Romabi 2:28 - BAIBLO ALOO NGMAMI KLƆUKLƆU Ɔ

²⁸ Lɛɛ mɛnɔ ji Yuda no nitsɛnitsɛ mɔ? Pi okadi nɛ a to ngɛ nɔ he lo mi kaa nɔ pomi kikɛ nɛ ɔ nɛ peeɔ nɔ Yuda no.

Somi He Ɔ

²⁸ Ejakaa pi nɔ nɛ a naa lɛ kaa Yuda no kɛkɛɛkɛ ɔ ji Yuda no, nɛ jeha nɛ ɔ hu pi kpo nɔ nɔ nɛ ngɛ he lo mi ɔ ji pomi;

Romabi 2:28 ပူးပေါင်းရင်းမြစ်များ

La 73:1

Niinɛ, Mawu hi ha Israel; e hi ha ni nɛmɛ nɛ a tsui mi tsɔ.

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Yeremia 9:25

Yawɛ ke, “Be ma nɛ ma gbla Egipt bi, Yuda bi, Edom bi, Amon bi, kɛ Moab bi a tue. Nihi nɛ ngɛ nga kplanaa a nɔ nɛ a poɔ huɛ ngɛ a hɛ se ɔ hu piɛ he. A po nimli nɛ ɔmɛ tsuo pɛpɛɛpɛ. Se somi nɛ pomi okadi nɛ ɔ daa si ha a lɛɛ a yi nɔ. Nimli nɛ ɔmɛ jio, ye ma Israel ɔ jio, nɔ ko nɔ ko yi ye somi ɔ nɔ.”

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Yohane 1:47

Benɛ Yesu na Natanael nɛ ma e ngɔ ɔ, e de ke, “Israel no ngmingmiingmi ji nɛ ɔ nɛ; sé ko be e he.”

Romabi 2:17

Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!