Romabi 15:30 - BAIBLO ALOO NGMAMI KLƆUKLƆU Ɔ

³⁰ Ye nyɛmimɛ, i ngɔ Nyɔmtsɛ Yesu Kristo, kɛ suɔmi nɛ Mumi Klɔuklɔu ɔ haa nɔ ɔ kɛ ngɛ nyɛ pɛɛ kpae nɛ nyɛɛ piɛ ye he kɛ sɔle wawɛɛ nɛ Mawu nɛ ye bua mi.

Somi He Ɔ

³⁰ Se i kpa nyɛ pɛɛ, mamimɛ, ngɛ wa Nyɔmtsɛ Yesu Kristo he kɛ Mumi ɔ suɔmi he, kaa nyɛɛ piɛ ye he kɛ plee ngɛ nyɛ sɔlemihi nɛ nyɛ sɔlee ngɔ haa mi ngɛ Mawu hɛ ni ɔ mi,

Romabi 15:30 ပူးပေါင်းရင်းမြစ်များ

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

2 Korintobi 1:11

Nyɛ hu nyɛɛ piɛ wa he kɛ kpa pɛɛ, konɛ nihi babauu nɛ na Mawu si ha wɔ kaa nihi babauu a pɛɛ kpami nya a, wa na dloomi nike níhi.

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

2 Korintobi 4:11

Wa wami be ɔ tsuo ɔ, Yesu he ɔ, nihi ngɛ wɔ dae nɛ a gbe wɔ, bɔ nɛ pee nɛ a na Kristo wami ɔ ngɛ wa he lo nɛ ma gbo nɛ ɔ mi.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Galatabi 5:22

Se Mawu mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

Efesobi 6:19

Nyɛɛ sɔle ha imi hulɔ, konɛ be tsuaa be nɛ ma tu munyu ɔ, Mawu nɛ ha mi e sɛ gbi, nɛ e ha mi kã nɛ ma kɛ fiɛ sane kpakpa a mi laami sane ɔ.

Filipibi 2:1

Nɛ nyɛ ngɔ nyɛ he ngɔ ha Kristo ɔ, e woɔ nyɛ he wami, nɛ e suɔmi ɔ haa nyɛ bua jɔmi. Nyɛɛ kɛ mumi ɔ ngɛ bɔe, nɛ lɔ ɔ he ɔ, nyɛ nuɔ nɔ́ he ha nyɛ sibi, nɛ nyɛ naa mɛ mɔbɔ.

Kolosebi 1:8

Suɔmi nɛ mumi ɔ ha nyɛ ɔ, Epafra ba bɔ wɔ he sane.

Kolosebi 2:1

Dengme babauu nɛ i gbo ngɛ nyɛɛ kɛ nihi nɛ ngɛ Laodikea, kɛ jehanɛ ni nɛmɛ nɛ li mi hɛ mi kɛ hɛ mi po ɔ tsuo nyɛ he ɔ, i suɔ kaa nyɛɛ le.

Kolosebi 4:12

Epafra, nyɛ kpɛti no kpa nɛ lɛ hu e tsuɔ ní ha Kristo Yesu ɔ ke e biɔ nyɛ. Daa nɛ ɔ, e ngɛ sɔlee ha nyɛ kɛ e tsui tsuo. E ngɛ e he gbee kaa Mawu nɛ ha nɛ nyɛɛ hɛɛ hemi kɛ yemi ɔ mi wawɛɛ kaa Kristo se nyɛɛli kpakpahi, nihi nɛ heɔ Yesu yeɔ kɛ a tsui tsuo, nɛ a peeɔ Mawu suɔmi nya ní sisiisi.

1 Tesalonikabi 5:25

Ye nyɛmimɛ nɛ i suɔ, nyɛɛ sɔle ha wɔ.

2 Tesalonikabi 3:1

Nyagbe ɔ, nyɛmimɛ, nyɛɛ sɔle ha wɔ, konɛ Nyɔmtsɛ ɔ munyu ɔ nɛ ya nɔ nɛ e gbɛ fĩa, nɛ a he lɛ kɛ manye ngɛ he tsuaa he kaa bɔ nɛ nyɛ hu nyɛ pee ɔ.

2 Timoteo 4:1

I ngɛ Mawu, kɛ Kristo Yesu odase tsɛe kɛ ngɛ mo ga woe. Kristo ma ba ye matsɛ; e ma ba kojo nihi nɛ a hɛ ngɛ, kɛ ni nɛmɛ nɛ gbo ɔ tsuo.