Romabi 15:26 - BAIBLO ALOO NGMAMI KLƆUKLƆU Ɔ

²⁶ Ejakaa nyɛmimɛ ɔmɛ nɛ ngɛ Makedonia, kɛ Akaya a kɛ bua jɔmi bua nɔ́ ko nya nɛ a kɛ ya ye bua ohiatsɛmɛ nɛ ngɛ ni klɔuklɔu ɔmɛ a kpɛti ngɛ Yerusalem ɔ.

Somi He Ɔ

²⁶ Ejakaa Makedonia kɛ Akaia tsuo kɛ tsui mi jɔmi tsu onia ko kɛ yaa ha klɔuklɔu bihi nɛ ngɛ Yerusalem ɔ a kpɛti ohiafo ɔmɛ.

Romabi 15:26 ပူးပေါင်းရင်းမြစ်များ

Abɛ Womi 14:21

Nɔ nɛ gbeɔ e nyɛmi he guɛ ɔ, yayami e ngɛ pee ɔ nɛ. Se nɔ nɛ naa ohiatsɛ mɔbɔ ɔ, a gbaa lɛ.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

Zakaria 11:11

A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Mateo 25:40

Matsɛ ɔ ma he nɔ ke, ‘Niinɛ, i ngɛ nyɛ dee ke, be abɔ nɛ nyɛ pee ngɔ ha ye nyɛmimɛ nɛ ɔmɛ a ti nɔ nyafii pe kulaa a, imi nyɛ pee ngɔ ha a nɛ!’

Mateo 26:11

Ejakaa nyɛɛ kɛ ohiatsɛmɛ ɔmɛ maa hi si daa; se imi lɛɛ pi daa nɛ i kɛ nyɛ maa hi si.

Luka 14:13

Ke o ngmɛ okplɔɔ ɔ, tsɛ ohiatsɛmɛ, glɔtsɛmɛ, pɔ̃tsɛmɛ, kɛ hɛ yuyuili mohu;

Luka 6:20

Yesu plɛ e hɛ mi ngɔ kpee e kaseli ɔmɛ, nɛ e de mɛ ke, “A gbaa nyɛ, ohiatsɛmɛ, ejakaa nyɛ nɔ́ ji Mawu matsɛ yemi ɔ nɛ!

Ni Tsumi 16:12

Benɛ wa je lejɛ ɔ, wa tsa nɔ kɛ ya su Filipi, Makedonia zugba a nɔ ma nguaa ko nɛ ji Roma bi a nɔ yemi he. Wa hi ma nɛ ɔ mi be saii.

Ni Tsumi 16:9

Jamɛ a nyɔ ɔ mi nɔuu ɔ, a je nina ko kɛ tsɔɔ Paulo. E na Makedonia no ko nɛ daa si ngɛ lɛ pɛɛ kpae ke, “Ba Makedonia nɛ o ba ye bua wɔ!”

Ni Tsumi 18:12

Benɛ Roma nɔ yemi ɔ wo Galio amlaalo ngɛ Akaya a, Yuda bi ɔmɛ pee a nya kake nɛ a te si wo Paulo, nɛ a nu lɛ kɛ ho kojomi he ɔ ya.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

1 Korintobi 16:15

Tse nyɛ le Stefana, kɛ e we mi bi ɔmɛ. Mɛ ji kekleekle nihi nɛ tsake pee Kristo se nyɛɛli ngɛ Akaya, nɛ a ngɔ a he ngɔ ha kaa a ma sɔmɔ ni klɔuklɔu ɔmɛ. Ye nyɛmimɛ, i kpa nyɛ pɛɛ,

1 Korintobi 16:5

Ma ya gu Makedonia loko ma ba nyɛ ngɔ, ejakaa i to ye yi mi kaa ma ya gu lejɛ ɔ.

2 Korintobi 1:16

Ejakaa i to kaa ke i yaa Makedonia a, ma ba gu nyɛ ngɔ, nɛ ke i kpale ye se kɛ ma hu ma ba gu nyɛ ngɔ, konɛ nyɛɛ wo mi blɔ kɛ ya Yudea.

2 Korintobi 11:9

Benɛ i kɛ nyɛ ngɛ, nɛ e fi mi tete ɔ, i hɛwi nyɛ ti nɔ ko nɔ ko; nyɛmimɛ nɛ je Makedonia kɛ ba a ba ha mi nɔ́ tsuaa nɔ́ nɛ hia mi. I pee we tlomi ngɛ nyɛ kuɛ nɔ. Nɛ kɛ je mwɔnɛ ɔ kɛ yaa a hu i hyɛ we nyɛ yemi kɛ buami ko blɔ.

