Romabi 15:2 - BAIBLO ALOO NGMAMI KLƆUKLƆU Ɔ

² Mohu ɔ, wa ti nɔ tsuaa nɔ nɛ pee nɔ́ nɛ hi nɛ maa sa e nyɛmi hɛ mi, konɛ e nyɛmi ɔ nɛ na hemi kɛ yemi nɛ pi si.

Somi He Ɔ

² Wa ti nɔ tsuaa nɔ nɛ sa e nyɛmi hɛ mi, konɛ e hi ha lɛ nɛ e nane nɛ nu si.

Romabi 15:2 ပူးပေါင်းရင်းမြစ်များ

1 Korintobi 10:24

Nɔ ko nɔ ko nɛ kó hla kaa e hi ha lɛ nɔ kake too; nɔ tsuaa nɔ nɛ susu e nyɛmi hu he.

Romabi 14:19

Lɔ ɔ he ɔ, nyɛ ha waa di níhi nɛ kɛ he jɔɔmi baa, nɛ waa kɛ maa wo wa sibi he wami ɔ a se daa.

1 Korintobi 10:33

Nyɛ wo ye nane. Nɔ́ tsuaa nɔ́ mi ɔ, i bɔɔ mɔde kaa ma sa nihi tsuo a hɛ mi. I susuu we imi nɔ kake too ye he, se mohu i hlaa kaa e hi ha nɔ tsuaa nɔ, konɛ a he a yi wami.

1 Korintobi 13:5

Suɔmi pee we níhi nɛ sɛ́; e fo we lɛ nɔ kake too e nɔ́ mi; e mi mi wui la, nɛ e kɛ nɔ ko tɔmi wui e mi.

1 Korintobi 10:23

Nyɛ deɔ ke, “Wa ngɛ he blɔ kaa wa peeɔ nɔ́ tsuaa nɔ́.” Saminya! Se pi nɔ́ tsuaa nɔ́ nɛ he ngɛ se nami. “Wa ngɛ he blɔ kaa wa peeɔ nɔ́ tsuaa nɔ́.” Niinɛ! Se pi nɔ́ tsuaa nɔ́ peemi nɛ ma ha Kristo asafo ɔ maa ya nɔ.

1 Korintobi 14:3

Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

1 Korintobi 14:26

Ye nyɛmimɛ, nɔ́ nɛ i ngɛ tsɔɔe ɔ ji, ke nyɛ nya ba bua kɛ ha Mawu jami ɔ, nyɛ ti nɔ kake nɛ je la, nɔ ko nɛ tsɔɔ ní, nɛ nɔ ko hu nɛ ha sɛ gbi nɛ je Mawu ngɔ. Nɔ kpa nɛ tu gbi slɔɔtohi, konɛ nɔ kpa ko hu nɛ tsɔɔ sisi. Nyɛɛ pee níhi tsuo ngɛ a blɔ nɔ kɛ ha asafo ɔ nɔ yami.

2 Korintobi 12:19

Nyɛ ko susu kaa pe wa ngɛ mɔde bɔe nɛ wa fa wa he ngɛ nyɛ hɛ mi kɛkɛ. Mawu ji wa we odase kaa wa ngɛ anɔkuale tue kaa Kristo tsɔli. Nyɛmimɛ nɛ wa suɔ! Nɔ́ tsuaa nɔ́ nɛ wa ngɛ pee ɔ, wa ngɛ pee nɛ wa kɛ ye bua nyɛ.

2 Korintobi 13:9

Ke wa gbɔjɔ, nɛ nyɛɛ lɛɛ nyɛ ngɛ he wami ɔ, wa naa bua jɔmi. Enɛ ɔ he je nɛ wa ngɛ Mawu pɛɛ kpae ha nyɛ ɔ nɛ, konɛ nyɛɛ ya nɔ nɛ nyɛɛ hi kɛ pi si.

Efesobi 4:12

E pee enɛ ɔ, nɛ e kɛ dla ni klɔuklɔu ɔmɛ kɛ ngɔ ha sɔmɔmi ní tsumi ɔ, bɔ nɛ pee nɛ asafo ɔ nɛ ngɛ kaa Kristo nɔmlɔ tso ɔ nɛ ya nɔ.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.