Romabi 15:25 - BAIBLO ALOO NGMAMI KLƆUKLƆU Ɔ

²⁵ Amlɔ nɛ ɔ lɛɛ i pue nɔ kɛ yaa Yerusalem nɛ ma ngɔ nike ní kɛ ya ha ni klɔuklɔu ɔmɛ nɛ ngɛ lejɛ ɔ.

Somi He Ɔ

²⁵ Se jeha nɛ ɔ, i hia blɔ kɛ yaa Yerusalem, nɛ ma ya sɔmɔ klɔuklɔu bi ɔmɛ lolo.

Romabi 15:25 ပူးပေါင်းရင်းမြစ်များ

Ni Tsumi 24:17

“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.

Ni Tsumi 19:21

Ní nɛ ɔmɛ a se ɔ, Mumi Klɔuklɔu ɔ ha Paulo to e yi mi kaa e ma ya gu Makedonia, kɛ Akaya kɛ ya su Yerusalem. E de ke, “Ke i su lejɛ ɔ, ma ya slaa Roma hulɔ.”

Ni Tsumi 20:22

Jehanɛ, kaa bɔ nɛ Mumi Klɔuklɔu ɔ de mi ke ma pee ɔ, i yaa Yerusalem, nɛ i li nɔ́ nɛ ma ya ba ye nɔ ngɛ lejɛ ɔ.

Ni Tsumi 20:16

Paulo pee e yi mi kaa e maa tsɔ Efeso he, konɛ e ko ya Asia. E ngɛ esɔ yee, konɛ ke e ma nyɛ ɔ, e ya ye Pentekoste ligbi ɔ ngɛ Yerusalem.

Ni Tsumi 18:21

Benɛ a ngɛ sɛ yee ɔ, e de mɛ ke, “Ke Mawu suɔ ɔ, ma kpale kɛ ba nyɛ ngɔ ekohu.” Kɛkɛ nɛ e wó lɛ, nɛ e je Efeso.

Galatabi 2:10

Nɔ́ kake nɛ a kai wɔ wawɛɛ ngɛ he ji kaa wa hɛ ko je ohiatsɛmɛ ɔmɛ a nɔ; nɛ enɛ ɔ hu ji nɔ́ ko nɛ ngɛ ye tsui nɔ kaa ma pee.

Ni Tsumi 9:13

Se Anania he nɔ ke, “Nyɔmtsɛ, nihi fuu tu kikɛmɛ a nyumu nɛ ɔ he munyu yaya. A tsɔɔ kaa Mawu bimɛ ɔmɛ nɛ ngɛ Yerusalem ɔ, e ha nɛ a na amanehlu babauu nitsɛnitsɛ.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

2 Korintobi 8:4

A kɛ hɛdɔ babauu kpa wɔ pɛɛ ke wa ha nɛ mɛ hu a pee a blɔ nya kɛ ye bua ni klɔuklɔu ɔmɛ ngɛ sɔmɔmi ní tsumi nɛ ɔ mi.

2 Korintobi 8:6

Lɔ ɔ he ɔ, wa kpa Tito pɛɛ kaa tsui mi faa ní tsumi nɛ ɔ nɛ e je sisi momo ngɛ nyɛ kpɛti ɔ, e tsa nɔ kɛ yaa si e maa gbe nya.

Hebribi 6:10

Mawu yi tue gbogboe sane. Ní nɛ nyɛ tsu, kɛ suɔmi nɛ nyɛ je kpo ha lɛ ɔ, e hɛ be nɔ jee gblegbleegble. Nyɛ pee enɛ ɔ kɛ sɔmɔ ní klɔuklɔu ɔmɛ, nɛ nyɛ ngɛ pee kɛ mwɔɔ.

1 Korintobi 16:4

Nɛ ke e hia kaa imi hu ma ya a, i kɛ mɛ maa ya.