Romabi 2:21 - BAIBLO ALOO NGMAMI KLƆUKLƆU Ɔ

²¹ Nyɛ nɛ nyɛ tsɔɔ ni kpahi ní ɔ, mɛni he je nyɛ tsɔɔ we nyɛ nitsɛmɛ nyɛ he ní mɔ? Nyɛ fiɛɔ ke a ko ju; se tse nyɛ juɔ?

Somi He Ɔ

²¹ jeha nɛ ɔ mo nɛ o tsɔɔ ni kpahi a ni ɔ, o tsɔɔ we mo nitsɛ o he lo? O fiɛɔ ke “a ko ju,” se o ju we lo?

Romabi 2:21 ပူးပေါင်းရင်းမြစ်များ

1 Korintobi 9:27

Se mohu ɔ, i waa ye nɔmlɔ tso ɔ yi mi, nɛ i haa nɛ e peeɔ ye suɔmi nya ní. I peeɔ jã, bɔ nɛ pee nɛ ke i fiɛ ha ni kpahi se ɔ, imi nitsɛ lɛɛ Mawu ko sake mi ngɔ fɔ he.

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Luka 11:46

Yesu he nɔ ke, “Nyɛ mlaa tsɔɔli ɔmɛ hu, musu tloo nyɛ! Nyɛ boɔ tlomi nɛ jiɔ ngɔ pueɔ nihi a konɔ. Se nyɛ nitsɛmɛ lɛɛ, nyɛ be nyɛ nine nguɛ kake po mi kpae kɛ piɛ a he kɛ tloo tlomi ɔ.

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Mateo 21:13

nɛ e de mɛ ke, “A ngma ngɛ ngmami ɔmɛ a mi ke, Mawu de ke, ‘A ma tsɛ ye we ɔ sɔlemi we.’ Se nyɛɛ lɛɛ nyɛ ngɔ kɛ pee ojo fiali a laami he!”

Ezekiel 22:27

Ganɔ ɔmɛ ngɛ kaa ogbeteehi nɛ ngɛ a de lo mi tsɔtslɔɔe. A gbeɔ nɔ, bɔ nɛ pee nɛ a na ní yaka.

Galatabi 6:13

Nihi nɛ a kusumi ji kaa a po mɛ ɔ, mɛ nitsɛmɛ po a yi mlaa a nɔ. A ngɛ hlae kɛkɛ nɛ a fĩa kaa mɛ lɛ a pee lɛ nyɛ kplɛɛ nɛ a po nyɛ.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yesaya 42:20

Israel, o naa níhi babauu, se o kɔ se lo? O ngɛ tue hu nɛ o kɛ nuɔ nɔ́, se mɛni tutuutu o nu?”