Romabi 15:31 - BAIBLO ALOO NGMAMI KLƆUKLƆU Ɔ

³¹ Nyɛɛ sɔle konɛ nihi nɛ ngɛ Yudea nɛ he we Mawu yi ɔ nɛ a ko doo ye nya, nɛ jehanɛ hu, ní nɛ i yaa tsu ngɛ Yerusalem ɔ nɛ sa ni klɔuklɔu ɔmɛ a hɛ mi.

Somi He Ɔ

³¹ konɛ a je mi kɛ je tue gboli nɛ ngɛ Yudea amɛ a dɛ mi, konɛ sɔmɔmi nɛ i yaa sɔmɔ ngɛ Yerusalem ɔ, e sa ni klɔuklɔu ɔmɛ a hɛ mi saminya,

Romabi 15:31 ပူးပေါင်းရင်းမြစ်များ

2 Tesalonikabi 3:2

Nyɛɛ sɔle, konɛ Mawu nɛ je wɔ kɛ je yiwutsotsɛmɛ, kɛ nimli yayamihi a dɛ mi; ejakaa pi nɔ tsuaa nɔ nɛ heɔ yeɔ.

2 Korintobi 8:4

A kɛ hɛdɔ babauu kpa wɔ pɛɛ ke wa ha nɛ mɛ hu a pee a blɔ nya kɛ ye bua ni klɔuklɔu ɔmɛ ngɛ sɔmɔmi ní tsumi nɛ ɔ mi.

2 Korintobi 9:1

E he hia we kaa ma hi nyɛ womi ngmae kpamisa ngɛ yemi kɛ buami nɛ wa ngɛ ni klɔuklɔu ɔmɛ hae ɔ he.

Romabi 15:25

Amlɔ nɛ ɔ lɛɛ i pue nɔ kɛ yaa Yerusalem nɛ ma ngɔ nike ní kɛ ya ha ni klɔuklɔu ɔmɛ nɛ ngɛ lejɛ ɔ.

2 Timoteo 4:17

Se Nyɔmtsɛ ɔ piɛ ye he, nɛ e wo mi he wami, nɛ i nyɛ fiɛ sane kpakpa a kɛ ha ma je li ɔmɛ tsuo. Bɔ nɛ Mawu je mi kɛ je gbenɔ nya mi ji nɛ ɔ nɛ. Ee, e je mi kɛ je gbenɔ mi.

2 Timoteo 3:11

O le bɔ nɛ a wa mi yi mi, kɛ bɔ nɛ i na nɔ́. O le níhi nɛ ba ye nɔ ngɛ Antiokia, Ikonium, kɛ Listra; o le bɔ nɛ a tua mi wawɛɛ ngɛ lejɛ ɔmɛ; se Nyɔmtsɛ ɔ je mi kɛ je ní ɔmɛ tsuo a mi.

1 Tesalonikabi 2:15

Nimli nɛ ɔmɛ nɛ a gbe Nyɔmtsɛ Yesu, kɛ gbali ɔmɛ. Mɛ lɛ a wa wɔ yi mi. Mawu na we a he bua jɔmi; a te si wo nɔ tsuaa nɔ!

Ni Tsumi 25:24

Kɛkɛ nɛ Festo de ke, “Matsɛ Agripa, kɛ nyɛ nihi tsuo nɛ nyɛɛ kɛ wɔ ngɛ hiɛ ɔ, nyɛ ngɛ nyumu nɛ ɔ hyɛe. Yuda bi tsuo nɛ ngɛ Yerusalem, kɛ hiɛmɛ nɛ ɔ hulɔ ɔ ba po e nya wawɛɛ. A kpa ngmlaa wo mi ke e sɛ kaa e hii je mi hu.

Ni Tsumi 25:2

Kɛkɛ nɛ osɔfo nikɔtɔma amɛ, kɛ Yuda ma nimeli ɔmɛ ba po Paulo nya ha lɛ. A kpa Festo pɛɛ

Ni Tsumi 22:24

Kɛkɛ nɛ Roma asafoatsɛngua a fa e we bi ɔmɛ ke a kɛ Paulo nɛ ya mɔ ɔ mi. E de kɛ piɛ he hu ke a fia lɛ kpa kɛ hla e yi mi, konɛ a le nɔ́ he je nɛ a ngɛ ngmlaa kpae kɛ ngɛ lɛ woe kikɛ nɛ ɔ.

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Ni Tsumi 9:15

Nyɔmtsɛ ɔ de lɛ ke, “Yaa, ejakaa nɔ nɛ ɔ, imi nɛ i hla lɛ nɛ e sɔmɔ mi, nɛ e ya fiɛ ye he sane ha ma je li, matsɛmɛ, kɛ Israel ma a tsuo.

1 Korintobi 16:15

Tse nyɛ le Stefana, kɛ e we mi bi ɔmɛ. Mɛ ji kekleekle nihi nɛ tsake pee Kristo se nyɛɛli ngɛ Akaya, nɛ a ngɔ a he ngɔ ha kaa a ma sɔmɔ ni klɔuklɔu ɔmɛ. Ye nyɛmimɛ, i kpa nyɛ pɛɛ,

2 Korintobi 1:10

Mawu nɛ́ je wɔ kɛ je gbenɔ muɔ nya kaa kikɛ nɛ ɔ ngɛ wɔ jee kɛ mwɔɔ; nɛ e ma je wɔ ekohu. Wa ngɔ wa hɛ kɛ fɔ e nɔ kaa e maa kpale je wɔ kulaa.

2 Korintobi 9:13

Kikɛmɛ a ní tsumi nɛ nyɛ ngɛ tsue nɛ ɔ maa tsɔɔ kaa Kristo sɔmɔli ji nyɛ niinɛ. Nɛ nyɛ nyɛmimɛ ɔmɛ nɛ heɔ yeɔ ɔ ma je Mawu yi ngɛ Kristo sane kpakpa a fiɛmi, kɛ tue bumi he. A ma je Mawu yi hulɔ ngɛ nike níhi nɛ nyɛ je nyɛ tsui mi faa ha a kɛ ni kpahi tsuo ɔ he.