Romabi 15:29 - BAIBLO ALOO NGMAMI KLƆUKLƆU Ɔ

²⁹ I le kaa ke i ba nyɛ ngɔ ɔ, Kristo maa gbaa nyɛ babauu.

Somi He Ɔ

²⁹ I le kaa ke i ba nyɛ ngɔ ɔ, Kristo gbaami hiɛmi ɔ mi ma ba ngɛ.

Romabi 15:29 ပူးပေါင်းရင်းမြစ်များ

Efesobi 4:13

Wɔ tsuo wa ma ba hɛɛ hemi kɛ yemi kake ɔ mi, nɛ wa maa le Mawu Bi ɔ saminya. Wa maa wa ngɛ mumi mi hluu kɛ yaa si wa maa pee kaa Kristo ɔ nitsɛ.

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

Efesobi 3:19

Ee, nyɛ ma ba yɔse Kristo suɔmi nɛ nɔmlɔ adesa juɛmi sui he ɔ, nɛ nyɛ su maa hi kaa Mawu nitsɛ su.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Ezekiel 34:26

“Ma gbaa mɛ; nɛ ma ha a maa hi ye yo klɔuklɔu ɔ he tsuo kɛ kpe. Ma ha hiɔmi maa nɛ bɔ nɛ sa ngɛ e be mi ha mɛ. Ma gbaa mɛ kɛ hiɔmi babauu.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Romabi 15:23

Se amlɔ nɛ ɔ nɛ i be nɔ́ ko peemi ngɛ hiɛ ɔ ni ɔmɛ a mi hu nɛ ɔ, ma ba su nyɛ ngɔ kaa bɔ nɛ i hla nɛ ma pee be babauu ji nɛ ɔ.

Romabi 15:32

Kɛkɛ ɔ, ke Mawu suɔ ɔ, i kɛ bua jɔmi maa ba nyɛ ngɔ nɛ ma ba jɔɔ ye he bɔɔ.

2 Korintobi 1:15

Kikɛmɛ a ní nɛ ɔmɛ nɛ i le saminya a a he je nɛ i to ye yi mi kekle ɔ kaa ma ba slaa nyɛ, konɛ nyɛ na gbaami ɔ si enyɔ.