Romabi 16:13 - BAIBLO ALOO NGMAMI KLƆUKLƆU Ɔ

¹³ I biɔ Rufo, nɔ nɛ je e he si kaa Nyɔmtsɛ ɔ ní tsulɔ kpanaa a, kɛ e nyɛ ɔ nɛ ngɔ imi hu kaa e bi ɔ.

Somi He Ɔ

¹³ Nyɛ nga Rufo, nɔ nɛ a hla ngɛ Nyɔmtsɛ ɔ mi ɔ nɛ e nyɛ pee mi bi hulɔ ɔ.

Romabi 16:13 ပူးပေါင်းရင်းမြစ်များ

2 Yohane 1:1

Imi nɔkɔtɔma a, i ngɛ womi nɛ ɔ ngmae kɛ ha mo awenyɛ nɛ a hla mo ɔ, kɛ o bimɛ ɔmɛ nɛ i suɔ nyɛ akɛnɛ nyɛ hɛɛ anɔkuale ɔ mi ɔ. Pi imi nɔ kake too nɛ i suɔ nyɛ; nɔ tsuaa nɔ nɛ le anɔkuale ɔ suɔ nyɛ.

1 Timoteo 5:2

Yi nikɔtɔma amɛ ɔ, o kɛ mɛ nɛ hi si kaa mo nitsɛ o nyɛmɛ, nɛ o kɛ yihewi ɔmɛ nɛ hi si kaa o nyɛmiyihi; se hyɛ nɛ yakayaka fiɛmi kó ba je mi.

Marko 15:21

Simon, Kirene no nɛ ji Aleksandro kɛ Rufo a tsɛ ɔ je ngmɔ si kɛ bee jamɛ a be ɔ mi. Ta buli ɔmɛ nyɛ nyumu nɛ ɔ nɔ ke e wo Yesu sɛumi tso ɔ.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

2 Tesalonikabi 2:13

Se nyɛmimɛ nɛ Nyɔmtsɛ ɔ suɔ, e hia kaa waa na Mawu si daa ha nyɛ. Ejakaa kɛ je sisije lokoo ɔ, Mawu hla nyɛ, nɛ e he nyɛ yi wami kɛ gu mumi ɔ nɛ maa tsu nyɛ he ɔ, kɛ anɔkuale ɔ nɛ nyɛ he ye ɔ nɔ.

Efesobi 1:4

Benɛ a na we nɛ a bɔ je ɔ tete po ɔ, Mawu hla wɔ ngɔ pee lɛ nitsɛ e nihi momo ngɛ Kristo mi. E pee enɛ ɔ, konɛ wa he nɛ tsɔ, nɛ piami ko kó hi wa he ngɛ e hɛ mi. Mawu suɔ wɔ saminya, enɛ ɔ he ɔ,

Yohane 19:27

Pee se ɔ, e de kaselɔ ɔ ke, “O nyɛ ji nɛ ɔ nɛ!” Kɛ je jamɛ a ligbi ɔ, kaselɔ ɔ ngɔ lɛ kɛ ho lɛ nitsɛ e we mi ya.

Marko 3:35

Nɔ tsuaa nɔ nɛ peeɔ nɔ́ nɛ Mawu suɔ ɔ, lɛ nɔuu ji ye nyɛminyumu, ye nyɛmiyo, kɛ ye nyɛ.”

Mateo 20:16

Yesu de kɛ gbe nya ke, “Lɔ ɔ he ɔ, sekpɛli ma ba pee hlami sɛli, nɛ hlami sɛli ma ba pee sekpɛli.”

Romabi 16:12

I biɔ Trifaina kɛ Trifosa nɛ a tsuɔ ní ha Nyɔmtsɛ ɔ. I biɔ Persi, ye huɛ nɛ i suɔ lɛ saminya a; lɛ hu e tsu ní wawɛɛ kɛ sɔmɔ Nyɔmtsɛ ɔ.

Romabi 16:14

I biɔ Asinkrito, Felgon, Herma, Patroba, Herme, kɛ nyɛmimɛ ɔmɛ tsuo nɛ a kɛ mɛ ngɛ ɔ.