Romabi 2:9 - BAIBLO ALOO NGMAMI KLƆUKLƆU Ɔ

⁹ Mawu ma ha nɛ haomi, kɛ nɔ́ nami maa ba yayami peeli tsuo a nɔ, Yuda bi kekle, kɛ ma je li hulɔ.

Somi He Ɔ

⁹ Dengme kɛ he hiami maa ba nɔmlɔ tsuaa nɔmlɔ nɛ tsuɔ ni yaya nɛ ɔmɛ a nɔ, Yuda no nɔ kekle kɛ Hela no hu nɔ.

Romabi 2:9 ပူးပေါင်းရင်းမြစ်များ

Kronika II, 6:23

Yawɛ lee, moo bu tue ngɛ hiɔwe, nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

La 32:10

Yayami peeli maa na nɔ́ wawɛɛ. Se nihi nɛ ngɔɔ a hɛ kɛ fɔɔ Yawɛ nɔ ɔ, mɛɛ lɛɛ Yawɛ maa na mɛ mɔbɔ daa.

Abɛ Womi 11:23

Nihi nɛ peeɔ nɔ́ nɛ da a, nɔ́ nɛ a suɔ ji kaa nɔ́ ko tsuaa nɔ́ ko ɔ, kpakpa pɛ nɛ je mi. Se yiwutsotsɛmɛ lɛɛ abofu kɛkɛ ji nɔ́ nɛ a hii blɔ hyɛe.

Ezekiel 18:4

Ye níhi ji nimli ɔmɛ tsuo, tsɛ ɔ kɛ e bi ɔ, ye níhi ji mɛ tsuo; nɔ nɛ peeɔ yayami ɔ, lɛ nɔuu lɛ ma gbo.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Amos 3:2

Yawɛ ke, “Ngɛ je ma amɛ tsuo a kpɛti ɔ, nyɛ pɛ ji ma nɛ i je blɔ hla, nɛ i ngɛ nɔ hyɛe. Enɛ ɔ ha nɛ nyɛ he yayami ɔ kle agbo, nɛ e hia kaa ma gbla nyɛ tue wawɛɛ nitsɛ.”

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Ni Tsumi 11:18

Benɛ a nu munyu nɛ ɔmɛ ɔ, a nya mi jɔ, nɛ a wo Mawu hɛ mi nyami mohu, nɛ a de ke, “Lɛɛ ma je li ɔmɛ hu Mawu ha mɛ he blɔ kaa a tsake a tsui, konɛ a he a yi wami!”

Ni Tsumi 13:26

“Ye nyɛmimɛ Abraham nina Israel bi, kɛ nyɛ ma je li nɛ nyɛ jaa Mawu, nɛ nyɛ ba bua nyɛ he nya ngɛ hiɛ ɔ, wɔ a kɛ kikɛmɛ a yi wami hemi munyu nɛ ɔ ba ha.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Ni Tsumi 28:17

Ligbi etɛ se ɔ, Paulo tsɛ lejɛ ɔ Yuda bi ɔmɛ a nikɔtɔma amɛ kpe. Benɛ a nya ba bua a, e de mɛ ke, “Ye nyɛmimɛ Israel bi, i pee we wa ma a yayami ko, nɛ wa nɛmɛ ɔmɛ a kusumihi nɛ a si ha wɔ ɔ hu i tɔ we ekoeko nɔ; se kɛ̃ ɔ, a nu mi ngɛ Yerusalem, nɛ a ngɔ mi ngɔ wo Roma bi ɔmɛ a dɛ mi kaa pã mi no.

Ni Tsumi 28:28

Nyagbe ɔ, Paulo de Yuda bi ɔmɛ ke, “Nyɛ na na nyɛɛ le kaa Mawu ngɔ yi wami hemi munyu ɔ ya ha ma je li ɔmɛ. Mɛɛ lɛɛ a maa bu tue!” [

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Romabi 2:10

Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Romabi 8:35

Mɛnɔ ma gba wɔ kɛ maa je suɔmi nɛ Kristo ngɛ kɛ ha wɔ ɔ mi? Haomi loo, nɔ nami loo, yi mi wami loo, hwɔ loo, oslã loo, aloo klaate?

Romabi 9:24

Wɔ hu ja e tsɛ wɔ, konɛ waa na kaa pi Yuda bi kɛkɛ nɛ e tsɛ, se e tsɛ ma je li ɔmɛ hulɔ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.

2 Tesalonikabi 1:6

Niinɛ, Mawu maa ye dami sane; nihi nɛ ngɛ nyɛ yi mi wae ɔ, Mawu maa hao mɛ ngɔ to nane mi.

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!