lɔ ɔ he ɔ, wa yɔse kaa hemi kɛ yemi nɔ a guu kɛ woɔ nɔ nguɔ, se pi ní tsumi nɛ a tsu ngɛ mlaa a nya.

Romabi 4:13

Pi mlaa a nɔ nɛ Abraham ye ɔ he nɛ Mawu wo lɛ si kaa e kɛ e nina maa ye je ɔ nɔ ɔ, se mohu akɛnɛ e he Mawu ye, nɛ Mawu bu lɛ nɔ nɛ da a he.

Romabi 4:15

Ejakaa mlaa a kɛ Mawu mi mi la baa; he nɛ mlaa be ɔ, nɔ ko tɔ we mlaa hulɔ.

Romabi 5:13

Yayami ngɛ je ɔ mi loko mlaa a ba; se be nɛ mlaa be ɔ, nɔ ko nɔ ko pee we yayami he akɔtaa.

Romabi 5:20

A wo mlaa a hulɔ, konɛ wa yɔse yayami ɔmɛ babauu; se he nɛ yayami hiɛ ngɛ ɔ, lejɛ ɔ Mawu dloomi ɔ hiɛ kɛ be nɔ babauu.

Romabi 7:11

Yayami ná he blɔ, nɛ e gu mlaa nɔ kɛ sisi mi, nɛ e gbe mi.

Romabi 9:32

Kɛ ba kɛɛ? A nine sui nɔ, ejakaa a hla we lɛ kɛ hemi kɛ yemi. A susu kaa kɛ gu ní tsumihi a nɔ nɛ a ma na lɛ. Enɛ ɔ ha nɛ a pee kaa nihi nɛ a ngɔ tɛ ngɔ fɔ blɔ mi ha mɛ nɛ a tɛ.

1 Korintobi 15:56

Gbenɔ kɛɛ ɔ ji yayami, nɛ yayami he wami ɔ ji mlaa a.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Galatabi 2:19

Ngɛ mlaa a blɔ fa mi ɔ, i plɛ pee nɔ gbogboe, konɛ ma hi wami mi ha Mawu mohu. I kɛ Kristo a sɛu ɔ nɛ.

Galatabi 5:4

Nyɛ nihi nɛ nyɛ hlaa kaa nyɛ maa ye mlaa a nɔ, konɛ a dla nyɛɛ kɛ Mawu nyɛ kpɛti ɔ, pe nyɛ tsɔ nyɛ he kɛ je Kristo he ɔ nɛ. Enɛ ɔ tsɔɔ kaa nyɛ kua Mawu dloomi ɔ.

Hebribi 7:19

Ejakaa Mose mlaa a nyɛ we nɛ e pee nɔ́ ko nɛ hi kɛ pi si. Se nɔ́ nɛ wa ngɔ wa hɛ kɛ fɔ nɔ jehanɛ ɔ hi saminya; nɛ wa nyɛɔ wa hɛɛ kɛ suu Mawu he.