Romabi 15:8 - BAIBLO ALOO NGMAMI KLƆUKLƆU Ɔ

⁸ Ejakaa i ngɛ nyɛ dee ke Kristo ba sɔmɔ Yuda bi ɔmɛ nɛ e kɛ tsɔɔ mɛ kaa Mawu yeɔ anɔkuale, nɛ e kɛ ma si nɛ Mawu wo a nɛmɛ ɔmɛ ɔ nɔ mi.

Somi He Ɔ

⁸ Se i ngɛ dee ke Yesu Kristo plɛ sɔmɔlɔ kɛ ha Yudafo ɔmɛ ngɛ Mawu anɔkuale ɔ he, konɛ e kɛ ma si nɛ a wo tsɛmɛ ɔmɛ ɔ a nɔ mi,

Romabi 15:8 ပူးပေါင်းရင်းမြစ်များ

Abɛ Womi 8:7

Nɔ́ tsuaa nɔ́ nɛ ma de nyɛ ɔ, anɔkuale sɔuu; i be nyɛ munyu kpa ko tue pe anɔkuale. Lakpa lɛɛ i hiee.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

Mateo 15:24

Yesu he nɔ ke, “Israel ma nɛ ngɛ kaa to nɛ laa a, mɛ pɛ a ngɔ nɛ a tsɔ mi.”

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Ni Tsumi 13:46

Se Paulo kɛ Barnaba tu munyu kɛ kã ke, “Nyɛ kekle e sa kaa a jajeɔ Mawu munyu ɔ ngɔ tsɔɔ. Se akɛnɛ nyɛ kua munyu ɔ, nɛ nyɛ bui nyɛ he kaa nyɛ sa neneene wami ɔ he je ɔ, wa dɔ wa yi kɛ yaa ma je li ɔmɛ a ngɔ.

Romabi 11:22

Enɛ ɔ tsɔɔ wɔ kaa Mawu mi mi hi, se e sane wa hulɔ. Nihi nɛ gbee si ɔ, e kɛ mɛ to ní; se nyɛɛ lɛɛ e mi mi jɔ ha nyɛ, nɛ e sa kaa nyɛɛ ya nɔ kikɛ nɛ ɔ. Ke pi jaa, a ma kplɔ nyɛ kɛ pue si ja nɔuu.

Romabi 11:30

Nyɛ ma je li, sa a, nyɛ bui Mawu, se jehanɛ lɛɛ Mawu na nyɛ mɔbɔ, ejakaa Yuda bi ɔmɛ hu ba gbo tue.

Romabi 15:16

i ba pee Kristo Yesu tsɔlɔ nɛ ma tsu ma je li ɔmɛ a he ní. Ma tsu ní kaa osɔfo kɛ fiɛ sane kpakpa a nɛ je Mawu ngɔ ɔ, konɛ Mumi Klɔuklɔu ɔ nɛ tsu ma je li ɔmɛ a he, nɛ a pee kaa bɔ nɛ a sã, nɛ maa sa Mawu hɛ mi.

Romabi 3:3

E ngɛ mi kaa ni komɛ he we yi lɛɛ, se anɛ lɔ ɔ tsɔɔ kaa Mawu be anɔkuale yee lo?

Romabi 4:16

Lɔ ɔ he ɔ, Abraham hemi kɛ yemi nɔ Mawu da kɛ wo si ɔ. Mawu pee enɛ ɔ, konɛ siwo ɔ nɛ ba pee dloomi nɔ́ ko nɛ a fi kɛ fɔ nɔ kpɛii kɛ ha Abraham nina tsuo. Pi kɛ ha nihi nɛ yeɔ mlaa a nɔ kɛkɛ, se mohu kɛ ha ni nɛmɛ nɛ mɛ hu a hɛɛ hemi kɛ yemi ɔ mi kpɛii kaa bɔ nɛ Abraham he ye ɔ, ejakaa Abraham ji wɔ tsuo wa tsɛ.

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 10:19

Lɛɛ kɛ i ngɛ tsɔɔe kɛɛ ɔ? Kaa amaga, loo niye ní nɛ a haa amaga a he hia lo?

1 Korintobi 10:29

Ee, nɔ ɔ he nile nɛ i ngɛ tsɔɔe ɔ nɛ; pi nyɛ nitsɛmɛ nyɛ he nile. Nɔ ko ma bi ke, “He blɔ nɛ i ngɛ kaa i peeɔ nɔ́ tsuaa nɔ́ nɛ i suɔ ɔ, mɛni he je nɔ kpa he nile maa tsɔɔ mi bɔ nɛ imi ma plɛ kɛ tsu jamɛ a he blɔ ɔ he ní ha?

1 Korintobi 15:50

Ye nyɛmimɛ, nɔ́ nɛ i ngɛ tsɔɔe ji kaa he lo kɛ muɔ nine be Mawu matsɛ yemi ɔ nɔ sue; nɔ́ nɛ puɛɔ nine be nɔ́ nɛ puɛ we nɔ sue.

2 Korintobi 1:20

Ejakaa níhi tsuo nɛ Mawu woɔ he si ɔ, e yeɔ nɔ kɛ guu Yesu Kristo nɔ. Enɛ ɔ he nɛ wa deɔ “Amen” ngɛ Yesu biɛ mi kɛ woɔ Mawu hɛ mi nyami ɔ nɛ.

Efesobi 2:12

Jamɛ a be ɔ, nyɛ li Kristo. Nihi nɛ Mawu hla a, nyɛ be a kpɛti; lɔ ɔ he ɔ, nibwɔhi ji nyɛ. Somi nɛ Mawu kɛ e ni ɔmɛ so, kɛ si nɛ e wo mɛ ɔ, nyɛ piɛ we he. Nyɛ hi si ngɛ je ɔ mi kɛkɛ, nɛ nyɛɛ kɛ nyɛ hɛ fɔ we nɔ́ ko nɔ; Mawu nitsɛ tete nyɛ li lɛ.