Romabi 15:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, nyɛ he nyɛ sibi atuu kaa bɔ nɛ Kristo hu he nyɛ atuu ɔ. Nyɛɛ pee enɛ ɔ, nɛ nyɛ kɛ wo Mawu hɛ mi nyami.

Somi He Ɔ

⁷ Lɔ ɔ he ɔ, nyɛ he nyɛ he kaa nyɛmimɛ, kaa bɔ nɛ Kristo he nyɛ kɛ ba Mawu hɛ mi nyami ɔ mi ɔ.

Romabi 15:7 ပူးပေါင်းရင်းမြစ်များ

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Marko 9:37

“Nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ; nɛ nɔ nɛ heɔ mi ɔ, pi imi kɛkɛ nɛ e he, se mohu nɔ nɛ tsɔ mi ɔ hulɔ.”

Luka 15:2

Farisi bi ɔmɛ, kɛ mlaa tsɔɔli ɔmɛ bɔni munyu huitihuiti tumi ke, “Nyumu nɛ ɔ kɛ yayami peeli bɔɔ, nɛ e kɛ mɛ yeɔ ní po.”

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Romabi 15:9

E pee ja, konɛ ma je li ɔmɛ tete nɛ a wo Mawu hɛ mi nyami, ejakaa e na mɛ hu mɔbɔ. Kaa bɔ nɛ ngmami ɔ deɔ ɔ, “Enɛ ɔ he ɔ, ma je o yi ngɛ ma je li ɔmɛ a kpɛti, Nɛ ma wo o biɛ ta kɛ la.”

Romabi 5:2

Si himi nɛ wa ngɛ mi amlɔ nɛ ɔ, Mawu dloomi nya nɛ wa na kɛ gu Yesu Kristo nɛ wa heɔ yeɔ ɔ nɔ. Lɔ ɔ he ɔ, wa fĩaa, ejakaa wa nine maa su Mawu hɛ mi nyami ɔ nɔ.

Efesobi 1:12

Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

Efesobi 1:18

I kpaa Mawu pɛɛ nɛ e bli nyɛ mumi mi hɛngmɛ. Kɛkɛ ɔ, níhi nɛ Mawu wo si kaa e ma ha nyɛ benɛ e tsɛ nyɛ, nɛ nyɛ ngɔ nyɛ hɛ ngɔ fɔ nɔ ɔ, nyɛ maa na. Nyɛ maa le hu kaa níhi nɛ Mawu wo si kaa e ma ha e ni klɔuklɔu ɔmɛ ɔ, a hɛ mi ngɛ nyami babauu.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.