Romabi 2:26 - BAIBLO ALOO NGMAMI KLƆUKLƆU Ɔ

²⁶ Ke ma je no nɛ a pui lɛ ɔ yeɔ mlaa a nɔ ɔ, anɛ Mawu be lɛ bue kaa nɔ ko nɛ a po lɛ lo?

Somi He Ɔ

²⁶ Se ke mɔmlɔtɔsɛ yeɔ Mlaa a blɔnya amɛ a nɔ ɔ, anɛ a be e mɔmlɔtɔ ɔ bue kaa pomi lo?

Romabi 2:26 ပူးပေါင်းရင်းမြစ်များ

Mateo 15:28

Jehanɛ Yesu de lɛ ke, “Yo, o hemi kɛ yemi kle! Nɔ́ nɛ o ngɛ hlae ɔ, a pee ha mo!” Nɛ jamɛ a ngmlɛfia a nɔuu ɔ, a tsa e biyo ɔ.

Romabi 2:25

Nyɛ yeɔ mlaa a nɔ jinɛ pomi nɛ a po nyɛ ɔ, se nami ngɛ he. Se nyɛ yi nɔ; lɔ ɔ he ɔ, nyɛ ngɛ kaa ni nɛmɛ nɛ a pui mɛ ɔ.

Romabi 2:27

Lɔ ɔ he ɔ, nyɛ Yuda bi, ma je li ɔmɛ maa kojo nyɛ, ejakaa nyɛ nɛ a ngma mlaa a ngɔ ha, nɛ́ mlaa a nya a poɔ nyɛ ɔ, nyɛ tɔɔ mlaa a. Se mɛɛ lɛɛ a yeɔ mlaa a nɔ, pohu a pui mɛ.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Romabi 8:4

Mawu pee enɛ ɔ, bɔ nɛ pee nɛ wɔ nihi nɛ wa bɛ wa je mi ngɛ he lo mi ní yayami ɔmɛ a nya, se mohu wa nyɛɛɔ ngɛ mumi ɔ blɔ tsɔɔmi nya a, wa nyɛ waa ye mlaa a nɔ sisiisi.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.