Romabi 2:15 - BAIBLO ALOO NGMAMI KLƆUKLƆU Ɔ

¹⁵ A ní peepee tsɔɔ kaa nɔ́ nɛ mlaa a ngɛ hlae kaa a pee ɔ, Mawu ngɔ wo a tsui mi momo; nɛ a he nile hu yeɔ enɛ ɔ he odase. Ejakaa be komɛ ɔ, a susumi deɔ mɛ ke nɔ́ nɛ a ngɛ pee ɔ dɛ, nɛ be komɛ hu e deɔ mɛ ke e da.

Somi He Ɔ

¹⁵ kɔlɔ ɔ a kɛ tsɔɔ kaa a ngma Mlaa a ni tsumi ɔ ngɛ a tsui mi, nɛ a he nile hu yeɔ odase, nɛ a susumi ɔmɛ poo a nya aloo a jeɔ a nya

Romabi 2:15 ပူးပေါင်းရင်းမြစ်များ

Mose I, 20:5

Abraham nitsɛ nɛ e de ke e nyɛmiyo ji yo ɔ. Yo ɔ nitsɛ hu de ke e nyɛminyumu ji Abraham. Nɔ́ nɛ i pee nɛ ɔ je ye tsui mi faa, nɛ ye he nile bui mi fɔ.”

Matsɛmɛ I, 2:44

Mo nitsɛ o le yayamihi tsuo nɛ o je blɔ pee tsaatsɛ David. Yawɛ maa wo mo he hiɔ.

Hiob 27:6

Nɔ́ nɛ i ngɛ dee ke i pee we nɔ́ ko nɛ dɛ blɔ ɔ, jamɛ a munyu kake too ɔ i ngɛ tue; ye he nile bui mi fɔ ligbi ko ligbi ko.

Fiɛlɔ 7:22

Mo nitsɛ o le ngɛ o tsui mi kaa behi fuu ɔ, mo hu o gbiɛɛ ni komɛ.

Yohane 8:9

Se mɛɛ lɛɛ benɛ a nu munyu nɛ ɔ, a bɔni jemi kakaaka, kɛ je nɔkɔtɔma a nɔ kɛ ya si e piɛ Yesu, kɛ yo ɔ pɛ nɛ daa si ngɛ lejɛ ɔ kɛ mwɔɔ.

Ni Tsumi 23:1

Paulo hyɛ kpe ngua a mi bi ɔmɛ tsuo a hɛ mi kɛ kpe, nɛ e de ke, “Ye nyɛmimɛ Israel bi, kɛ ba su mwɔnɛ ligbi nɛ ɔ, i ba ye je mi saminya, nɛ ye he nile bui mi fɔ ngɛ Mawu hɛ mi.”

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Romabi 2:14

Ke ma je li ɔmɛ nɛ yi Mose mlaa a nɔ ngɛ a fɔmi su ɔ nya a tsuɔ mlaa a nya ní ɔ, a peeɔ mlaa ha mɛ nitsɛmɛ a he; pohu mlaa ko yi a nɔ.

Romabi 2:27

Lɔ ɔ he ɔ, nyɛ Yuda bi, ma je li ɔmɛ maa kojo nyɛ, ejakaa nyɛ nɛ a ngma mlaa a ngɔ ha, nɛ́ mlaa a nya a poɔ nyɛ ɔ, nyɛ tɔɔ mlaa a. Se mɛɛ lɛɛ a yeɔ mlaa a nɔ, pohu a pui mɛ.

Romabi 9:1

Anɔkuale i ngɛ tue ngɛ Kristo mi, nɛ ye he nile maa nɔ mi ngɛ Mumi Klɔuklɔu ɔ mi kaa nɔ́ nɛ i ngɛ dee ɔ, i yi lakpa.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

1 Timoteo 4:2

A maa pee a he lakpatsɛmɛ, kɛ nɔ sisili nɛ a he nile gbo pɛsɛpɛsɛ.

Tito 1:15

Nihi nɛ a he tsɔ ɔ, nɔ́ tsuaa nɔ́ he tsɔ ha mɛ. Se nihi nɛ ble a he, kɛ ni nɛmɛ nɛ he we yi ɔ lɛɛ nɔ́ ko nɔ́ ko he tsɔ we ha mɛ; ejakaa a ble a juɛmi, kɛ a he nile tsuo.