2 Korintobi 2:13

Se i hao, ejakaa i nɛ wa nyɛmi Tito. Lɔ ɔ he ɔ, i kɛ mɛ ye sɛ, nɛ i pue nɔ kɛ ho Makedonia ya.

2 Korintobi 7:5

Benɛ wa ba su Makedonia tete po wa nɔmlɔ tso ɔ na we he jɔmi kulaa; he tsuaa he ɔ, haomi sɔuu. Be mi nɛ ni kpahi kɛ wɔ ngɛ pɛ nɔ daa nɛ ɔ, wɔ nitsɛmɛ hu gbeye sɔuu wa ngɛ yee.

2 Korintobi 9:12

Ejakaa ní tsumi nɛ nyɛ ngɛ tsue ɔ, pi kaa wa nyɛmimɛ ɔmɛ nɛ heɔ yeɔ ɔ a hiami níhi kɛkɛ nɛ nyɛ ngɛ pee ha mɛ. Nihi babauu hu ngɛ Mawu si nae kɛ gu sɔlemi mi.

2 Korintobi 9:2

I le mɔde nɛ nyɛ ngɛ bɔe ɔ, nɛ i fĩa fɔ nyɛ nɔ ngɛ enɛ ɔ he ha Makedonia bi ɔmɛ. I de mɛ ke, “Nyɛmimɛ ɔmɛ nɛ ngɛ Akaya a dla a he ngɔ to jeha lokoo ji nɛ kaa a maa ye bua nyɛ.” Niinɛ, nyɛ mɔde bɔmi ɔ wo a ti nihi fuu kã.

2 Korintobi 9:4

Se ke i kɛ nyɛmimɛ ɔmɛ nɛ je Makedonia a ekomɛ ba nyɛ ngɔ ɔ, i be suɔe nɛ a ba na kaa mamoo nyɛ dla we nyɛ he saasaa. Ke e ba mi jã a, waa kɛ nyɛ tsuo wa hɛ mi ma pue si kaa wa fĩa fɔ nyɛ nɔ kikɛ nɛ ɔ.

Filipibi 4:15

Nyɛ Filipi bi, nyɛ nitsɛmɛ nyɛ le kaa sisije ɔ, benɛ a bɔni sane kpakpa fiɛmi, nɛ i pue nɔ kɛ je Makedonia a, asafo ko asafo ko kɛ mi bɔɛ huɛ ngɛ nɔ́ hami kɛ hemi mi, ja nyɛ pɛ ji asafo nɛ ye bua mi.

1 Tesalonikabi 1:7

Enɛ ɔ he je ɔ, nyɛ ba pee nɔ hyɛmi nɔ́ ha nihi nɛ he ye ngɛ Makedonia kɛ Akaya tsuo.

1 Tesalonikabi 1:8

Pi Makedonia kɛ Akaya kɛkɛ nɛ Nyɔmtsɛ ɔ sɛ gbi ɔ nɛ nyɛ fiɛ ɔ gbɛ fĩa a, se he tsuaa he ɔ, a nu nyɛ hemi kɛ yemi nɛ nyɛ ngɛ ngɛ Mawu mi ɔ hu he. Enɛ ɔ he je ɔ, e hia we kaa wɔɔ wa deɔ nɔ́ ko hu.

1 Tesalonikabi 4:10

nɛ niinɛ ɔ, nyɛ suɔ nyɛmimɛ ɔmɛ tsuo pɛpɛɛpɛ nɛ ngɛ Makedonia a saminya. Se wa kpa nyɛ pɛɛ nyɛmimɛ, nyɛɛ ya nɔ nɛ nyɛɛ pee pe ja po.

1 Timoteo 1:3

O ma kai kaa benɛ i je Efeso kɛ yaa Makedonia a, i wo mo ga kaa o hi si ngɛ Efeso. Ni komɛ ngɛ lejɛ ɔ nɛ a ngɛ lakpa tsɔɔmi tsɔɔe. Lɔ ɔ he ɔ, ma suɔ nɛ o hi Efeso, nɛ o bɔ mɛ kɔkɔ nɛ a kpa.

Filemon 1:5

Ejakaa suɔmi nɛ o jeɔ kpo kɛ tsɔɔ Mawu bimɛ ɔmɛ tsuo, kɛ hemi kɛ yemi nɛ o ngɛ ngɛ Nyɔmtsɛ Yesu Kristo mi ɔ, i nu he.