Romabi 2:5 - BAIBLO ALOO NGMAMI KLƆUKLƆU Ɔ

⁵ Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

Somi He Ɔ

⁵ Se o kɛ o tsui wami kɛ o he nɛ o pia we ɔ ngɛ mi mi fumi nyɛ buae ngɔ ha mo nitsɛ o he ngɔ to mi mi fumi kɛ Mawu dami kojomi kpo jemi ligbi ɔ.

Romabi 2:5 ပူးပေါင်းရင်းမြစ်များ

Kronika II, 30:8

Nyɛ ko wa tue kaa bɔ nɛ nyɛ nɛmɛ ɔmɛ pee ɔ; mohu ɔ, nyɛɛ bu Yawɛ tue. Nyɛɛ ba Yawɛ we ɔ ngɛ Yerusalem, we nɛ e pee klɔuklɔu kɛ yaa neneene ɔ. Nyɛ ba ja lɛ ngɛ lejɛ ɔ, konɛ e mi mi nɛ fu nyɛ wawɛɛ ɔ se nɛ po.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

La 110:5

Nyɔmtsɛ ɔ ngɛ o hiɔ nɔ; ligbi ɔ nɛ e mi mi maa wo la a, e ma kpata matsɛmɛ ɔmɛ a hɛ mi.

La 95:8

“Nyɛ ko kplii nyɛ tsui kaa bɔ nɛ nyɛ nɛmɛ ɔmɛ pee ligbi ko ngɛ Masa nga a nɔ ngɛ Meriba a.

Mose II, 14:17

Ma kplii Egipt bi ɔmɛ a tsui, nɛ a maa nyɛɛ a se; kɛkɛ ɔ, ye hɛ mi maa ba nyami, ejakaa ma ye Farao ɔ kɛ e tabo ɔ, e ta zugba lɛ ɔmɛ, kɛ e we okpɔngɔ ta buli ɔmɛ tsuo a nɔ kunimi.

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Mose II, 8:15

Se benɛ Farao ɔ na mumi wo he bɔɔ ɔ, e kplii e tsui ekohu, nɛ kaa bɔ nɛ Yawɛ de ɔ, e bui mɛ tue.

Abɛ Womi 1:18

Se nimli kaa kikɛ nɛ ɔmɛ lɛɛ mɛ nitsɛmɛ a he klama a tsɔ ɔ nɛ; mɛ nitsɛmɛ lɛ a maa du klama a, nɛ a ma gbo.

Abɛ Womi 11:4

Ní babauu nɛ nɔ ko na a be nyɛe ma he e yi wami ngɛ kojomi ligbi ɔ nɔ. Nɔ́ nɛ ma nyɛ he e yi wami ji anɔkuale nɛ e yeɔ ɔ.

Abɛ Womi 28:14

A gbaa nɔ nɛ yeɔ Yawɛ gbeye daa. Se nɔmlɔ nɛ tue wa a, lɛɛ haomi maa ba e nɔ.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Fiɛlɔ 12:14

Mawu maa kojo wɔ ngɛ níhi tsuo nɛ wa pee ɔ a he. Níhi nɛ wa pee ngɛ laami mi po, e maa kojo wɔ ngɛ a he; kpakpa jio, yaya jio.

Yesaya 48:4

Israel bi, i le kaa nyɛ kuɛ wa; e ngɛ kpakpataa kaa dade, nɛ nyɛ yi wu tso ngɛ kpɛkpɛtɛɛ kaa akɔblee.

Yeremia 40:3

Amlɔ nɛ ɔ, Yawɛ ná pee nɔ́ nɛ e de to ke e maa pee ɔ. Nɔ́ nɛ ɔ ba nyɛ nɔ, ejakaa nyɛ pee yayami kɛ si Yawɛ, nɛ nyɛ bui lɛ tue.

Ezekiel 11:19

Ma ha mɛ tsui he, kɛ juɛmi he. Ma je tsui nɛ wa kaa tɛ ɔ kɛ je a mi, nɛ ma ha mɛ tsui nɛ he jɔ, tsui nɛ buɔ tue;

Ezekiel 3:7

Se Israel ma a be suɔe kaa a maa bu mo tue, ejakaa imi tete po, a sume kaa a maa bu mi tue. Ma a tsuo pɛpɛɛpɛ a tue wa, nɛ a tsɔɔ atuã.

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Hosea 13:12

“Israel ma a pee yayami; lɔ ɔ he ɔ, a yeɔ fɔ. A kadi enɛ ɔmɛ tsuo pɛpɛɛpɛ ngɔ to.

Amos 3:10

Yawɛ ke, “Nimli nɛ ɔmɛ a mɔ ɔmɛ hyi tɔ kɛ níhi nɛ a gu ju kɛ yi mi wami blɔhi a nɔ kpɔ ngɛ nihi a dɛ. Bɔ nɛ a yeɔ anɔkuale po, a li.

Romabi 1:18

Nihi nɛ peeɔ yayami, nɛ a bɔɔ musu kɛ tsiɔ anɔkuale ɔ nɛ kɔɔ Mawu he ɔ nya a, Mawu kɛ mi mi fumi nɛ jeɔ hiɔwe gblaa a tue.

