Romabi 3:11 - BAIBLO ALOO NGMAMI KLƆUKLƆU Ɔ

¹¹ Ní lelɔ ko be ɔ, nɔ ko nɔ ko be nɛ hlaa Mawu se blɔ.

Somi He Ɔ

¹¹ Ni lelɔ ko be, nɔ ko nɔ ko be nɛ hlaa Mawu se blɔ.

Romabi 3:11 ပူးပေါင်းရင်းမြစ်များ

La 53:2

Mawu nɛ ngɛ hiɔwe ɔ ngɛ nimli adesahi tsuo hyɛe; e ngɛ hyɛe kaa e maa na nɔ ko nɛ le nɔ́; nɔ ko nɛ jaa lɛ Mawu ɔ lo.

La 53:4

Mawu ngɛ bie ke, “Ni nɛmɛ nɛ ngɛ yayami pee ɔ, a li nɔ́ lo? A ngɔ ojo fiami kɛ pee a nyangma. Se imi, a Mawu ɔ lɛɛ a ja we mi.”

La 94:8

Ye ma, mɛni he je lɛ nyɛ biɛ kikɛ nɛ ɔ? Kuasiahi, mɛni be nyɛ maa le nɔ́?

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yesaya 65:1

Yawɛ ke, “I pee klaalo konɛ nihi nɛ li mi ɔ nɛ a hla ye se blɔ; i pee klaalo konɛ ni nɛmɛ nɛ li mi ɔ nɛ a le mi jehanɛ. Daa nɛ ɔ, i pee klaalo nɛ i ngɛ ma a dee ke, ‘I ngɛ hiɛ ɔ oo; nyɛ tsɛ mi nɛ ma piɛ nyɛ he.’

Yesaya 9:13

Israel bi ɔmɛ kpale we kɛ bɛ Yawɛ Tabohiatsɛ ɔ ngɔ. E ngɛ mi kaa e gbla a tue bɔ nɛ sa lɛɛ,

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Hosea 7:10

Israel ma a yeɔ fɔ kaa a wo a he nɔ kɛ si Mawu, se enɛ ɔ tsuo mi ɔ, a hla we Yawɛ, a Mawu ɔ se blɔ nɛ a kpale kɛ ba e ngɔ.

Mateo 13:19

Nihi nɛ nuɔ matsɛ yemi ɔ he sɛ gbi, se a nui sisi ɔ, a ngɛ kaa wu nɛ ya pue blɔ he ɔ. Nɔ yayami ɔ baa nɛ e ba saa nɔ́ nɛ a du ngɛ a mi ɔ kɛ jeɔ.

Romabi 1:22

A tsɛɔ a he ní leli, se a plɛ pee kuasiahi mohu.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Romabi 3:10

Kaa bɔ nɛ ngmami ɔ deɔ ɔ, “Nɔ ko nɔ ko be nɛ da; nɔ kake ngmelu po be.

Romabi 3:12

Mɛ tsuo a tla blɔ; mɛ tsuo a puɛ; nɔ ko nɔ ko be nɛ peeɔ kpakpa, nɔ kake ngmelu po be.

Romabi 8:7

Nɔ nɛ susuɔ he lo mi níhi a he ɔ, e ngɛ Mawu nyɛe, ejakaa e bui Mawu mlaa a; pohu e be nɔ nyɛe maa ye tete.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.