Romabi 15:9 - BAIBLO ALOO NGMAMI KLƆUKLƆU Ɔ

⁹ E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Somi He Ɔ

⁹ konɛ majeli ɔmɛ a wo Mawu hɛ mi nyami ngɛ mɔbɔ nami he, kaa bɔ nɛ sa ngma a ke: “Enɛ ɔ he ɔ ma je o yi ngɛ majeli ɔmɛ a kpɛti, Nɛ ma wo o biɛ ta kɛ la.”

Romabi 15:9 ပူးပေါင်းရင်းမြစ်များ

Samuel II, 22:50

Yawɛ, enɛ ɔ he je ɔ, ma je o yi ngɛ je ma amɛ a kpɛti; ma la kɛ je o biɛ ɔ yi.

La 18:49

Enɛ ɔ he je ɔ, ma je o yi ngɛ je ma amɛ a hɛ mi; ma la kɛ je mo, Yawɛ o yi.

La 57:9

Nyɔmtsɛ, ma na mo si ngɛ je ma amɛ a hɛ mi. Ma la kɛ je o yi ngɛ je ma amɛ a hɛ mi.

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Romabi 11:30

Nyɛ ma je li, sa a, nyɛ bui Mawu, se jehanɛ lɛɛ Mawu na nyɛ mɔbɔ, ejakaa Yuda bi ɔmɛ hu ba gbo tue.

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.