Romabi 16:12 - BAIBLO ALOO NGMAMI KLƆUKLƆU Ɔ

¹² I biɔ Trifaina kɛ Trifosa nɛ a tsuɔ ní ha Nyɔmtsɛ ɔ. I biɔ Persi, ye huɛ nɛ i suɔ lɛ saminya a; lɛ hu e tsu ní wawɛɛ kɛ sɔmɔ Nyɔmtsɛ ɔ.

Somi He Ɔ

¹² Nyɛ nga Trifaina kɛ Trifosa nɛ bɔɔ mɔde ngɛ Nyɔmtsɛ ɔ mi ɔ. Nyɛ nga Persi, nɔ nɛ a suɔ nɛ e tsu ni fuu ngɛ Nyɔmtsɛ ɔ mi ɔ.

Romabi 16:12 ပူးပေါင်းရင်းမြစ်များ

Mateo 5:47

Nɛ ke nyɛ ngaa nyɛ huɛmɛ ɔmɛ kɛkɛ ɔ, mɛni tsɔ lɛ nyɛ ngɛ pee pe ni kpahi? Anɛ ma je li ɔmɛ tete pee we ja nɔuu lo?

Mateo 9:38

Lɔ ɔ he ɔ, nyɛ kpa ngmɔtsɛ ɔ pɛɛ, konɛ e wo apaatsɛmɛ blɔ kɛ ba bua ní nya.”

Romabi 16:11

I biɔ Herodion, ye nyɛmi Yuda no ɔ, kɛ nyɛmimɛ Kristo we bi nɛ je Narkiso weku ɔ mi ɔ.

Romabi 16:13

I biɔ Rufo, nɔ nɛ je e he si kaa Nyɔmtsɛ ɔ ní tsulɔ kpanaa a, kɛ e nyɛ ɔ nɛ ngɔ imi hu kaa e bi ɔ.

1 Korintobi 15:10

Se Mawu dloomi lɛ pee mi nɔ́ nɛ i ji mwɔnɛ nɛ ɔ, nɛ dloomi nɛ e dloo mi ɔ pee we yaka. Ee, i tsu ní wawɛɛ pe bɔfo kpa amɛ tsuo kulaa, se pi imi; Mawu dloomi ɔ mohu lɛ tsu ní ɔ.

1 Korintobi 15:58

Lɔ ɔ he ɔ, ye nyɛmimɛ nɛ i suɔ! Nyɛ fi si, nɛ nyɛɛ da si kpɛii. Ní tsumi nɛ nyɛ ngɛ tsue ha Nyɔmtsɛ ɔ, nyɛ tsu nɛ e ya nɔ saminya be tsuaa be. Ejakaa nyɛ nitsɛmɛ nyɛ le kaa dengme nɛ nyɛ ngɛ gboe ha Nyɔmtsɛ ɔ be yaka pee.

1 Korintobi 16:16

nyɛɛ ba nyɛ he si ha nihi kaa kikɛ nɛ ɔ, kɛ ni nɛmɛ tsuo nɛ i kɛ mɛ tsuɔ ní ɔ.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

1 Timoteo 4:10

Wa gboɔ dengme kɛ tsuɔ ní wawɛɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ. Lɛ ji nihi tsuo a yi wami helɔ, titli ɔ, ni nɛmɛ nɛ heɔ yeɔ ɔ.