Romabi 2:1 - BAIBLO ALOO NGMAMI KLƆUKLƆU Ɔ

¹ Ye nyɛmi, anɛ o kojoɔ nihi, nɛ o buɔ mɛ fɔ lo? Ke o peeɔ ja a, lɛɛ o be nya jemi ko kulaa. Ejakaa ke o kojoɔ ni kpahi, nɛ o buu mɛ fɔ, nɛ mo hu o peeɔ jamɛ a ní ɔmɛ nɔuu ɔ, na nɛ o le kaa mo nitsɛ o he fɔ o ngɛ bue ɔ nɛ.

Somi He Ɔ

¹ Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Romabi 2:1 ပူးပေါင်းရင်းမြစ်များ

Luka 12:14

Se Yesu de lɛ ke, “Maminyumu, mɛnɔ wo mi kojolɔ, loo ní dlalɔ ha nyɛ?”

Luka 19:22

Nyɔmtsɛ ɔ de lɛ ke, ‘Tsɔlɔ angmaletsɛ! Mo nitsɛ o nya mi munyu ma kɛ bu mo fɔ! Tse o le kaa ye yi mi wa! Nɔ́ nɛ pi ye nɔ́ kɛkɛ i ya ngɔ; nɔ́ nɛ i du we kɛkɛ i ya kpa.

Luka 6:37

“Nyɛ ko kojo ni kpahi, kɛkɛ Mawu hu be nyɛ kojoe; nyɛ ko bu ni kpahi fɔ, kɛkɛ Mawu hu be nyɛ fɔ bue; nyɛɛ ngɔ nihi a tɔmihi kɛ pa mɛ, nɛ Mawu hu maa ngɔ nyɛ he yayamihi kɛ pa nyɛ.

Romabi 14:22

Bɔ nɛ o heɔ yeɔ ngɛ munyu nɛ ɔ he ɔ, e pee o kɛ Mawu nyɛ kpɛti sane. Ke nɔ ko pee nɔ́ ko nɛ lɛ nitsɛ e le kaa nɔ́ nɛ e pee ɔ da, nɛ e he nile hu bui lɛ fɔ ngɛ he ɔ, e naa bua jɔmi saminya.

Romabi 2:2

Wa le kaa Mawu buɔ nihi nɛ tsuɔ jamɛ a ní ɔmɛ bɔ nɛ fɔ ɔ le da pɛpɛɛpɛ.

Romabi 2:3

Se mo ye nyɛmi nɛ o kojoɔ nihi nɛ tsuɔ jamɛ a ní ɔmɛ, nɛ́ mo hu o peeɔ ja nɔuu ɔ, anɛ o susuu kaa o maa ye o he, nɛ Mawu be mo kojoe lo?

Romabi 3:9

Lɛɛ kɛ ji lɛ kɛɛ? Anɛ wɔ Yuda bi wa nɔ́ mi hi pee ni kpa amɛ lo? Dɛbi, pi ja kulaa! Kaa bɔ nɛ i tsɔɔ nya momo ɔ, Yuda bi kɛ Hela bi tsuo sɔ; mɛ tsuo a ngɛ yayami he wami sisi.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

1 Korintobi 7:16

Mo yo nɛ o le Kristo, kɛ o maa pee kɛ le kaa alini mo lɛ o ma he o huno ɔ yi wami? Mo nyumu nɛ o le Kristo, kɛ o maa pee kɛ le kaa alini mo lɛ o ma he o yo ɔ yi wami?

Yakobo 2:20

Kuasia! O ngɛ hlae nɛ nɔ ko nɛ de mo ke hemi kɛ yemi kɛkɛ nɛ ní tsumi piɛ we he ɔ, e wui yiblii.

Yakobo 4:11

Ye nyɛmimɛ, nyɛ ko tu nyɛ sibi a he munyu yaya. Nɔ nɛ tuɔ e nyɛmi he nyumu yaya a, mlaa a e ngɛ munyu tue kɛ ngɛ sie ɔ nɛ; nɛ nɔ tsuaa nɔ nɛ kojoɔ e nyɛmi ɔ, e ngɛ mlaa a kojoe. Ke nɔ ko tuɔ munyu kɛ siɔ mlaa a, pi mlaa a nɔ yelɔ ji lɛ, se mohu e peeɔ mlaa a kojolɔ.