Romabi 14:6 - BAIBLO ALOO NGMAMI KLƆUKLƆU Ɔ

⁶ Nɔ nɛ susuɔ kaa ligbi komɛ a he hia pe ekomɛ ɔ, Nyɔmtsɛ ɔ hɛ mi nyami e ngɛ woe; nɛ nɔ nɛ yeɔ nɔ saisaa a, lɛ hu e ngɛ Nyɔmtsɛ ɔ hɛ mi nyami woe, ejakaa e naa Mawu si ngɛ he. Nɔ nɛ yi nɔ́ saisaa a, lɛ hu e kɛ woɔ Nyɔmtsɛ ɔ hɛ mi nyami, nɛ lɛ hu e naa Mawu si.

Somi He Ɔ

⁶ Nɔ nɛ buu ligbi ɔ, Nyɔmtsɛ ɔ e buu haa; nɛ nɔ nɛ yeɔ ni ɔ, Nyɔmtsɛ ɔ eyeɔ haa, ejakaa e naa Mawu si. Nɛ nɔ nɛ yi ni ɔ, Nyɔmtsɛ ɔ e yi ha, nɛ e naa Mawu si hulɔ.

Romabi 14:6 ပူးပေါင်းရင်းမြစ်များ

Mateo 15:36

Jehanɛ, e kukuɔ abolo kpaago ɔ, kɛ lo ɔ, nɛ e na Mawu si, nɛ e ku mi, nɛ e ngɔ ha e kaseli ɔmɛ. Nɛ e kaseli ɔmɛ hu dla ngɔ ha ma a.

Mateo 14:19

Yesu fa ma kpekpemi ɔ ke a hi si ngɛ nga a nɔ. Jehanɛ, e kukuɔ abolo enuɔ ɔ, kɛ lo enyɔ ɔ, nɛ e hyɛ hiɔwe nɛ e na Mawu si. E ku abolo ɔ mi, nɛ e ngɔ ha e kaseli ɔmɛ, nɛ e kaseli ɔmɛ hu dla ngɔ ha ma a.

Galatabi 4:10

Nyɛ toɔ be titli komɛ, ligbi komɛ, nyɔhiɔ komɛ, kɛ jeha komɛ nɛ nyɛ kɛ peeɔ kusumi.

Yohane 6:28

Lɔ ɔ he ɔ, a bi Yesu ke, “Kɛ wa maa pee kɛ pee Mawu suɔmi nya ní kɛɛ?”

Yesaya 58:5

Anɛ hwɔ hami kaa kikɛ nɛ ɔ i ngɛ hlae lo? Anɛ nɔ nitsɛ e he pimi kaa kikɛ nɛ ɔ i suɔ lo? Ke nɔ ko ma e yi si kudɔɔ kaa ngɔwu, nɛ e ngmɛ kpekpe ngɛ la zu mi nɛ e hwɔ nɔ ɔ, enɛ ɔ nyɛ tsɛɔ hwɔ hami ɔ? Enɛ ɔ maa sa ye hɛ mi lo?

Mose II, 16:25

Mose de mɛ ke, “Nyɛɛ ye enɛ ɔ mwɔnɛ ɔ, ejakaa mwɔnɛ ɔ ji Yawɛ Hejɔɔmi ligbi; mwɔnɛ ɔ, nyɛ be eko nae ngɛ nga a nɔ.

Mose II, 12:42

Jamɛ a nyɔ ɔ ji nyɔ nɛ Yawɛ huɔ nɛ e kɛ je Israel bi ɔmɛ kɛ je Egipt zugba a nɔ ɔ nɛ. Enɛ ɔ he je ɔ, jamɛ a nyɔ ɔ pee nyɔ nɛ daa jeha a, Israel bi ɔmɛ kɛ a nina tsuo huɔɔ nyɔ kɛ haa Yawɛ.

Mose II, 12:14

Ligbi nɛ ɔ maa pee kaimi ligbi nguaa ha nyɛ, nɛ nyɛ maa ye ligbi ɔ kaa nyami be kɛ ha Yawɛ; nɛ enɛ ɔ maa pee mlaa nɛ fɔɔ si ha nyɛɛ kɛ nyɛ nina kɛ maa ya neneene.

Zakaria 14:21

Buɛhi tsuo nɛ ngɛ Yerusalem, kɛ Yuda zugba a nɔ ɔ maa pee klɔuklɔu ha Yawɛ Tabohiatsɛ ɔ. Nihi nɛ ma ba sã bɔ ɔ, ma ba ngɔ buɛ nɛ ɔmɛ, nɛ a maa hoo lohwe nɛ a kɛ sã bɔ ɔ ngɛ mi. Jamɛ a be ɔ, jua yelɔ ko jua yelɔ ko be Yawɛ, Tabohiatsɛ ɔ we ɔ mi hie hu.