Romabi 2:10 - BAIBLO ALOO NGMAMI KLƆUKLƆU Ɔ

¹⁰ Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Somi He Ɔ

¹⁰ Se hɛ mi nyami kɛ bu kɛ he jɔmi maa ba nɔ tsuaa nɔ nɛ tsuɔ ni kpakpahi ɔ nɔ, Yuda no kekle kɛ Hela no hulɔ.

Romabi 2:10 ပူးပေါင်းရင်းမြစ်များ

Hiob 22:21

Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

La 15:2

Nɔ nɛ piami ko be e he, nɛ e peeɔ nɔ́ nɛ da. Nɔ nɛ tuɔ anɔkuale sisiisi,

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 37:37

Moo to nɔmlɔ kpakpa he hɛ; hyɛ dalɔ saminya, nɔmlɔ nɛ he jɔ ɔ, hwɔɔ se ɔ, e maa hi si ngɛ tue mi jɔmi mi.

Abɛ Womi 11:18

Nɔmlɔ yayami ɔ, nɔ́ ko bɔbɔyoo kɛkɛ e naa kɛ jeɔ e yi wu tso ní peemi níhi a mi. Nɔ nɛ peeɔ nɔ́ nɛ da lɛɛ e nine suu hiɔwo kpakpa nɔ kɛ̃.

Abɛ Womi 8:18

Ní nɛ ɔmɛ ngɛ ye dɛ nɛ ma dla; sika, hɛ mi nyami, kplɔkɔtɔ, kɛ nɔ yami.

Yesaya 26:12

Yawɛ, mo lɛ o haa wɔ tue mi jɔmi; nɔ́ tsuaa nɔ́ nɛ wa ngɛ pee ɔ, mo lɛ o peeɔ ha wɔ.

Yesaya 32:17

Dami sane nɛ ɔ kɛ tue mi jɔmi maa ba, nɛ a ma na he jɔmi kɛ maa ya neneene.

Yesaya 48:18

“I na nɛ nyɛ ye ye mlaa amɛ a nɔ! Jinɛ a maa gbaa nyɛ; nɛ nyɛ maa pee kaa pa nɛ nyu tɛ̃ mi gblegbleegble. Nyɛ maa ye kunimi nɔtonɔto kaa bɔ nɛ oslɔke kuɔ kɛ pueɔ wo dɔ mi.

Yesaya 48:22

Yawɛ ke, “Yayami peeli be he jɔmi nae gblegbleegble.”

Yesaya 55:12

“Nyɛɛ kɛ bua jɔmi maa je lejɛ ɔ. A maa ngɔ nyɛ kɛ je ngɛ tue mi jɔmi mi. Yo ɔmɛ, kɛ yoku ɔmɛ maa hia la, nɛ pu mi tso ɔmɛ tsuo maa fia a dɛ mi.

Yesaya 57:19

Nihi nɛ a ngɛ kpo nya, kɛ tsitsaa tsuo ma na tue mi jɔmi. Ma tsa ye ma a.

Yeremia 33:6

Se kɛ̃ ɔ, be ma nɛ ma tsa Yerusalem hiɔ ɔ, nɛ ma ha nɛ ma mi bi ɔmɛ ma na he wami. Ma ha nɛ a ma plɔke, nɛ a ma na he jɔmi.

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

Mateo 10:13

Ke nihi nɛ ngɛ jamɛ a we ɔ mi he nyɛ atuu ɔ, nyɛɛ ba Mawu gbaami ha mɛ. Se ke a ha we nyɛ hɛ mi ɔ, lɛɛ nyɛɛ kpale nyɛ nya se.

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Luka 19:42

nɛ e de ke, “I na nɛ mwɔnɛ ligbi nɛ ɔ, o le níhi nɛ hia mo loko o ma na tue mi jɔmi! Se a ngɔ laa mo!

Luka 22:14

Benɛ ngmlɛfia a su ɔ, Yesu ya hi e blɔ he ngɛ okplɔɔ ɔ he; e kɛ bɔfo nyɔngma kɛ enyɔ ɔmɛ.

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 10:35

Se mohu ma tsuaa ma mi ɔ, nɔ nɛ yee Mawu gbeye, nɛ e peeɔ nɔ́ nɛ da a, lɛ ji nɔ nɛ saa e hɛ mi.

Romabi 14:17

Ejakaa Mawu matsɛ yemi ɔ, pi nɔ́ nɛ a maa ye, loo nɔ́ nɛ a maa nu; se mohu kaa a pee nɔ́ nɛ da, nɛ a hi si ngɛ he jɔmi mi, nɛ a na bua jɔmi. Mumi Klɔuklɔu ɔ lɛ haa ní nɛ ɔmɛ tsuo.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Romabi 2:9

Mawu ma ha nɛ haomi, kɛ nɔ́ nami maa ba yayami peeli tsuo a nɔ, Yuda bi kekle, kɛ ma je li hulɔ.

Romabi 5:1

Amlɔ nɛ ɔ, kɛ gu hemi kɛ yemi nɔ ɔ, Mawu wo wɔ nguɔ. Lɔ ɔ he ɔ, he jɔmi ba waa kɛ Mawu wa kpɛti kɛ gu Yesu Kristo nɔ.

Romabi 8:6

He lo nya níhi a he juɛmi ɔ kɛ gbenɔ baa, se mumi mi níhi a he juɛmi ɔ haa nɔ wami, kɛ he jɔmi.

Romabi 9:21

Wa le kaa buɛ puɛlɔ ngɛ he wami ngɛ zu nɛ e pɔtɔ ɔ nɔ, kaa e kɛ eko puɛɔ buɛ ko nɛ hi kɛ ha ní tsumi pɔtɛɛ ko, nɛ e puɛɔ buɛ kpa hu ngɛ mi kɛ ha ní tsumi gu ko kɛkɛ.

Romabi 9:23

E pee enɛ ɔ, konɛ nihi nɛ e na mɛ mɔbɔ ɔ nɛ a le bɔ nɛ e to momo kaa e maa wo a hɛ mi nyami babauu ha.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Hebribi 2:7

Nɛ o bɔ lɛ ɔ, nɔ́ ko bɔɔ pɛ o ha bɔfo ɔmɛ kɛ pe lɛ. O wo e hɛ mi nyami, nɛ o ha bu ba e he.

Yakobo 2:22

Tse nyɛ na! Abraham he ye, nɛ e tsu he ní hulɔ. Ní nɛ e tsu ɔ ha nɛ e hemi kɛ yemi ɔ mi ba wa wawɛɛ nitsɛ.

Yakobo 3:13

Anɛ ní lelɔ ko ngɛ nyɛ kpɛti lo? Anɛ nɔ ko ngɛ nyɛ kpɛti nɛ nuɔ nɔ́ sisi lo? Jamɛ a nɔ ɔ, e ba e je mi saminya. E ngɔ he si bami kɛ tsu ní kpakpa kɛ ye e nile ɔ he odase.

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

1 Petro 5:4

Nɛ ke to hyɛlɔ nɔkɔtɔma a ba a, nyɛ nine maa su hɛ mi nyami jlasi nɛ maa hi kpɛe nylamnylam daa a nɔ.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.