Romabi 15:18 - BAIBLO ALOO NGMAMI KLƆUKLƆU Ɔ

¹⁸ Ejakaa i be nɔ́ kpa ko he munyu nyɛe ma tu pe kaa Kristo gu ye munyu tumi, kɛ ní tsumi nɔ nɛ e ha ma je li ɔmɛ ba le Mawu.

Somi He Ɔ

¹⁸ Ejakaa i be kae kaa ma de nɔ́ ko kaa ja nɔ́ nɛ Kristo gu ye nɔ tsu ngɔ ha majeli ɔmɛ a tue bumi, ngɛ munyu kɛ ni peemi nihi a mi,

Romabi 15:18 ပူးပေါင်းရင်းမြစ်များ

Abɛ Womi 25:14

Nɔ nɛ fĩaa ke e maa ke nɔ nɔ́, se e yi nɔ gblee ɔ, e ngɛ kaa bɔku kɛ kɔɔhiɔ nɛ nyu be mi.

Mateo 25:16

Nɔ nɛ na sika tsu yi akpe enuɔ ɔ ho amlɔ, nɛ e kɛ sika a ya tsu ní; nɛ e na sika tsu yi akpe enuɔ kɛ bɔ he.

Marko 16:20

Kaseli ɔmɛ ho nɛ a ya fiɛ ngɛ he tsuaa he, nɛ Nyɔmtsɛ ɔ kɛ mɛ tsu ní. E ha a pee nyakpɛ níhi babauu kɛ pi munyu ɔ se.] [

Ni Tsumi 14:27

Benɛ a ba su Antiokia a, a bua asafo ɔ nya, nɛ a sɛɛ mɛ níhi tsuo nɛ Mawu kɛ mɛ ya tsu ɔ, kɛ bɔ nɛ e bli blɔ ngɔ ha ma je li ɔmɛ, nɛ mɛ hu a he ye.

Ni Tsumi 15:12

Jehanɛ kpe ɔ tsuo pee dii, konɛ a bu Barnaba kɛ Paulo tue. A bɔ kpe ɔ bɔ nɛ Mawu gu a nɔ kɛ tsu nyakpɛ níhi babauu ngɛ ma je li ɔmɛ a kpɛti.

Ni Tsumi 15:4

Benɛ a su Yerusalem ɔ, asafo ɔ, kɛ bɔfo ɔmɛ, kɛ nikɔtɔma amɛ tsuo he mɛ kɛ hɛmuɔ, nɛ mɛ hu a bɔ mɛ níhi tsuo nɛ Mawu ngɔ mɛ kɛ tsu ɔ.

Ni Tsumi 21:19

Paulo nga mɛ; nɛ bɔ mɛ níhi nɛ Mawu gu e nɔ tsu ngɛ ma je li ɔmɛ a kpɛti ɔ tsuo.

Ni Tsumi 26:20

I fiɛ ha ni ɔmɛ tsuo ke a tsake a tsui, nɛ a kpale kɛ ba Mawu ngɔ, nɛ a pee níhi nɛ tsɔɔ kaa a tsake a tsui niinɛ. I je fiɛmi nɛ ɔ sisi kɛ je Damasko kɛ ya gu Yerusalem kɛ ya muɔ Yudea zugba a, kɛ ya su ma je li ɔmɛ a ngɔ.

Romabi 1:5

Kristo nɔ i gu nɛ i na dloomi, nɛ a wo mi bɔfo, konɛ e biɛ ɔ he ɔ, je ma amɛ kulaa nɛ a bu hemi kɛ yemi ɔ tue.

Romabi 16:26

Se amlɔ nɛ ɔ lɛɛ níhi nɛ gbali ɔmɛ ngma a ha nihi babauu ba na anɔkuale ɔ paa kaa bɔ nɛ neneene Mawu ɔ nitsɛ to nɛ a fiɛ ha je mahi tsuo, konɛ a he Mawu ye, nɛ a bu lɛ tue ɔ.

Romabi 6:17

Se wa naa Mawu si! Jinɛ sa a, yayami ye nyɛ nyɔguɛ, se jehanɛ lɛɛ nyɛ ngɛ Mawu sɔmɔe. Ní nɛ a tsɔɔ nyɛ ɔ, nyɛ he lɛ kɛ nyɛ tsui tsuo.

2 Korintobi 11:31

Mawu, wa Nyɔmtsɛ Yesu Kristo Tsɛ ɔ le kaa i yi lakpa. A je e yi kɛ ya neneene.

2 Korintobi 12:6

Ke i ke ma fĩa a, lɔ ɔ tsɔɔ we kaa i ngɛ kuasia jee; ejakaa anɔkuale ɔ i ngɛ dee ɔ nɛ. Se i be fĩae. I hla we nɛ nihi nɛ bu mi ngɛ ye nina amɛ a he; nɔ́ nɛ a na nɛ i pee, kɛ nɔ́ nɛ a nu kɛ je ye nya a, a bu mi ngɛ lɔ ɔmɛ mohu a he.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

2 Korintobi 6:1

Akɛnɛ waa kɛ Mawu ngɛ ní tsue ɔ, wa kpa nyɛ pɛɛ, dloomi nɛ nyɛ na kɛ je Mawu dɛ mi ɔ, nyɛ ko ha nɛ e pee yaka.

Galatabi 2:8

Ejakaa Mawu nɛ́ gu Petro nɔ kɛ tsu ní ngɛ Yuda bi a kpɛti ɔ, lɛ nɔuu lɛ gu ye nɔ kɛ tsu ní ngɛ ma je li ɔmɛ a kpɛti.

Kolosebi 3:17

Lɔ ɔ he ɔ, nɔ́ tsuaa nɔ́ kɛ mumi lahi kɛ je nyɛ tsui mi, nɛ nyɛ ngɛ pee; munyu lɛ nyɛ ngɛ tue jio, ní nyɛ ngɛ tsue jio, nyɛɛ pee ngɛ Nyɔmtsɛ Yesu biɛ mi. Nɛ nyɛɛ gu e nɔ kɛ na Tsɛ Mawu ɔ si.

2 Tesalonikabi 2:17

e wo nyɛ bua, nɛ e ha nyɛ he wami nɛ nyɛ tsu ní kpakpa, nɛ nyɛɛ tu munyu kpakpa daa.

Hebribi 11:8

Hemi kɛ yemi lɛ ha nɛ Abraham bu Mawu tue, benɛ a tsɛ lɛ nɛ a de lɛ ke e je he nɛ e ngɛ ɔ kɛ ya zugba nɛ ma ba pee e weto ní ɔ nɔ. Abraham pue nɔ kɛ ho, pohu e li he nɛ e yaa.

Hebribi 5:9

Benɛ Mawu ha nɛ e hi kɛ pi si ɔ, e ba pee nɔ nɛ haa nihi nɛ buɔ lɛ tue ɔ naa neneene yi wami hemi.

Yakobo 1:22

Nyɛ ko sisi nyɛ he kaa nyɛ maa bu munyu ɔ tue kɛkɛ; mohu nyɛɛ pee munyu ɔ nɔ yeli.

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

Yuda 1:9

Mawu bɔfo nɔkɔtɔma Mikael tete po pee we enɛ ɔ. Benɛ e kɛ Abosiami pɛ, nɛ e kɛ lɛ sã nya kaa mɛnɔ lɛ sa kaa e ngɔ Mose flɔ̃ ɔ, Mikael jɛ we Abosiami; e yi e he fɛu hulɔ. Nɔ́ nɛ e de lɛ ji, “Nyɔmtsɛ ɔ nɛ ka o hɛ mi!”