Romabi 2:3 - BAIBLO ALOO NGMAMI KLƆUKLƆU Ɔ

³ Se mo ye nyɛmi nɛ o kojoɔ nihi nɛ tsuɔ jamɛ a ní ɔmɛ, nɛ́ mo hu o peeɔ ja nɔuu ɔ, anɛ o susuu kaa o maa ye o he, nɛ Mawu be mo kojoe lo?

Somi He Ɔ

³ Se mo nɔmlɔ nɛ o kojoɔ nihi nɛ tsuɔ jamɛ a ni nɛ ɔmɛ nɛ o peɔ ja nɔuu ɔ, anɛ o susuu kaa moo lɛɛ o he maa je Mawu kojomi ɔ mi lo?

Romabi 2:3 ပူးပေါင်းရင်းမြစ်များ

Samuel II, 10:3

Amon ganɔ ɔmɛ bi a matsɛ Hanun ɔ ke, “O susu kaa David tsɔ nihi ba ha mo lakpoo, konɛ e kɛ wo o tsɛ hɛ mi nyami lo? Dɛbi! Ni ɔmɛ nɛ David tsɔ kɛ ba o ngɔ ɔ, pe a ba nɛ a ba slaa ma a, nɛ a kɛ kpa níhi si loko a ba tua wɔ.”

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 56:7

Mawu, ngɔɔ o mi mi la kɛ gbla kikɛmɛ a nimli nɛ ɔmɛ a tue ngɛ a yi wu tso ní ɔmɛ a he!

Abɛ Womi 11:21

Anɔkuale sane ji kaa yayami peelɔ ɔ, ja a gbla e tue kokooko. Se nihi nɛ peeɔ nɔ́ nɛ da a, mɛɛ lɛɛ a maa ye a he.

Abɛ Womi 16:5

Nɔ tsuaa nɔ nɛ woɔ e he nɔ ɔ, e he peeɔ Yawɛ tai. Bɔ tsuaa bɔ nɛ pee ɔ, ja a gbla e tue; e be e he yee.

Ezekiel 17:15

Se Yuda matsɛ ɔ tsɔ atuã; e tsɔ nihi kɛ ho Egipt ya, konɛ a ha lɛ okpɔngɔhi, kɛ ta buli nɛ he hiɛ. Anɛ e ma nyɛ maa ye kunimi lo? Anɛ matsɛ nɛ ɔ yi ma na wami lo? Ke e yi somi ɔ nɔ ɔ, anɛ e yi ma na wami lo?”

Ezekiel 17:18

Somi nɛ e kɛ Babilonia matsɛ ɔ so, kɛ si nɛ e wo lɛ ɔ, e yi nɔ. Enɛ ɔmɛ a he ɔ, e yi be wami nae kɔkɔɔkɔ.”

Daniel 10:19

E de mi ke, “Mo he manye! Mawu suɔ o sane saminya. Koo ye gbeye! Ko ha nɛ nɔ́ ko nɛ hao mo!” Benɛ e kɛ mi tu munyu nɛ ɔ, i na he wami he, nɛ i de lɛ ke, “Ye nyɔmtsɛ! I kpa mo pɛɛ, nɔ́ nɛ ngɛ o nya a, de mi; ejakaa o ha nɛ i na he wami.”

Mateo 23:33

Sinɔhi kɛ sinɔhi a nina! Nyɛ tue nɛ a maa gbla ngɛ Abosiami a je la a mi ɔ, kɛ nyɛ maa pee kɛ tu fo ngɛ nya kɛɛ?

Mateo 26:53

Anɛ o susu kaa i be nyɛe ma kpa Tsaatsɛ pɛɛ, nɛ amlɔ nɛ ɔ nɔuu e maa tsɔ hiɔwe bɔfohi asafo nyɔngma kɛ enyɔ kɛ se kɛ ba nɛ a ba je ngmlaa ha mi lo?

Luka 12:14

Se Yesu de lɛ ke, “Maminyumu, mɛnɔ wo mi kojolɔ, loo ní dlalɔ ha nyɛ?”

Luka 22:58

Be bɔɔ se ɔ, nyumu ko hu yo Petro, nɛ e de ke, “Mo hu a ti nɔ kake ji mo!” Se Petro he nɔ ke, “Awetsɛ, pi a ti nɔ kake ji mi!”

Luka 22:60

Se Petro de lɛ ke, “Awetsɛ, i li nɔ́ nɛ o ngɛ dee ɔ!” Tlukaa a, benɛ e ngɛ munyu ɔ tue kɛ mwɔɔ ɔ, kungwɔ kpa nɔ.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Romabi 2:1

Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Romabi 2:2

Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Hebribi 12:25

Lɔ ɔ he ɔ, nɔ nɛ kɛ nyɛ ngɛ munyu tue ɔ, nyɛɛ bu lɛ tue. Nihi nɛ bui nɔ nɛ bɔ mɛ kɔkɔ ngɛ zugba a nɔ tue ɔ, a yi a he. Nɛ wɔɔ lɛɛ ke nɔ nɛ je hiɔwe ɔ kɛ wɔ ngɛ munyu tue nɛ wa bui lɛ tue ɔ, kɛ wa maa pee kɛ ye wa he kɛɛ?

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.