Romabi 2:18 - BAIBLO ALOO NGMAMI KLƆUKLƆU Ɔ

¹⁸ Nyɛ le nɔ́ nɛ Mawu suɔ kaa nyɛɛ pee, nɛ a gu mlaa a nɔ tsɔɔ nyɛ nɛ nyɛ le nɔ́ nɛ hi.

Somi He Ɔ

¹⁸ nɛ o le e suɔmi nya ni ɔmɛ, nɛ o le nihi nɛ hi, ejakaa a je Mlaa a mi kɛ tsɔɔ mo,

Romabi 2:18 ပူးပေါင်းရင်းမြစ်များ

La 119:130

Ke a tsɔɔ o mlaa a sisi ɔ, e ngɛ kaa la, nɛ e haa kuasia po leɔ ní.

La 19:8

Yawɛ mlaa amɛ da pɛpɛɛpɛ; nihi nɛ yeɔ nɔ ɔ, a naa bua jɔmi. Yawɛ mlaa a he tsɔ; e haa nɛ nɔ nuɔ níhi a sisi.

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Luka 1:4

I pee enɛ ɔ, konɛ níhi nɛ a de mo ɔ, o na anɔkuale ɔ paa.

Luka 12:47

“Tsɔlɔ nɛ le nɔ́ nɛ e nyɔmtsɛ ɔ suɔ kaa e pee, se e ti si pam nɛ e pee ɔ, a maa fia lɛ kpa wawɛɛ.

Yohane 13:17

Amlɔ nɛ ɔ nɛ nyɛ na le anɔkuale ɔ, ke nyɛ tsu e nya ní ɔ, a gbaa nyɛ!

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

Romabi 2:19

Nyɛ buu nyɛ he nihi nɛ tsɔɔ hɛ yuyuili blɔ, aloo la kɛ ha nihi nɛ ngɛ diblii mi.

Mose V, 4:8

Jehanɛ hu, ma kpetekpleenyɛ te nɛ ngɛ nɛ e mlaahi da kaa ní nɛmɛ tsuo nɛ i ngɛ nyɛ tsɔɔe mwɔnɛ nɛ ɔ?

Filipibi 1:10

konɛ nyɛɛ le kpakpa mi tso. Kɛkɛ ɔ, mu ko mu ko, kɛ piami ko piami ko be nyɛ he sae kɛ yaa su ligbi ɔ nɛ Kristo maa ba.

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;

Hebribi 5:14

Se nihi nɛ wa a, a nɔ ji niye ní nitsɛ. Mɛɛ lɛɛ a tsɔse a juɛmi, nɛ a le slɔɔto nɛ ngɛ kpakpa kɛ yayami a kpɛti.

Yakobo 4:17

Lɔ ɔ he ɔ, nɔ nɛ le nɔ́ kpakpa nɛ e pee we ɔ, yayami e pee ɔ nɛ.