Romabi 15:5 - BAIBLO ALOO NGMAMI KLƆUKLƆU Ɔ

⁵ Mawu ɔ nɛ haa nɔ toɔ e tsui si, nɛ e woɔ nɔ he wami nɛ ha nɛ nyɛ wo Kristo Yesu nane, nɛ nyɛɛ kɛ nyɛ sibi nɛ hi si saminya.

Somi He Ɔ

⁵ Se tsui si tomi kɛ bua jɔmi Mawu ɔ, e ha nɛ nyɛ na juɛmi kake ngɛ nyɛ kpɛti kaa Kristo Yesu;

Romabi 15:5 ပူးပေါင်းရင်းမြစ်များ

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Mose II, 34:6

Lɔ ɔ se ɔ, Yawɛ ba be ngɛ Mose hɛ mi, nɛ e de kɛ gbi wawɛɛ ke, “Imi Yawɛ ɔ, Mawu mɔbɔ nalɔ, kɛ dloolɔ ji mi; ye mi mi fu we mla, nɛ ye suɔmi kɛ anɔkuale yemi hiɛ babauu.

Yeremia 32:39

Ma ha nɛ mɛ tsuo a maa pee a yi mi kake, nɛ a maa wo ye hɛ mi nyami daa. Ke a pee ja a, e maa hi ha mɛ nitsɛmɛ kɛ a nina.

Ezekiel 11:19

Ma ha mɛ tsui he, kɛ juɛmi he. Ma je tsui nɛ wa kaa tɛ ɔ kɛ je a mi, nɛ ma ha mɛ tsui nɛ he jɔ, tsui nɛ buɔ tue;

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

Romabi 15:3

Ejakaa Kristo hu pee we lɛ nitsɛ e suɔmi nya ní; se mohu ngmami ɔ ke, “Níhi nɛ a de kɛ bɔ mo ahlua a, imi mohu ye hɛ mi si a pue.”

1 Korintobi 1:10

Nyɛmimɛ, i ngɛ nyɛ pɛɛ kpae ngɛ Nyɔmtsɛ Yesu Kristo biɛ mi kaa nyɛ tsuo nyɛ nya nɛ pee kake, nɛ mi gbami kó ba nyɛ kpɛti. Nyɛ yi mi, kɛ nyɛ juɛmi nɛ pee kake.

2 Korintobi 13:11

Nyagbe ɔ, ye nyɛmimɛ, i biɔ nyɛ! Nyɛɛ ba nyɛ je mi saminya; nyɛɛ bu ye ga womi ɔ tue; nyɛ juɛmi nɛ pee kake, nɛ nyɛɛ hi si ngɛ he jɔmi mi. Nɛ Mawu nɛ suɔ wɔ, nɛ haa wɔ tue mi jɔmi ɔ kɛ nyɛ maa hi si.

2 Korintobi 7:6

Se benɛ Tito ba a, Mawu, nɔ nɛ woɔ nihi nɛ a nine mi jɔ̃ he wami ɔ ha nɛ wa nɔ gbagba te.

Efesobi 5:2

Nyɛ je nyɛ suɔmi kpo ngɔ tsɔɔ nyɛ sibi ngɛ nyɛ ní peemi mi kaa bɔ nɛ Kristo suɔ wɔ nɛ e ba gbo ngɛ wa he ɔ. Ee, Kristo ngɔ e he ngɔ ha kaa nike ní nɛ a kɛ sã bɔ, nɛ he via, nɛ sa Mawu hɛ mi.

Filipibi 1:27

Lɔ ɔ he ɔ, nɔ́ nɛ hia pe kulaa ji, nyɛɛ ba nyɛ je mi kaa bɔ nɛ sane kpakpa a nɛ kɔɔ Kristo he ɔ tsɔɔ ɔ, konɛ i nyɛ ba na nyɛ jio, i bɛ́ jio, ma nu nyɛ he kaa nyɛ tsuo nyɛɛ kɛ juɛmi kake hɛɛ hemi kɛ yemi ɔ mi kpɛii kɛ ngɛ sane kpakpa a he plee.

Filipibi 2:2

Enɛ ɔ he je ɔ, nyɛ tsuo nyɛɛ pee nyɛ yi mi kake; nyɛɛ suɔ nyɛ sibi, nɛ nyɛ we oti, kɛ juɛmi hu nɛ pee kake. Kɛkɛ ɔ, imi hu ma na bua jɔmi babauu.

Filipibi 3:16

Se bɔ tsuaa bɔ nɛ pee ɔ, blɔ nya tomi nɛ wa ye nɔ hluu kɛ ba si amlɔ nɛ ɔ, nyɛ ha waa hɛɛ mi nɛ wa ja nɔuu.

Filipibi 4:2

I ngɛ nyɛmiyo Evodia, kɛ nyɛmiyo Sintika pɛɛ kpae kaa a pee kake ngɛ Nyɔmtsɛ ɔ he.

1 Petro 3:20

Nihi nɛ bui Mawu tue be mi nɛ Noa ngɛ e lɛ ɔ kpɛe ɔ a mumihi ji lɔ ɔmɛ nɛ. Jamɛ a be ɔ, Mawu to e tsui si wawɛɛ ha mɛ, bɔ nɛ pee nɛ a tsake a tsui. Nihi bɔɔ nɛ ngɛ lɛ ɔ mi ɔ, mɛɛ lɛɛ Mawu ha we nɛ nyu kpekpemi ɔ nɛ gbe mɛ. A hiɛmi ji kpaanyɔ.

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nɛ nyɛɛ na ha nyɛ sibi. Nyɛɛ suɔ nyɛ he kaa nyɛmimɛ. Nyɛɛ na nyɛ sibi mɔbɔ, nɛ nyɛɛ ba nyɛ he si.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

2 Petro 3:9

Nɔ́ nɛ Nyɔmtsɛ ɔ wo si ke e maa pee ɔ, pi tsle nɛ e ngɛ toe ngɛ he kaa bɔ nɛ ni komɛ ngɛ susue ɔ; e tsui si kɛkɛ lɛ e ngɛ toe ha nyɛ. Ejakaa e sume nɛ nɔ ko nɔ ko hɛ mi nɛ kpata, se mohu nɔ tsuaa nɔ nɛ tsake e tsui.