Romabi 2:27 - BAIBLO ALOO NGMAMI KLƆUKLƆU Ɔ

²⁷ Lɔ ɔ he ɔ, nyɛ Yuda bi, ma je li ɔmɛ maa kojo nyɛ, ejakaa nyɛ nɛ a ngma mlaa a ngɔ ha, nɛ́ mlaa a nya a poɔ nyɛ ɔ, nyɛ tɔɔ mlaa a. Se mɛɛ lɛɛ a yeɔ mlaa a nɔ, pohu a pui mɛ.

Somi He Ɔ

²⁷ Fɔmi mi mɔmlɔtɔsɛ nɛ yeɔ Mlaa a nɔ ɔ maa kojo mo nɛ o gu ngmami okadi kɛ nɔ pomi nɔ kɛ pee o he mlaa nɔ tɔlɔ ɔ.

Romabi 2:27 ပူးပေါင်းရင်းမြစ်များ

Mateo 3:15

Se Yesu he nɔ ke, “Oo, moo kplɛɛ kɛkɛ, ejakaa kikɛmɛ a blɔ nɔ nɛ wa maa gu kɛ pee Mawu suɔmi nya ní.” Kɛkɛ nɛ Yohane kplɛɛ.

Ni Tsumi 13:22

Pee se ɔ, Mawu kpa Saulo, nɛ e wo David matsɛ ngɛ e nane mi. Odase nɛ Mawu ye ngɛ e he ji nɛ ɔ nɛ: ‘I ná Ishai bi David he bua jɔmi kaa nɔ ko nɛ maa pee ye suɔmi nya ní.’

Romabi 13:10

Ke o suɔ nɔ ko ɔ, o be lɛ yayami ko yayami ko pee. Ke o suɔ o nyɛmi ɔ, kɛkɛ pe o ye mlaa a tsuo nɔ ɔ nɛ.

Romabi 2:15

A ní peepee tsɔɔ kaa nɔ́ nɛ mlaa a ngɛ hlae kaa a pee ɔ, Mawu ngɔ wo a tsui mi momo; nɛ a he nile hu yeɔ enɛ ɔ he odase. Ejakaa be komɛ ɔ, a susumi deɔ mɛ ke nɔ́ nɛ a ngɛ pee ɔ dɛ, nɛ be komɛ hu e deɔ mɛ ke e da.

Romabi 2:20

Nyɛɛ buu nyɛ he kuasiahi a tsɔseli, kɛ nihi nɛ li nɔ́ ko ɔ a ní tsɔɔli; ejakaa nyɛ le kaa niinɛ, nile kɛ anɔkuale tsuo ngɛ mlaa a mi.

Romabi 2:25

Nyɛ yeɔ mlaa a nɔ jinɛ pomi nɛ a po nyɛ ɔ, se nami ngɛ he. Se nyɛ yi nɔ; lɔ ɔ he ɔ, nyɛ ngɛ kaa ni nɛmɛ nɛ a pui mɛ ɔ.

Romabi 2:26

Ke ma je no nɛ a pui lɛ ɔ yeɔ mlaa a nɔ ɔ, anɛ Mawu be lɛ bue kaa nɔ ko nɛ a po lɛ lo?

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.

1 Korintobi 7:19

Ejakaa a po mo jio, a pui mo jio, pi nɔ́ ko; nɔ́ nɛ he hia ji kaa o ye Mawu mlaa amɛ a nɔ.

2 Korintobi 3:6

Mawu nɛ ha nɛ wa nyɛ nɛ wa ngɛ lɛ Mawu ɔ sɔmɔe kaa bɔ nɛ somi he ɔ tsɔɔ ɔ. Pi mlaa nɛ a ngma nɛ waa ye nɔ ji somi he ɔ, se mohu Mawu mumi. Mlaa nɛ a ngma a, gbenɔ nɛ e kɛ baa, se mumi ɔ haa nɔ wami.

Galatabi 5:14

Ejakaa mlaa a tsuo nɔ yemi ɔ kpiti pomi ji, “Suɔ o nyɛmi kaa bɔ nɛ o suɔ mo nitsɛ o he.”

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

2 Timoteo 3:15

O kai kaa kɛ je o jokuɛ mi tɔɔ o le ngmami klɔuklɔu ɔ. Ngmami klɔuklɔu ɔ ma ha nɛ o maa le ní, nɛ Kristo Yesu nɛ o heɔ yeɔ ɔ ma he o yi wami.

Hebribi 11:3

Hemi kɛ yemi lɛ ha wa nu sisi kaa Mawu munyu a kɛ bɔ je ɔ. Enɛ ɔ tsɔɔ kaa níhi nɛ wa nɛ́ ɔ, lɔ ɔmɛ Mawu ngɔ kɛ pee níhi nɛ wa naa a.