Romabi 2:17 - BAIBLO ALOO NGMAMI KLƆUKLƆU Ɔ

¹⁷ Nyɛɛ lɛɛ kɛ nyɛ sane ngɛ kɛɛ? Nyɛ tsɛɔ nyɛ he Yuda bi, nɛ nyɛ daa mlaa a nɔ kɛ fĩaa kaa Mawu nihi ji nyɛ.

Somi He Ɔ

¹⁷ Se ke moo lɛɛ a tsɛɛ mo Yuda no, nɛ o hɛ ngɛ Mlaa a nɔ, nɛ o fiaa fɔɔ Mawu nɔ,

Romabi 2:17 ပူးပေါင်းရင်းမြစ်များ

La 135:4

Yawɛ nitsɛ lɛ hla Yakob kɛ ha e he; e hla Israel kɛ pee e ma.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Mateo 3:9

Nyɛ ko susu kaa ke nyɛ de kɛkɛ ke nyɛ nɛ̃ ji Abraham ɔ, nɛ tue gblami ko be nyɛ nɔ bae. I ngɛ nyɛ dee ke, Mawu ma nyɛ ngɔ tɛ nɛ ɔmɛ kɛ pee Abraham nina!

Luka 10:28

Yesu de lɛ ke, “Bɔ nɛ o ha heto ɔ da; ke o pee ja a, o yi ma na wami.”

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Yohane 5:45

Nyɛ ko susu kaa imi lɛ ma po nyɛ nya ngɔ ha Tsaatsɛ. Mose nɛ nyɛ ngɔ nyɛ hɛ kɛ fɔ e nɔ ɔ, lɛ tutuutu ji nɔ nɛ maa po nyɛ nya.

Yohane 7:19

Pi Mose nɛ wo nyɛ mlaa a? Nɛ nyɛ ti nɔ ko nɔ ko yi nɔ ɔ? Mɛni he je nyɛ ngɛ hlae nɛ nyɛɛ gbe mi ɔ?”

Yohane 8:33

A he nɔ ke, “Abraham nina ji wɔ, nɛ wɔɔ lɛɛ wa yi nyɔguɛ ha nɔ ko hyɛ. Ke o de ke, ‘Nyɛ maa ye nyɛ he’ ɔ, kɛ o ngɛ tsɔɔe kɛɛ?”

Yohane 8:41

Níhi nɛ nyɛ tsɛ peeɔ ɔ, lɔ ɔmɛ ngɛ peeɔ ɔ nɛ.” A he nɔ ke, “Wɔɔ lɛɛ pi ajuama mi bimɛ ji wɔ. Wa ngɛ tsɛ kake. Wa tsɛ ji Mawu.”

Romabi 2:23

Nyɛ fĩaa ke nyɛ le mlaa a, se tse nyɛ tɔɔ mlaa a kɛ pueɔ Mawu hɛ mi si?

Romabi 3:27

Lɛɛ mɛni nɔ wa maa fĩa ngɔ fɔ mɔ? Nɔ́ ko kulaa be kaa ja. Lɛɛ mɛni mɔ? Ní tsumi ngɛ mlaa a nya lo? Dɛbi! Yesu Kristo nɛ wa heɔ yeɔ mohu.

Romabi 9:32

Kɛ ba kɛɛ? A nine sui nɔ, ejakaa a hla we lɛ kɛ hemi kɛ yemi. A susu kaa kɛ gu ní tsumihi a nɔ nɛ a ma na lɛ. Enɛ ɔ ha nɛ a pee kaa nihi nɛ a ngɔ tɛ ngɔ fɔ blɔ mi ha mɛ nɛ a tɛ.

2 Korintobi 11:22

A fĩaa ke Hebri bi ji mɛ, pi jã? Saminya, imi hu Hebri no ji mi. Nɛ a deɔ ke Israel bi ji mɛ, pi jã lo? Ee, imi hu Israel no ji mi. Pi Abraham nina ji mɛ? Ee, imi hu eko ji mi.

Galatabi 2:15

Wɔ nitsɛmɛ ɔ, Yuda fɔfɔɛhi ji wɔ; wa pi ma je li yayami peeli.

Efesobi 2:11

Ma je li, pi Yuda fɔfɔɛ ji nyɛ. Ni nɛmɛ nɛ deɔ ke mɛɛ lɛɛ Mawu nitsɛ e nihi ji mɛ ɔ, bɔ nɛ a tsɛɔ nyɛ ji mɔmlɔtɔtsɛmɛ. A tsɛɔ nyɛ jã, ejakaa a po mɛ; se lɔ ɔ po nɔ́ ko kɛkɛ nɛ adesa pee. Lɔ ɔ he ɔ, nyɛ kai bɔ nɛ nyɛ ngɛ sa be ko ɔ.

Kpojemi 2:9

I le o haomi ɔmɛ! I le kaa nɔ́ ko be o dɛ lɛɛ, se kɛ̃ ɔ, niatsɛ ji mo. Nihi nɛ deɔ ke Yuda bi ji mɛ, pohu e be mi ja a, ní yayahi nɛ a deɔ ngɛ o he ɔ, i le lɛ tsuo. Abosiami jali a kuu ji mɛ!

Kpojemi 3:1

“Bɔfo ɔ nɛ ngɛ asafo ɔ nya ngɛ Sarde ɔ, ngmaa womi nɛ ɔ ya ha lɛ ke, “Nɔ nɛ yeɔ Mawu mumi kpaago ɔmɛ a nɔ, nɛ e hɛɛ dodoe kpaago ɔmɛ ɔ, sɛ gbi nɛ je e ngɔ ji nɛ ɔ nɛ. I le ní nɛ o ngɛ tsue ɔ. I le kaa o he biɛ kaa nɔ nɛ hɛ ngɛ, pohu o gbo.

Kpojemi 3:9

Hyɛ! Ni ɔmɛ nɛ je Abosiami jali a kuu ɔ mi ɔ, lakpatsɛmɛ ɔmɛ nɛ deɔ ke Yuda bi ji mɛ, pohu e be mi ja a, nɔ́ nɛ ma pee mɛ ji nɛ ɔ nɛ. Ma ha nɛ a maa ba nɛ a ma ba kpla si ngɛ o nane nya. Nɛ mɛ tsuo a ma na le kaa i suɔ mo.