Romabi 16:19 - BAIBLO ALOO NGMAMI KLƆUKLƆU Ɔ

¹⁹ A nu nyɛ he ngɛ he tsuaa he kaa nyɛ pɛtɛ sane kpakpa a he wawɛɛ; nɔ́ nɛ ɔ ha nɛ i na nyɛ he bua jɔmi saminya. I suɔ kaa nyɛɛ le kpakpa, nɛ nyɛɛ pee; se yayami blɔ fa mi lɛɛ a ko nu nyɛ he kulaa.

Somi He Ɔ

¹⁹ Se nyɛɛ lɛɛ, nyɛ tue bumi ɔ nihi tsuo nu he, lɔ ɔ he ɔ i na nyɛ he bua jɔmi. Se i suɔ kaa nyɛɛ pee nyɛ he ni leli ngɛ nɔ kpakpa blɔfami; se nɔ yayami blɔfami ɔ, nihi nɛ a li nɔ́ ko.

Romabi 16:19 ပူးပေါင်းရင်းမြစ်များ

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

1 Korintobi 14:20

Ye nyɛmimɛ, nyɛ ko susu nyɛ yi mi kaa jokuɛwi. Yayami peemi blɔ fa mi ɔ lɛɛ nyɛɛ pee nyɛ ní kaa jokuɛwi, se nyɛ susu nyɛ yi mi kaa nihi nɛ wa ngɛ mumi mi.

Filipibi 2:15

Ke nyɛ pee ja a, nyɛ he ma tsɔ, nɛ piami ko piami ko be nyɛ he hie; nyɛ maa pee Mawu bimɛ nitsɛnitsɛmɛ ngɛ yayami peeli, kɛ nihi nɛ a tue wa a a kpɛti. Ejakaa nyɛ je mi bami he tsɔ kaa bɔ nɛ dodoe kpɛɔ.

Romabi 1:8

Kekleekle ɔ, i gu Yesu Kristo nɔ kɛ ngɛ ye Mawu ɔ si nae ngɛ nyɛ tsuo nyɛ he, ejakaa a ngɛ hemi kɛ yemi nɛ nyɛ hɛɛ mi ɔ he odase yee ngɛ je ɔ mi he tsuaa he.

Filipibi 1:9

I ngɛ Mawu pɛɛ kpae kaa suɔmi nɛ nyɛ ngɛ kɛ ha nyɛ sibi ɔ mi nɛ wa, nɛ nyɛ ná nile nɛ ma ha nyɛ nɔ́ se kɔmi mumi,

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

Efesobi 5:17

Lɔ ɔ he ɔ, nyɛ ko je kuasia; se mohu nyɛɛ bɔ mɔde nɛ nyɛ yo níhi nɛ ji Nyɔmtsɛ ɔ suɔmi nya ní.

La 101:2

Ma ba ye je mi saminya, konɛ a ko na piami ko ngɛ ye he. Mɛni be po lɛ o maa ba ye ngɔ? Ma hi si ngɛ mumi mi he tsɔmi mi ngɛ ye we ɔ mi.

Luka 10:3

Nyɛɛ ya! Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti.