Romabi 2:7 - BAIBLO ALOO NGMAMI KLƆUKLƆU Ɔ

⁷ Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Somi He Ɔ

⁷ Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Romabi 2:7 ပူးပေါင်းရင်းမြစ်များ

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

La 37:34

Ngɔɔ o hɛ ngɔ fɔ Yawɛ nɔ, nɛ o ye e mlaa amɛ a nɔ; nɛ e ma ha nɛ o nine maa su zugba a nɔ. Ke a ngɛ yayami peeli a hɛ mi kpatae ɔ, o hɛngmɛ kɛkɛ o kɛ maa hyɛ mɛ.

Ezekiel 18:17

E yɛ he nɛ a ngɛ yayami pee ngɛ, konɛ yayami ko sã lɛ. Ke e pa sika ha nɔ ko ɔ, e he we hekpa. E yeɔ ye mlaa amɛ a nɔ pɛpɛɛpɛ. Kikɛmɛ a binyumu nɛ ɔ be gboe ngɛ e tsɛ yayami ɔmɛ a he, se mohu, niinɛ, e yi ma na wami.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Luka 21:19

Nyɛɛ hɛɛ nyɛ hemi kɛ yemi ɔ mi kpɛii, nɛ nyɛ ma na neneene wami.

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Yohane 4:36

Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

Yohane 5:44

Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Romabi 2:10

Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

Romabi 8:18

I le anɔkuale mi kaa nɔ́ nɛ wa ngɛ nae amlɔ nɛ ɔ pi nɔ́ ko kulaa nɛ a kɛ maa to wa hɛ mi nyami nɛ Mawu maa wo hwɔɔ se ɔ he.

Romabi 9:23

E pee enɛ ɔ, konɛ nihi nɛ e na mɛ mɔbɔ ɔ nɛ a le bɔ nɛ e to momo kaa e maa wo a hɛ mi nyami babauu ha.

1 Korintobi 15:42

E ngɛ kaa bɔ nɛ a ma tle ni gbogboehi si kɛ ba wami mi ekohu ɔ pɛpɛɛpɛ. Nɔ́ nɛ a pu kaa wu ɔ ma puɛ, se nɔ́ nɛ a ma tle si ɔ lɛɛ e be puɛe.

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

Galatabi 6:9

Lɔ ɔ he ɔ, wa ko ha nɛ kpakpa peemi nɛ gbe wa nya; ejakaa ke wa kɔni mi wui nyu ɔ, ní kpami be ɔ, wa ma na he se.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

2 Timoteo 1:10

Jehanɛ lɛɛ, e jé e dloomi ɔ kpo paa ngɔ tsɔɔ wɔ kɛ gu wa yi wami helɔ Kristo Yesu bami nɔ. Kristo Yesu gu sane kpakpa a nɔ nɛ e ha gbenɔ se po; nɛ e ngɔ wami ba ha wɔ, konɛ wa ko gbo gblegbleegble.

Hebribi 2:7

Nɛ o bɔ lɛ ɔ, nɔ́ ko bɔɔ pɛ o ha bɔfo ɔmɛ kɛ pe lɛ. O wo e hɛ mi nyami, nɛ o ha bu ba e he.

Hebribi 6:12

Nyɛ ko pee hejɔ; se mohu nihi nɛ he Mawu ye, nɛ a to a tsui si, nɛ lɔ ɔ he a nine su nɔ́ nɛ Mawu wo si ɔ nɔ ɔ, nyɛɛ kase mɛ.

Hebribi 6:15

Abraham to e tsui si, nɛ e nine su nɔ́ nɛ Mawu ke e ma ha lɛ ɔ nɔ.

1 Yohane 2:25

Nɛ nɔ́ nɛ Kristo nitsɛ wo wɔ he si ɔ ji neneene wami.