Romabi 2:8 - BAIBLO ALOO NGMAMI KLƆUKLƆU Ɔ

⁸ Se ni nɛmɛ nɛ mɛɛ lɛɛ mɛ nitsɛmɛ a nɔ mi pɛ a foɔ, nɛ a bui anɔkuale, nɛ nɔ́ yayami se pɛ a dii ɔ, Mawu kɛ mi mi la, kɛ mi mi fumi ma kple a nɔ.

Somi He Ɔ

⁸ Se nihi nɛ suɔ pɛ nɛ a bui anɔkuale ɔ tue, se a buɔ ni yayahi mohu tue ɔ, a nɔ ji mi mi fumi kɛ mi mi la.

Romabi 2:8 ပူးပေါင်းရင်းမြစ်များ

Kronika II, 6:23

Yawɛ lee, moo bu tue ngɛ hiɔwe, nɛ o kojo o tsɔli ɔmɛ. Nɔ nɛ ye fɔ ɔ, gbla e tue bɔ nɛ sa lɛ; se nɔ nɛ pee we yayami ko ɔ lɛɛ o wo lɛ nguɔ.

Hiob 24:13

Nimli yayamihi ji ni nɛmɛ nɛ kua la a nɛ; a nui la a sisi, nɛ he nɛ la a ngɛ kpɛe ngɛ hu, a be lejɛ ɔ.

La 90:11

Mɛnɔ lɛ le bɔ nɛ o mi mi fumi ɔ nya wa ha? Bɔ nɛ o he ngɛ gbeye ɔ, ja lɛ o mi mi fumi ɔ ngɛ.

Abɛ Womi 11:23

Nihi nɛ peeɔ nɔ́ nɛ da a, nɔ́ nɛ a suɔ ji kaa nɔ́ ko tsuaa nɔ́ ko ɔ, kpakpa pɛ nɛ je mi. Se yiwutsotsɛmɛ lɛɛ abofu kɛkɛ ji nɔ́ nɛ a hii blɔ hyɛe.

Abɛ Womi 13:10

Nɔ buimi ɔ, haomi kɛkɛ e kɛ baa. Ní leli ji ni nɛmɛ nɛ buɔ ga womi tue.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yeremia 34:18

I kɛ Yuda ma nimeli ɔmɛ, Yerusalem ma nimeli ɔmɛ, matsɛ we ɔ tsɔli ɔmɛ, osɔfo ɔmɛ, kɛ ma hɛ mi nyɛɛli ɔmɛ tsuo so somi. Okadi nɛ a pee ji a gbe na bi, nɛ a gba mi enyɔ, nɛ a nyɛɛ fa enyɔ ɔmɛ a mi kɛ be. Se a yi somi ɔ, kɛ blɔ nya tomi ɔmɛ a nɔ. Lɔ ɔ he ɔ, bɔ nɛ a pee na bi ɔ, ja nɔuu ma pee mɛ.

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 10:16

Se kɛ̃ ɔ, pi Israel bi ɔmɛ tsuo nɛ he sane kpakpa a. Ejakaa Yesaya de ke, “Nyɔmtsɛ, wa sane ɔ, mɛnɔ he ye?”

Romabi 15:18

Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

1 Korintobi 11:16

Se ke nɔ ko susuɔ kaa nɔ́ nɛ i de ngɛ nɔ́ nɛ ɔ he ɔ be mi ɔ, nɔ́ nɛ ma de kɛkɛ ji kaa i kɛ Mawu asafo ɔ, wɔɔ lɛɛ wa be jami blɔ nya tomi kpa ko ngɛ enɛ ɔ se.

2 Korintobi 12:20

I ngɛ gbeye yee kaa ke i ba nyɛ slaami ɔ, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ. Eko piɔ ɔ, níhi nɛ ma ba na kɛkɛ ji pɛ, hunga jemi, mi mi la, mi gbami, nɔ biɛ puɛmi, sieku yemi, he nɔ womi, kɛ basabasa peemi.

Galatabi 5:20

amaga jami, kunya tsumi, ninyɛ, pɛ hlami, hunga jemi, mi mi la womi, pɛ, mi gbami, nya hiɔmi,

Filipibi 1:17

Ni kpa amɛ fiɛ we sɛ gbi ɔ anɔkuale mi. Ke a ngɛ fiɛe ɔ, a woɔ pɛ; a susuu kaa ke a pee ja kɛkɛ a ngɛ mi yi mi wae kɛ piɛ tsu nɛ a wo mi ɔ he.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Tito 3:9

Se nya sami yaka gu, weku kpa se jami, pɛ, kɛ mlaa a he nɔ́ jemi ɔ lɛɛ je o he kɛ je mi. Ní nɛ ɔmɛ a he be se nami, nɛ a he hia we hulɔ.

Hebribi 10:27

Mohu ɔ, waa kɛ gbeye yemi nɛ hyɛ kojomi nɛ ma a, kɛ la gegeege nɛ ma kpata nihi nɛ teɔ si kɛ siɔ Mawu a hɛ mi ɔ blɔ.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Yakobo 3:14

Se ke hunga jemi yaya, kɛ pɛ ngɛ nyɛ tsui mi, nɛ nyɛ ti nɔ tsuaa nɔ ngɛ hlae kaa e hi ha lɛ nɔ kake pɛ ɔ, nyɛ ko fĩa, nɛ́ nyɛ ba ye lakpa ngɔ si anɔkuale ɔ.

Yakobo 3:16

He nɛ hunga jemi ngɛ, nɛ nihi suɔ kaa e hi ha mɛ pɛ ɔ, lejɛ ɔ nɛ a naa sakasaka peemi, kɛ awi yemi slɔɔtohi babauu ngɛ.

1 Petro 3:1

Jã nɔuu kɛ̃, nyɛ yigbayihi hu, nyɛɛ ba nyɛ he si ha nyɛ hunomɛ, bɔ nɛ pee nɛ ke a ti ni komɛ he we Mawu munyu ɔ yi ɔ, nyɛ je mi bami nɛ tsake mɛ. E be hiae kaa a kɛ mɛ nɛ tu munyu po,

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

Kpojemi 16:19

Ma nguaa a mi gba etɛ, nɛ je ma amɛ a hɛ mi kpata. Mawu kai Babilon ma kpetekpleenyɛ ɔ, nɛ e ha nɛ e nu wai kɛ je e kplu ɔ mi. Wai nɛ ɔ daa si ha Mawu mi mi fumi nɛ nya wa a.