Romabi 15:1 - BAIBLO ALOO NGMAMI KLƆUKLƆU Ɔ

¹ Wɔ nihi nɛ wa hemi kɛ yemi mi wa a, e sa kaa waa ye bua ni nɛmɛ nɛ a hemi kɛ yemi mi wɛ ɔ. Wa ko susu wɔ nitsɛmɛ pɛ wa he.

Somi He Ɔ

¹ Wɔ ninɛmɛ nɛ wa ngɛ he wami ɔ, e sa kaa wa kpeɔ ɔ ninɛmɛ nɛ a be he wami ɔ kɛ a gbɔjɔmi ɔmɛ, nɛ wa ko susu wɔ nitsɛmɛ wa he.

Romabi 15:1 ပူးပေါင်းရင်းမြစ်များ

Romabi 14:1

Nɔ ko nɛ hemi kɛ yemi mi wɛ ɔ, nyɛɛ kɛ lɛ ko sã nya ngɛ nɔ́ nɛ e susuɔ kaa e sa nɛ e pee, kɛ nɔ́ nɛ e ko pee he. Se mohu nyɛ he lɛ atuu kɛ ba nyɛ kpɛti.

Romabi 14:2

Nɔ nɛ heɔ yeɔ ɔ, e yeɔ nɔ́ tsuaa nɔ́; se nɔ nɛ hemi kɛ yemi mi wɛ ɔ, lɛɛ pui pɛ e yeɔ.

Romabi 4:20

E yi mi pee we lɛ enyɔɔnyɔ ngɛ si nɛ Mawu wo lɛ ɔ he; se mohu e hemi kɛ yemi ha lɛ he wami he, nɛ e wo Mawu hɛ mi nyami.

1 Korintobi 4:10

Kristo he ɔ, wa plɛ kuasiahi, se nyɛɛ lɛɛ nyɛ ba pee ní leli! Wa gbɔjɔ, se nyɛɛ lɛɛ nyɛ he mi ba wa nyɛ! Nyɛ hɛ mi ba nyami, se wɔɔ lɛɛ wa hɛ mi pue si.

1 Korintobi 9:22

Ngɛ nihi nɛ a hemi kɛ yemi gbɔjɔ a kpɛti ɔ, i peeɔ ye ní kaa nɔ nɛ lɛ hu e hemi kɛ yemi gbɔjɔ, bɔ nɛ pee nɛ ye nine nɛ su a nɔ. Ee, bɔ tsuaa bɔ nɛ nɔ ko ngɛ ɔ, imi hu i peeɔ ye he kaa lɛ. I peeɔ enɛ ɔ, bɔ nɛ pee nɛ ma gu blɔ tsuaa blɔ nɔ kɛ he nihi a yi wami.

2 Korintobi 12:10

Enɛ ɔ he je ɔ, i suɔ kaa ma na nɔ́ ngɛ Kristo he. E hɛwi mi kaa ma nu hiɔ; e hɛwi mi kaa a maa pee mi nisɛ ní, loo ye yi ma fi, loo a maa wa mi yi mi, loo ma na amanehlu. Ejakaa ke i pee gbedee ɔ, Kristo woɔ mi he wami.

Efesobi 6:10

Nyagbe ɔ, nyɛ ha nɛ Nyɔmtsɛ ɔ he wami kpetekpleenyɛ ɔ nɛ ngɛ nyɛ mi ɔ nɛ waje nyɛ.

Filipibi 2:4

Nɔ tsuaa nɔ nɛ fo e nyɛmi nɔ́ mi; e ko fo lɛ nitsɛ pɛ e nɔ́ mi.

1 Tesalonikabi 5:14

Ye nyɛmimɛ nɛ i suɔ, wa kpa nyɛ pɛɛ! Nyɛɛ tu munyu ngɔ tsɔɔ hejɔtsɛmɛ ɔmɛ; nyɛɛ wo ni nɛmɛ nɛ be tsui ɔ he wami; nyɛɛ ye bua ni nɛmɛ nɛ gbɔjɔ ɔ, nɛ nyɛɛ to nyɛ tsui si ha nɔ tsuaa nɔ.

2 Timoteo 2:1

Lɔ ɔ he ɔ, ye bi, nɛ Mawu dloo wɔ nɛ wa ngɛ Kristo Yesu mi ɔ, o he nɛ wa.

1 Yohane 2:14

Bimɛ tsɔwi, i ngɛ nyɛ womi nɛ ɔ ngmae, ejakaa nyɛ le Tsɛ ɔ. Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ he wa; Mawu we anɔkuale ɔ ngɛ nyɛ mi, nɛ nyɛ ye nɔ yayami ɔ nɔ kunimi.