Romabi 16:21 - BAIBLO ALOO NGMAMI KLƆUKLƆU Ɔ

²¹ Timoteo nɛ i kɛ lɛ ngɛ ní tsumi kake tsue ɔ ke e biɔ nyɛ. Ye nyɛmimɛ Yuda bi, Lukio, Yason, kɛ Sosipatre hu ke a biɔ nyɛ.

Somi He Ɔ

²¹ Ye huɛ ni tsulɔ Timoteo kɛ ye wekuli Lukio kɛ Yason kɛ Sosipatre biɔ nyɛ.

Romabi 16:21 ပူးပေါင်းရင်းမြစ်များ

Ni Tsumi 20:4

E kɛ Piro nɛ je Beroya a e bi Sopater ho. Nihi hu nɛ piɛ e he ji Aristarko, kɛ Sekundo nɛ a je Tesalonika a, Gayo nɛ je Derbe ɔ, Tihiko kɛ Trofimo nɛ a je Asia a, kɛ Timoteo.

Ni Tsumi 17:5

Se Yuda bi ɔmɛ je nɔ́ nɛ ɔ he hunga, nɛ a ya ngɔ yakayaka nimli dikali komɛ ngɔ piɛ a he. Benɛ a nya ba bua fuu ɔ, a ha ma a mi tsuo pee hliihlii. A ya tua nyumu ko nɛ a tsɛɛ Yason e we ɔ kaa a maa ngɔ Paulo kɛ Sila ya ha ma a.

Ni Tsumi 13:1

Gbali, kɛ tsɔɔli komɛ ngɛ Antiokia asafo ɔ mi. Mɛ ji Barnaba, Simeon nɛ a tsɛɛ lɛ Yumu hulɔ ɔ, kɛ Lusio, Kirene no ɔ, Manahen nɛ a tsɔse e kɛ amlaalo Herode ɔ, kɛ Saulo.

Romabi 16:11

I biɔ Herodion, ye nyɛmi Yuda no ɔ, kɛ nyɛmimɛ Kristo we bi nɛ je Narkiso weku ɔ mi ɔ.

Romabi 16:7

I biɔ Androniko kɛ Yunia, ye nyɛmimɛ Yuda bi nɛ a wo i kɛ mɛ tsuo tsu ɔ. A he biɛ saminya ngɛ bɔfo ɔmɛ a kpɛti; nɛ a sɛ ye hlami ngɛ Kristo mi.

Hebribi 13:23

I ngɛ hae nɛ nyɛɛ le kaa wa nyɛmi Timoteo nɛ a wo lɛ tsu ɔ, jehanɛ lɛɛ a ngmɛɛ e he. Ke e ba su ye ngɔ mla a, i kɛ lɛ tsuo maa ba nyɛ ngɔ.

2 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nɛ i suɔ mo saminya. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

1 Timoteo 6:20

Timoteo, níhi nɛ a tu ngɔ wo o dɛ mi ɔ, baa yi saminya. Yakayaka ní sɛɛmi nɛ tsɔɔ we Mawu gbeye yemi, kɛ nya sami tslalaa nɛ juɛmi be mi ɔ, yu o he ngɛ he. Kikɛmɛ a ní nɛ ɔmɛ lɛ ni komɛ buu ke nile.

1 Timoteo 6:11

Se moo lɛɛ Mawu nɔmlɔ ji mo; lɔ ɔ he ɔ, bɔɔ ní nɛ ɔmɛ a he mɔde: dami sane yemi, Mawu suɔmi nya ní peemi, hemi kɛ yemi, suɔmi, tsui si tomi, kɛ he si bami.

1 Timoteo 1:2

i ngɛ womi nɛ ɔ ngmae kɛ ha mo Timoteo, ye bi nitsɛnitsɛ ngɛ hemi kɛ yemi ɔ mi. Dloomi, mɔbɔ nami, kɛ he jɔmi nɛ je Tsɛ Mawu ɔ, kɛ Kristo Yesu, wa Nyɔmtsɛ ɔ dɛ mi ɔ ha mo!

