Romabi 2:25 - BAIBLO ALOO NGMAMI KLƆUKLƆU Ɔ

²⁵ Nyɛ yeɔ mlaa a nɔ jinɛ pomi nɛ a po nyɛ ɔ, se nami ngɛ he. Se nyɛ yi nɔ; lɔ ɔ he ɔ, nyɛ ngɛ kaa ni nɛmɛ nɛ a pui mɛ ɔ.

Somi He Ɔ

²⁵ Se ke o yeɔ Mlaa a nɔ ɔ, jinɛ nɔ pomi he ngɛ se nami; se ke o pee o he Mlaa a nɔ tɔlɔ ɔ, o pomi ɔ plɛ mɔmlɔtɔ.

Romabi 2:25 ပူးပေါင်းရင်းမြစ်များ

Yeremia 4:4

Somi nɛ nyɛɛ kɛ imi Yawɛ, nyɛ so ɔ, nyɛɛ ye nɔ, nɛ nyɛɛ ngɔ nyɛ he kɛ ha mi, nyɛ Yuda ma, kɛ Yerusalem bi. Ke nyɛ pee we ja a, ye mi mi ma fu nyɛ ngɛ nyɛ ní yayami ɔmɛ a he. Nɛ ke ye mi mi fu ɔ, nɔ ko be nyɛe maa jɔɔ he.”

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

Romabi 2:28

Lɛɛ mɛnɔ ji Yuda no nitsɛnitsɛ mɔ? Pi okadi nɛ a to ngɛ nɔ he lo mi kaa nɔ pomi kikɛ nɛ ɔ nɛ peeɔ nɔ Yuda no.

Romabi 2:23

Nyɛ fĩaa ke nyɛ le mlaa a, se tse nyɛ tɔɔ mlaa a kɛ pueɔ Mawu hɛ mi si?

Romabi 2:13

Ejakaa pi nihi nɛ le mlaa a nɛ a buu nihi nɛ da ngɛ Mawu hɛ mi, se mohu nihi nɛ yeɔ mlaa a nɔ, mɛ a maa wo nguɔ.

Romabi 2:26

Ke ma je no nɛ a pui lɛ ɔ yeɔ mlaa a nɔ ɔ, anɛ Mawu be lɛ bue kaa nɔ ko nɛ a po lɛ lo?

Romabi 2:27

Lɔ ɔ he ɔ, nyɛ Yuda bi, ma je li ɔmɛ maa kojo nyɛ, ejakaa nyɛ nɛ a ngma mlaa a ngɔ ha, nɛ́ mlaa a nya a poɔ nyɛ ɔ, nyɛ tɔɔ mlaa a. Se mɛɛ lɛɛ a yeɔ mlaa a nɔ, pohu a pui mɛ.

1 Korintobi 7:19

Ejakaa a po mo jio, a pui mo jio, pi nɔ́ ko; nɔ́ nɛ he hia ji kaa o ye Mawu mlaa amɛ a nɔ.

Galatabi 6:13

Nihi nɛ a kusumi ji kaa a po mɛ ɔ, mɛ nitsɛmɛ po a yi mlaa a nɔ. A ngɛ hlae kɛkɛ nɛ a fĩa kaa mɛ lɛ a pee lɛ nyɛ kplɛɛ nɛ a po nyɛ.