Romabi 16:5 - BAIBLO ALOO NGMAMI KLƆUKLƆU Ɔ

⁵ I biɔ asafo ɔ nɛ kpeɔ ngɛ a we ɔ mi ɔ hulɔ. I biɔ Epeneto, kekleekle nɔ nɛ he Kristo ye ngɛ Asia a; ye huɛ saminya ji lɛ.

Somi He Ɔ

⁵ Nyɛ nga asafo nɛ ngɛ a we ɔ hulɔ. Nyɛ nga ye suɔlɔ Epaineto nɛ ji kekleekle nɔ ngɛ Asia nɛ kɛ e he ha Kristo ɔ.

Romabi 16:5 ပူးပေါင်းရင်းမြစ်များ

Mateo 18:20

Ejakaa he nɛ ni enyɔ, loo ni etɛ bua a he nya ngɛ ngɛ ye biɛ mi ɔ, i ngɛ a kpɛti ngɛ lejɛ ɔ.”

Ni Tsumi 16:6

A po mi ngɛ Frigia, kɛ Galatia zugba a nɔ, ejakaa Mumi Klɔuklɔu ɔ ha we mɛ blɔ kaa a fiɛ munyu ɔ ngɛ Asia.

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

Ni Tsumi 18:27

Jehanɛ, Apolo to e yi mi kaa e maa po mi kɛ ya Akaya, lɔ ɔ he ɔ, nyɛmimɛ ɔmɛ nɛ ngɛ Efeso ɔ susu he, nɛ a ngma womi ya ha nyɛmimɛ ɔmɛ nɛ ngɛ Akaya a kɛ wo mɛ ga ke a he lɛ hɛmuɔ. Benɛ e ba su lejɛ ɔ, nihi nɛ Mawu dloomi nya a, a ba he Kristo ye ɔ na e he se saminya.

Ni Tsumi 2:9

Wa je Partia, kɛ Media, kɛ Elam; wa ti ni komɛ je Mesopotamia, Yudea, Kapadokia, Ponto, kɛ Asia;

Romabi 11:16

Ke má bɔbɔyoo nɛ a ti kɛ sã bɔ ha Mawu ɔ ngɛ klɔuklɔu ɔ, lɛɛ má a tsuo ngɛ klɔuklɔu. Jã kɛ̃ ke tso sipoku ɔ ngɛ klɔuklɔu ɔ, tso kɔni ɔmɛ hu peeɔ klɔuklɔu.

Romabi 15:26

Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

Romabi 16:12

I biɔ Trifaina kɛ Trifosa nɛ a tsuɔ ní ha Nyɔmtsɛ ɔ. I biɔ Persi, ye huɛ nɛ i suɔ lɛ saminya a; lɛ hu e tsu ní wawɛɛ kɛ sɔmɔ Nyɔmtsɛ ɔ.

Romabi 16:4

Ye he ɔ, e piɛ nguɛ nya nɛ a sake a he lo ngɔ fɔ he. I ngɛ mɛ si nae saminya; ee, pi imi kɛkɛ, se ma je li ɔmɛ asafo ɔmɛ tsuo ngɛ mɛ si nae.

Romabi 16:6

I biɔ Maria; lɛ hu e gbo nyɛ he dengme wawɛɛ nitsɛ.

Romabi 16:8

I biɔ Ampliato nɛ i suɔ lɛ saminya ngɛ Nyɔmtsɛ ɔ mi ɔ.

1 Korintobi 16:15

Tse nyɛ le Stefana, kɛ e we mi bi ɔmɛ. Mɛ ji kekleekle nihi nɛ tsake pee Kristo se nyɛɛli ngɛ Akaya, nɛ a ngɔ a he ngɔ ha kaa a ma sɔmɔ ni klɔuklɔu ɔmɛ. Ye nyɛmimɛ, i kpa nyɛ pɛɛ,

1 Korintobi 16:19

Asafo ɔmɛ nɛ a ngɛ Asia a ke a biɔ nyɛ. Akuila, kɛ Priskila, kɛ asafo ɔ nɛ kpee ngɛ a we ɔ mi ɔ ke a biɔ nyɛ saminya ngɛ Nyɔmtsɛ ɔ biɛ mi.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

Kolosebi 4:15

Nyɛ de nyɛmimɛ ɔmɛ nɛ ngɛ Laodikea ke wa biɔ mɛ. Wa biɔ Nimfa, kɛ asafo ɔ nɛ kpee ngɛ e we ɔ mi ɔ hulɔ.

Filemon 1:2

kɛ asafo ɔ nɛ kpee ngɛ e we ɔ mi ɔ, kɛ wa nyɛmiyo Apia, kɛ wa huɛ ta bulɔ Arkipo.

Yakobo 1:18

Mawu gu sane kpakpa a nɔ kɛ ha wɔ mumi mi wami. Lɛ nitsɛ e suɔmi nya nɛ e pee enɛ ɔ. Ejakaa e suɔ kaa e pee wɔ nihi nɛ a he hia pe nibɔ ní ɔmɛ tsuo.

3 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo Gayo nɛ i suɔ mo saminya kɛ ye tsui tsuo ɔ.

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.