Romabi 3:19 - BAIBLO ALOO NGMAMI KLƆUKLƆU Ɔ

¹⁹ Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Somi He Ɔ

¹⁹ Jeha nɛ ɔ wa le kaa nihi kulaa nɛ Mlaa a deɔ ɔ, nihi nɛ ngɛ Mlaa a sisi ɔ e ngɛ dee, konɛ nɔ ko nɔ ko ko na nya, nɛ je mluku ɔ tsuo nɛ ye fɔ ngɛ Mawu hɛ mi.

Romabi 3:19 ပူးပေါင်းရင်းမြစ်များ

Hiob 5:16

E haa ohiatsɛ hɛ nɔ kami, nɛ yiwutsotsɛ maa e nya.

La 107:42

Nihi nɛ peeɔ nɔ nɛ da a naa nɔ́ nɛ ɔ, nɛ a bua jɔɔ he; se yayami peeli lɛɛ a maa a nya.

La 63:11

Se matsɛ ɔ ma nya saminya; ejakaa Mawu haa e yeɔ kunimi. Nɔ tsuaa nɔ nɛ kɛ Mawu biɛ kaa kita a ma je Mawu yi boboobo, se lakpatsɛmɛ lɛɛ a ma ma a nya.

Ezekiel 16:63

Ma ngɔ o he yayami ɔmɛ tsuo kɛ pa mo; se kɛ̃ ɔ, o ma kai yayami ɔmɛ, nɛ zo maa gbe mo kpɔtɔɔ. Ma ngɔ tɔmi ɔmɛ tsuo kɛ pa mo, nɛ e maa pee mo nyakpɛ; o be nyɛe maa pa o nya mi tete po ngɛ zo ní nɛ o tsu ɔ he.” Nyɔmtsɛ Yawɛ lɛ de.

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 8:9

Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ.

Romabi 1:20

Kɛ je be nɛ Mawu bɔ je ɔ, e he wami nɛ ngɛ daa, kɛ e su nɛ ji níhi nɛ a nɛ́ kɛ hɛngmɛ ɔ jeɔ kpo paa ngɛ e nibɔ ní ɔmɛ a mi, nɛ adesa naa. Lɔ ɔ he ɔ, a be nya jemi ko kulaa.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

Romabi 3:4

Dɛbi! Mawu ɔ, anɔkualetsɛ ji lɛ; pohu nimli adesahi tsuo lɛɛ lakpa a yeɔ. Kaa bɔ nɛ ngmami ɔ deɔ ɔ, “Konɛ nihi tsuo nɛ a na kaa nɔ́ tsuaa nɔ́ nɛ o deɔ ɔ ngɛ mi; Nɛ ke a kojo mo hu, o yeɔ nguɔ.”

Romabi 3:9

Lɛɛ kɛ ji lɛ kɛɛ? Anɛ wɔ Yuda bi wa nɔ́ mi hi pee ni kpa amɛ lo? Dɛbi, pi ja kulaa! Kaa bɔ nɛ i tsɔɔ nya momo ɔ, Yuda bi kɛ Hela bi tsuo sɔ; mɛ tsuo a ngɛ yayami he wami sisi.

1 Korintobi 1:29

E pee enɛ ɔ, konɛ nɔ ko nɔ ko kó fĩa ngɛ e hɛ mi.

Galatabi 3:10

Nihi nɛ susuu kaa ja a ye Yuda bi a mlaa a nɔ doo loko a ma he a yi wami ɔ, a gbiɛ mɛ. Ejakaa ngmami ɔ deɔ ke, “Mlaahi tsuo nɛ a ngma ngɛ Mawu mlaa womi ɔ mi ɔ, nɔ nɛ ma tɔ kake ngmelu nɔ ɔ, a gbiɛ lɛ.”

Galatabi 4:21

Nyɛ nihi nɛ nyɛ ngɛ hlae kaa mlaa a nɛ ye nyɛ nɔ ɔ, nyɛ ha ma bi nyɛ nɔ́ ko. Nɔ́ nɛ mlaa a deɔ ɔ be mi lo?

Galatabi 4:5

E ba, konɛ e ba kpɔ nihi nɛ Yuda mlaa a ye mɛ nyɔguɛ ɔ, konɛ e pee mɛ Mawu bimɛ.

Galatabi 5:18

Se ke mumi ɔ lɛ tsɔɔ nyɛ blɔ ɔ, lɛɛ mlaa a yi nyɛ nɔ hu.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.