2 Tesalonikabi 1:1

Paulo, Sila, kɛ Timoteo ngma womi nɛ ɔ ya ha Tesalonika asafo ɔ, nɛ a kɛ wa Tsɛ Mawu, kɛ Nyɔmtsɛ Yesu Kristo pee kake ɔ.

1 Tesalonikabi 3:6

Amlɔ nɛ ɔ, Timoteo kpale kɛ ba, nɛ e ba bɔ wɔ amaniɛ saminyayoo nɛ kɔɔ nyɛ hemi kɛ yemi, kɛ nyɛ suɔmi ɔ he. E ba de wɔ ke nyɛ susuɔ wa he daa nɛ, nɛ nyɛ hɛ jaa ngɛ wa he kaa bɔ nɛ wɔ hu wa hɛ jaa ngɛ nyɛ he ɔ.

1 Tesalonikabi 3:2

Lɔ ɔ he ɔ, wa tsɔ Timoteo, wa nyɛmi nɛ waa kɛ lɛ tsuɔ ní kaa Mawu sɔmɔlɔ kɛ fiɛɔ Kristo he sane kpakpa a. Wa tsɔ lɛ, konɛ e ba wo nyɛ he wami, nɛ e ha nyɛ fi si ngɛ nyɛ hemi kɛ yemi ɔ mi,

1 Tesalonikabi 1:1

Imi Paulo, Sila, kɛ Timoteo, wa ngɛ womi nɛ ɔ ngmae kɛ ya ha asafo mi bi nɛ ngɛ Tesalonika, nɛ ngɛ Tsɛ Mawu, kɛ Nyɔmtsɛ Yesu Kristo mi ɔ. Dloomi kɛ he jɔmi ha nyɛ!

Kolosebi 1:1

Imi Paulo nɛ Mawu suɔmi nya nɛ i ba pee Kristo Yesu bɔfo ɔ, i kɛ wa nyɛmi Timoteo ngma womi nɛ ɔ

Filipibi 1:1

Imi Paulo kɛ Timoteo, Kristo Yesu sɔmɔli ɔ, ngma womi nɛ ɔ mane Kristo Yesu ni klɔuklɔu ɔmɛ, asafo nya dali ɔmɛ, kɛ sɔmɔli ɔmɛ tsuo nɛ ngɛ Filipi ɔ.

2 Korintobi 1:19

Ejakaa sɛ gbi nɛ kɔɔ Mawu Bi, Yesu Kristo ɔ he nɛ i kɛ Silvano kɛ Timoteo fiɛ ngɔ ha nyɛ ɔ tsakee we kɛ je “Ee” ba pee “Dɛbi” be kake too. Mohu ɔ, lɛ ji “Ee” Mawu ɔ nɛ.

2 Korintobi 1:1

Imi Paulo nɛ Mawu suɔmi nya a, i ba pee Kristo Yesu bɔfo ɔ, i kɛ wa nyɛmi Timoteo lɛ ngma womi nɛ ɔ ya ha Mawu asafo ɔ nɛ ngɛ Korinto, kɛ ni klɔuklɔu ɔmɛ tsuo nɛ ngɛ Akaya a.

Ni Tsumi 19:22

Lɔ ɔ he ɔ, e tsɔ e he piɛli enyɔ Makedonia. Mɛ ji Timoteo, kɛ Erasto; se lɛ nitsɛ lɛɛ e hi Asia be bɔɔ.

Ni Tsumi 18:5

Benɛ Sila kɛ Timoteo je Makedonia kɛ ba a, jehanɛ Paulo tsu we nɔ kpa ko hu pe munyu ɔ fiɛmi kɛkɛ; nɛ e yeɔ odase veveeve ngɔ tsɔɔ Yuda bi ɔmɛ kaa Yesu ji Kristo ɔ nɛ.

Ni Tsumi 17:14

Amlɔ nɔuu ɔ, nyɛmimɛ ɔmɛ wo Paulo blɔ kɛ ho wo kpo ɔ ya; se Sila kɛ Timoteo lɛɛ a tlɔ Beroya.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.