Romabi 3:2 - BAIBLO ALOO NGMAMI KLƆUKLƆU Ɔ

² Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

Somi He Ɔ

² E hiɛ ngɛ blɔ tsuaa blɔ nɔ. Kekleekle nɔ ji kaa a tu Mawu munyu ɔ ngɔ wo Yudafo ɔmɛ a dɛ.

Romabi 3:2 ပူးပေါင်းရင်းမြစ်များ

La 119:140

Ke o wo si ɔ, o yeɔ nɔ sisiisi; lɔ ɔ he ɔ, imi, o tsɔlɔ ɔ, i suɔ o siwo ɔ tsɔ!

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Ni Tsumi 7:38

Mose nɛ ɔ nɛ e kɛ Israel ma kpekpemi ɔ nɛ ji wa nɛmɛ ɔmɛ hi nga a nɔ ɔ nɛ. Lɛ nɛ e kɛ Mawu bɔfo ɔ tu munyu ngɛ Sinai yo ɔ he; nɛ lɛ nɔuu nɛ e ngɔ Mawu sɛ gbi nɛ wami ngɛ mi ɔ ba ha wɔ.

Romabi 1:2

Mawu wo sane kpakpa a he si ngɔ to momoomo kɛ gu e gbali ɔmɛ a nɔ kaa bɔ nɛ a ngma ngɛ ngmami klɔuklɔu ɔmɛ a mi ɔ.

Romabi 2:18

Nyɛ le nɔ́ nɛ Mawu suɔ kaa nyɛɛ pee, nɛ a gu mlaa a nɔ tsɔɔ nyɛ nɛ nyɛ le nɔ́ nɛ hi.

Romabi 3:1

Lɛɛ mɛni Yuda no kɛ pe ma je no mɔ? Aloo mɛni se nami ngɛ nɔ pomi he?

Romabi 3:3

E ngɛ mi kaa ni komɛ he we yi lɛɛ, se anɛ lɔ ɔ tsɔɔ kaa Mawu be anɔkuale yee lo?

Romabi 9:4

Mɛ ji Israel bi; nɛ Mawu nitsɛ nɛ ngɔ mɛ kɛ pee e ma; e wo a hɛ mi nyami, e kɛ mɛ so, nɛ e ha mɛ mlaa a; e tsɔɔ mɛ jami blɔ nya tomi, nɛ mɛ nɔuu nɛ e wo si ɔ nɛ.

1 Korintobi 9:17

Ní nɛ i ngɛ tsue ɔ, imi nitsɛ nɛ i suɔ kaa ma tsu jinɛ i ko hyɛ hiɔwo blɔ. Se Mawu nitsɛ nɛ hla mi, nɛ e ngɔ ní tsumi ɔ ngɔ wo ye dɛ kaa nɔmlɔ nɛ yeɔ anɔkuale.

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Galatabi 2:7

Mohu ɔ, a na paa kaa ní tsumi pɔtɛɛ nɛ Mawu ha mi ji kaa ma fiɛ sane kpakpa a ha ma je li kaa bɔ nɛ a hla Petro kaa e fiɛ sane kpakpa a ha Yuda bi ɔ.

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

Hebribi 5:12

Jinɛ be nɛ ɔ mi ɔ, e sa kaa nyɛ pee tsɔɔli, se hyɛ nyɛ mohu nɛ amlɔ nɛ ɔ, e hia kaa a tsɔɔ nyɛ Mawu munyu ɔ mi sisije ní ɔmɛ ekohu. Amlɔ nɛ ɔ, nyɔ nyu lɛ hi ha nyɛ, pi niye ní nitsɛ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

Kpojemi 22:6

Kɛkɛ nɛ bɔfo ɔ de mi ke, “Anɔkuale munyu nɛ sa kaa a he ye ji nɛ ɔ nɛ. Nyɔmtsɛ Mawu, nɔ nɛ haa e mumi ɔ baa gbali ɔmɛ a nɔ ɔ, lɛ nɛ tsɔ e bɔfo ɔmɛ, konɛ a ba tsɔɔ e tsɔli ɔmɛ nɔ́ nɛ maa ba ngɛ be kpiti mi.”