Romabi 11:25

Ye nyɛmimɛ, anɔkuale laami sane ko ngɛ nɛ i suɔ kaa nyɛɛ le, bɔ nɛ pee nɛ nyɛ ko susu kaa nyɛ hɛ mi lɛ tɛ̃. Sane ɔ ji kaa Israel bi ɔmɛ ɔ, pe a ha a wa tue be kuku kɛkɛ kɛ yaa si ma je li ɔmɛ tsuo ma ba le Mawu.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Mose V, 2:30

“Se Heshbon matsɛ, Sihon kplɛɛ we nɛ waa gu e zugba a mi kɛ be. Yawɛ, nyɛ Mawu ɔ kplii e tsui, bɔ nɛ pee nɛ waa ye e nɔ, nɛ́ wa kpɔ e zugba a ngɛ e dɛ. Jamɛ a zugba a nɔ wa ngɛ kɛ sá.

Mose V, 32:34

“Ke he nyɛli ɔmɛ pee Israel nɔ́ ko ɔ, Yawɛ hɛ ji nɔ; e mlɛɛ blɛuu kɛ ya siɔ be nɛ sa loko e gblaa a tue.

2 Tesalonikabi 1:5

Enɛ ɔ tsɔɔ paa kaa Mawu yeɔ dami sane; e ngɔ nɔ́ nɛ nyɛ ngɛ nae nɛ ɔ kɛ ngɛ nyɛ dlae kɛ ha e matsɛ yemi ɔ.

Hebribi 3:13

Mohu ɔ, nyɛɛ kɛ nyɛ sibi nɛ tu he wami womi munyu daa ligbi nɛ nyɛ ma nyɛ ma de ke “mwɔnɛ ɔ.” Kɛkɛ ɔ, yayami be nyɛ ti nɔ ko sisie nɛ e gbo Mawu tue.

Hebribi 3:15

Kaa bɔ nɛ ngmami ɔ deɔ ɔ, “Mwɔnɛ ɔ, ke nyɛ nu e gbi ɔ, nyɛ ko wa tue kaa bɔ nɛ nyɛ nɛmɛ ɔmɛ pee benɛ a tsɔ Mawu hɛ mi atuã a.”

Hebribi 4:7

Se Mawu to be kpa kɛ ha kikɛmɛ a he jɔɔmi ɔ, nɛ be ɔ ji “Amlɔ nɛ ɔ.” Be babauu se ɔ, Mawu ha David tu munyu nɛ ɔ kaa bɔ nɛ a wo ta momo ɔ ke, “Mwɔnɛ ɔ, ke nyɛ nu e gbi ɔ, nyɛ ko wa tue.”

Yakobo 5:3

Sika tsu, kɛ sika hiɔ babauu nɛ nyɛ bua nya a maa nɔ kana. Jamɛ a kana a maa ye odase kɛ si nyɛ, nɛ e ma kpe nyɛ he lo kaa nɔ́ nɛ a kɛ la sã. Nyɛ ngɛ juetli babanu buae kɛ ngɛ toe nyagbe be nɛ ɔ mi.

Yoshua 11:20

Yawɛ ha a kplii a tsui kaa a kɛ Israel bi ɔmɛ maa hwu ta, bɔ nɛ pee nɛ a gbe mɛ tsuo pɛpɛɛpɛ nɛ a ko na mɛ mɔbɔ. Bɔ nɛ Yawɛ fa Mose ke e pee ji nɛ ɔ nɛ.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peeɔ nɛ e jeɔ nimli kpakpahi kɛ jeɔ ka mi. E le bɔ nɛ e peeɔ kɛ hii nimli yayamihi a tue gblae hluu kɛ yaa su kojomi ligbi ɔ tɔɔ.

2 Petro 3:7

Se hiɔwe kɛ zugba a nɛ ngɛ amlɔ nɛ ɔ, munyu nɛ je Mawu nya a nɔuu lɛ hɛɛ mɛ, konɛ a kɛ la nɛ ba kpata a hɛ mi hwɔɔ se. Jamɛ a ligbi ɔ, a maa kojo nihi tsuo nɛ li Mawu, nɛ a ma kpata a hɛ mi.

Yuda 1:6

Nyɛ kai Mawu bɔfohi nɛ hɛɛ blɔ nya sa a, nɛ pee se ɔ, a tsɔ atuã kɛ je mɛ nitsɛmɛ a si himi he ɔ. Amlɔ nɛ ɔ, a kɛ kɔsɔkɔsɔ fi mɛ, nɛ Mawu ngɔ mɛ ngɔ to gbogboehi a je ngɛ diblii nɛ mi ti mi. Lejɛ ɔ nɛ a maa hi hluu kɛ yaa si ligbi ngua a maa su, nɛ a maa kojo mɛ.

Kpojemi 2:21

I ha lɛ be, konɛ e kɛ tsake e tsui, se e sume kaa e ma kpa e yakayaka nyɛɛmi ɔ.

Kpojemi 6:17

Ejakaa ligbi nɛ ngɛ gbeyegbeye nɛ a maa gbla wa tue ɔ, ligbi ɔ su. Nɛ mɛnɔ ma nyɛ nya maa da?”

Samuel I, 6:6

Mɛni he je nyɛ maa kplii nyɛ tsui kaa bɔ nɛ Egipt bi ɔmɛ, kɛ Farao ɔ kplii a tsui ɔ? Nyɛ kai kaa Mawu kɛ Egipt bi ɔmɛ to ní wawɛɛ nitsɛ kɛ ya si be nɛ a ngmɛɛ Israel bi ɔmɛ a he nɛ a ho.